كانونی دووه‌م 29, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئه‌نجۆمه‌نێ رۆحانیا ئێزدیان: ب سایا سه‌رۆك بارزانى خه‌ونێن ئێزدیا ب ده‌ست وان ڤه‌ دهێن

ئه‌نجۆمه‌نێ رۆحانیا ئێزدیان: ب سایا سه‌رۆك بارزانى خه‌ونێن ئێزدیا ب ده‌ست وان ڤه‌ دهێن

باسنيوز:
پشتى كۆ ئه‌ڤرۆ په‌رله‌مانێ ئه‌لمانیا ب پرانیا ده‌نگان كاره‌ساتا شنگالێ ب جینۆساید دیاركرى، ئێزدى ل سه‌رانسه‌رى كوردستان و جیهانێ ب ڤێ بریارێ دلخۆش بوونه‌ و ئه‌نجۆمه‌نێ روحانیا ئێزدیا ژى به‌حس ل پشته‌ڤانیا سه‌رۆك بارزانى دكه‌ن.

كه‌ریم سلێمان، راوێژكارێ ئه‌نجۆمه‌نێ رۆحانیا ئێزدیا ئه‌ڤرۆ رۆژا پێنجشه‌مبى 19/1/2023 بۆ(باسنیوز) دیاركر: “ئه‌م وه‌ك میر و جڤاتا رۆحانیا ئێزدیا و هه‌مى ئێزدیێن كوردستان و جیهانێ دلخۆشین كۆ ئه‌ڤرۆ په‌رله‌مانێ ئه‌لمانیا تاوانا شنگالێ به‌رامبه‌ر ئێزدیا ب جینۆساید دیاركرى و ئه‌ڤ كارێ هه‌ره‌ مه‌زن ب ده‌رئه‌نجامێ چه‌ندین دانوستاندنێن به‌رده‌وامن یێن په‌رله‌مانێ ئه‌لمانیا بده‌ست مه‌ ڤه‌ هاتیه‌”.

راوێژكارێ ئه‌نجۆمه‌نێ رۆحانیا ئێزدیا ئه‌و چه‌نده‌ ژى گۆت: “جه‌نابێ سه‌رۆك بازرانى هه‌ر ل ده‌مێ كاره‌ساتا شنگالێ درۆست بووى، ل وى ده‌مى سوز دا و كه‌ره‌مكر و گۆت: یا ژ ده‌ستێن من بهێت دێ ئه‌نجامده‌م، ب سایا هه‌بونا سه‌رۆك بارزانى و خوینا شه‌هیدان و هێزا پێشمه‌رگێ كوردستانێ، شنگال ل ده‌ستێن داعش دا هاتیه‌ رزرگاركرن”.

گۆت ژى: “حكومه‌تا هه‌رێما كوردستانێ هه‌ر ژ 3/8/2014، تا ئه‌ڤرۆ و ڤێ خۆله‌كێ، مل ب ملێ مه‌ وه‌ك كوردێن ئێزدى یه‌ و هه‌لگرا خه‌ما مه‌یه‌، ئه‌ڤ پشته‌ڤانیا حكومه‌تا هه‌رێما كوردستانێ چجار ناهێته‌ ژبیركرن و ڤه‌كرنا نڤیسنگه‌ها رزگاركریێن كوردێن ئێزدى رۆله‌كێ زور مه‌زن ئه‌نجام دایه‌ بۆ هاریكاریا كوردێن ئێزدى، ژبه‌ر كۆ هزاران كوردێن ئێزدى ب سایا وێ نڤیسنگه‌هێ هاتینه‌ قۆرتالكرن”.

كه‌ریم سلێمان، راوێژكارێ ئه‌نجۆمه‌نێ رۆحانیا ئێزدیا ئه‌م چه‌نده‌ ژى پشتراستكر و گۆت: “سه‌ركردایه‌تیا كوردى هه‌رده‌م پشته‌ڤانێن كوردێن ئێزدى بوویه‌، هه‌رده‌م خواستیه‌ خزمه‌تا ئێزدیا بكه‌ت، هه‌رده‌م هه‌ولدده‌ت ئارامى ل ده‌ڤه‌رێن ئێزدیا په‌یدا بییت و به‌رقرار ببیت، له‌ورا بۆ هه‌تا هه‌تا ئه‌م پشته‌ڤانیا سه‌ركردایه‌تیا كوردى ژبیر ناكه‌ین و بریارا ئه‌ڤرۆ یا په‌رله‌مانێ ئه‌لمانیا لدور ناساندنا جینۆسایدا كاره‌ساتا شنگالێ ل ته‌ڤایا ئێزدیا پیرۆز دكه‌ین”.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi