دەرچوویێن ساخلەمیێ یێن دەڤەرێن ژ دەرڤەی ئیدارا هەرێما كوردستانێ دێ ئێنە دامەزراندن
تۆرا لالش:
بریار بوو دەرچوویێن 2020-2021 یێن كولیژ و پەیمانگەهێن ساخلەمیێ یێن ئاكنجیێن دەڤەرێن كوردستانی یێن ژ دەرڤەی ئیدارا هەرێما كوردستانێ ژلایێ بەغداڤە بێنە دامەزراندن،لێ هەتا نۆكە بریارا دامەزراندنا وان دەرنەكەفتیە.
دڤی واری دا د.ماجد شنگالی،ئەندامێ پەرلەمانێ عێراقێ ب سەر فراكسیۆنا پارتی دیموكراتی كوردستان و جێگرێ لژنا ساخلەمیێ ل پەرلەمانێ عێراقێ تایبەت بۆ دەنگێ لالش ئاشكەراكر،هندەك ئاستەنگی د رێدانە و نۆكە كار ل سەر دكەین داكو ئاستەنگ نەمینن و دەرچوو بێنە دامەزراندن،هەموو رێكارێن دامەزراندنا وان تەمام بووینە و ناڤێن وان ل بەغدانە، ئاریشا پەیدا بووی د فۆرما پركرنێ دا بوو، چنكو ئەو فۆرم ب شێوەیەكی نەیێ دروست هاتبوو ڤەكرن،هژمارا وان دەرچوویان یێن پێشكێشی دامەزراندنێ كرین بترە ژ وێ ژمارا كو وەزارەتێ دڤێت،لەوما ئەڤ چەندە بوویە ئاستەنگ بەرامبەر دامەزراندنا وان،دڤێت ئەڤ ئاریشە بێتە چارەسەركرن چنكو هەموو دەرچوویان دڤێتن بێنە دامەزراندن.
ئاشكەراكر ژی ل دووڤ یاسایا ژمارە یا ساڵا 2000 دڤێت بێ جیاوازی هەموو دەرچووی بێنە دامەزراندن و بریارە دڤان ڕۆژاندا سەرەدانا وەزارەتا ساخلەمیا عێراقێ بكەین ئەوژی ب مەرەما چارەسەركرنا ڤێ پرسگرێكا كەفتیە د رێیا دامەزراندنا دەرچوویێن كولیژ و پەیمانگەهان یێن دەڤەرێن كوردستانی یێن ژ دەرڤەی ئیدارا هەرێما كوردستانێ،دەرچوویان پشتراست دكەم ل دەمەكێ نێزیك بریارا دامەزراندنا وان دەركەڤت و ئەڤەژی مافێ وانە.
هەر ل سەر هەمان مژار سەرۆكێ بەرێ یێ لژنا ساخلەمیێ ل جڤاتا پارێزگەها نەینەوا خدر ئلیاس، بۆ دەنگێ لالش ئانی زمان،پێنگاڤێن باش بۆ ڤی بابەتی هاتینە هاڤێتن و دئێتە چاڤەرێكرن ل دەمەكێ نێزیك دا ئەو دەرچوو بێنە دامەزراندن،چنكو دەرچوویێن ساڵا 2020_2021 مافێ وانە بێنە دامەزراندن و نۆكە ساخلەمیا مووسل ب هەڤكاری دگەل فراكسیۆنا پارتی دیموكراتی كوردستان ل پەرلەمانێ عێراقێ بەردەوام هەول ددەن وان ئاستەنگیان چارەسەر بكەن و ئەڤ دەرچووی بێنە دامەزراندن.
مقالات ذات صله
-
پهيامنێرێ (تۆڕا لالش) ل ئهلمانيا باوهرنامهيا ماستهرێ بدهستڤهئينا
-
نههـ ساڵ بسهر وەغەرکرنا نڤیسەر “ڕێسان حەسەن “دهرباز دبن
-
وەزارەتا کۆچ و کۆچبەرێن عێراقێ کەلوپەلێن دهم ب سهرڤهچووى ل کەمپێن ئاوارهيێن شنگالێ بهلاڤكرينه
-
بنگههێ لالش پهيامهكا سهرهخۆشيێ ئاڕاستهى مالباتا قوربانيێن ههر سێ گهنجێن ئێزدى دكهت
