شوبات 05, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رزگاربوویەكێ‌ گوندێ‌ كۆچۆ پشتی ژ دەستێن داعش رزگاربووی،باوەرناما پزیشكی ل كەنەدا بدەستخۆڤەدئینت

رزگاربوویەكێ‌ گوندێ‌ كۆچۆ پشتی ژ دەستێن داعش رزگاربووی،باوەرناما پزیشكی ل كەنەدا بدەستخۆڤەدئینت
تۆرا لالش:
سەیف عەبدللە متۆ،ڕزگاربوویەكێ‌ گوندێ‌ كۆچۆیە و ژدایكبوویێ‌ ساڵا2001ێ‌ یە،نۆكە ل وەلاتێ‌ كەنەدا دژیت پشتی ل ژێر دەستێ‌ ڕێكخراوا تیرۆرستییا داعش رزگاربووی دەست ب خواندنێ‌ كر و نۆكە باوەرناما پزیشكی ل كەنەدا بدەستخۆڤەئینایە.رزگاربوویێ‌ ژێر دەستێ‌ داعش بڤی شێوەی چیرۆكا خۆ ڤەدگەرینت و بۆ دەنگێ‌ لالش دیاركر،ل ڕێككەفتی(15/8/2014)ێ‌ رێكخراوا تیرۆرستییا داعش هێرشی گوندێ‌ كۆچۆ كر و هەموو زەلام كۆمەڵكووژ كرن زارۆك و ژن گرتن،دیسان ل ڕێككەفتی(16/8/2014)ێ‌ هەموو ژنێن دانعەمر كۆمەڵكووژكرن كو دەیكا من ژی یا دناڤدا بوو سەرجەمێ‌ هەموو ژنێن كۆمەڵكووژ كری گەهشتە نێزیكی هەشتیان،پشتی سێ‌ مەهێن داویا(2014)ێ‌ ئەم ڤەگوهاستینە سووریا،ئەز و برایێ‌ خۆ بتنێ‌ ژ كۆمكوژیێ‌ قورتال بووین و دەیك و بابێن من هاتنە كۆمەڵكووژ كرن و سێ‌ خوشكێن من گرتن،كو وی دەمی تەمەنێ‌ من 13سال بوون و یێ‌ برایێ‌ من 11سال بوون،تیرۆرستێن داعش پشتی ئەم ڤەگوهاستینە سووریا ئەم فێری راهێنانێن لەشكەری و ئایدۆلۆژیا خۆ د كرین، پشتی دەرفەت بۆمە چێبووی ل ساڵا(2017)ێ‌ ب هاریكاریا كەسەكی ئەم رزگاربووین.
سەیف عەبدللە دیاركر ژی تیرۆرستێن داعش ل(2014)ێ‌ ب پاسان ئەم ڤەگوهاستینە سووریا و ل قوتابخانەكا چار نهۆمی كو گەلەكا مەزن بوو نهۆمەك ل ژێر عەردی دا بوو ئەم یێ‌ ل بن عەردی دا بووین ئەو ژی داكو ژ تۆپبارانان د پاراستی بین،هەر ڕۆژ ل دەمژمێر سَیێ‌ بەرێ‌ سبێ‌ ئەم فێری ئایدۆلۆژیا خۆ و كارێن خراب دكرین،هەردیسان پشتی راهێنانێن ئایدۆلۆژی چەكدارەكێ‌ ئۆردنی راهێنانێن لەشكەری ب مە دكرن ب راستی راهێنانێن ئەوان تیرۆرستان گەلەك ب زەحمەت بوون و د راهێنانان دا گەلەك ئەم ئەشكەنجە دداین و نەخاسمە هەگەر كەسەكی ژ مە د راهێنانان دا نەیێ‌ سەركەفتی با زێدە دهاتە ئەشكەنجەدان و چاڤدێریەكا بێ‌ سنوور ل سەر دكرن، و د ئاڤا پیس دا راهێنان ب مە دكرین، هژمارا مە 100 زارۆك بوون و ژوانژی 50 ژمە ئێزدی بوون و یێن دی زارۆكێن تیرۆرستان بوون، و تیرۆرستان ئەم فێری زمانێ‌ عەرەبیێ‌ دكرین بەرامبەر هەر شاشیەكێ‌ ئەم گەلەك ئەشكەنجە دداین.
ل داویێ‌ ژی گۆت:بەری فەرمان ب سەرێ‌ مە بێت ژیانا مە گەلەك یا خۆش بوو،من پۆلا هەشتێ‌ ب داوی ئینابوو، بەردەوام یاریا تەپایێ‌ مە زارۆكان دكر، مالا مە قەسر بوو برایێ‌ من پۆلیس بوو بابێ‌ من دوكانەك هەبوو تێدا كاردكر، چار خوشك و دوو برا بووین، لێ‌ مخابن ئەو ژیانا خۆش نەما، بەری بێمە كەنەدا سێ‌ جاران من سەرەدانا گوندێ‌ كۆچۆ كر نكارم لێ‌ ئاكنجی بم ژبەركو یا وێرانە،ل پشكا كیمایێ‌ ل زانكۆیەكا وەلاتێ‌ كەنەدا دخونم، هەرچەندە ل وارێ‌ خۆ دوورم لێ‌ هەر بێریا كۆچۆ دكەم.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi