شوبات 03, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نێچیرڤان بارزانى پیرۆزباهیێ ل ئێزدیان دكه‌ت

نێچیرڤان بارزانى پیرۆزباهیێ ل ئێزدیان دكه‌ت

جه‌ژنا ڕۆژى یێن ئێزى ل ڕێزدار میرێ ئێزدیان و بابه‌شێخ و جڤاتا ڕووحانى و هه‌مى خوشك و برایێن ئێزدى ل كوردستانێ و عیراقێ و ل هه‌ر ده‌ره‌كا جیهانێ بن، ژ دل و ب گه‌رمى پیرۆز دكه‌م. هیڤیدارم جه‌ژن و بێهنڤه‌دانا خۆ د ڕه‌وشه‌كا ته‌نا و ئارامدا ده‌رباز بكه‌ن و جه‌ژن و بیراهاتنێن بهێن، ژبۆ مه‌ هه‌میان د ڕه‌وشه‌كا باشتردا ڤه‌گه‌ڕن.

مخابن جه‌ژنه‌كا دى یا خوشك و برایێن مه‌ یێن ئێزدى ڤه‌دگه‌ریت كو هێشتا هژماره‌كا مه‌زنا وان ئاوارانه‌ و ژیانا زه‌حمه‌تا كه‌مپان دژین. دلێ مه‌ دگه‌ل وانه‌ و ئه‌م ژ نێزیك ئاگه‌هدارى ڕه‌وش و ژیارا وانین. پیرۆزباهییه‌كا تایبه‌ت ل وان هه‌میان دكه‌م.

هه‌روه‌سا ب هزاران خوشك و برایێن مه‌ ئێزدى، ب دله‌كێ كۆڤاندار ل هیڤیا زانینا چاره‌نڤیسێ كه‌سوكارێن خۆ یێن ڕه‌ڤانینه‌. ب ڤێ هه‌لكه‌فتنێ، ئه‌م دیسا هه‌مى خوشك برایێن خۆ یێن ئێزدى پشتڕاست دكه‌ین كو هه‌تا دویماهیێ دێ له‌سه‌ر كار و هه‌ولێن خۆ یێن ڕزگاركرن و دیاركرنا چاره‌نڤیسێ ڕه‌ڤاندیان به‌رده‌وام بین.

جه‌ژن ل هه‌میان پیرۆز بیت، هه‌ر سال ب خیر و خۆشى.

نێچیرڤان بارزانى
سه‌رۆكێ هه‌رێما كوردستانێ
2022/12/15

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi