شوبات 02, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئێزدیێن سوریا گوندێن خۆ چۆل دكەن

ئێزدیێن سوریا گوندێن خۆ چۆل دكەن
تۆرا لالش:
هەبوونا ئێزدیان ل وەلاتێ‌ سووریا دمەترسیەكا مەزن دایە،ژبەركو ناچار دبن كۆچبەری دەرڤەی وەلاتی ببن و گوندێن خۆ چۆل بكەن ژبەر ترسا میلشیاتێن چەكدار و رەوشا ئێمناهیێ‌ یا ئالۆز ل سوریا ب شێوەكی تایبەتی و ل دەڤەرێ‌ ب شێوەكی گشتی.
دڤی واری دا كندال رەمۆ،ئەندامێ‌ جڤاتا ئێزدیێن سوریا بۆ دەنگێ‌ لالش راگەهاند،چوو وەلاتیێن ئێزدی ل سەرێ‌ كانیێ‌ دەڤەرا داگیركری ژئالیێ‌ لەشكەرێ‌ توركیا و گرۆپێن سەر ب ئۆپزسیۆنا سووریا ڤە نەماینە،كو ئەرد و مال و مولكێن وان هاتینە تالانكرن،هەر دیسان ل باژێرێ‌ عەفرینێ‌ هندەك خێزانێن ئێزدی لێ‌ ماینە و هاتینەپشتگوه خستن و ژبەلا ستەما گرۆپێن ئۆپزسیۆنێ‌ دنالن یێن كو هەر ئێكی ل عەفرینێ‌ مای دترسینن،داكو كۆچ بكەن و گوندێن خۆ بۆ وان بجه بهێلن.
كندال رەمۆ ئەو یەك ژی دیاركر،هێشتا ئێزدی ل وەلاتێ‌ سووریا دمەترسیەكا مەزن دانە،ژبەر نە ئارامی و تەناهیێ‌ ل وی وەلاتی و ترسا میلشیاتێن چەكدار ناچار دبن كۆچبەری دەرڤەی وەلاتی ببن و گوندێن خۆ چۆل بكەن.
ل گۆرەی ئاماران بەریا سالا 2011هژمارا ئێزدیان ل رۆژئاڤایێ‌ كوردستانێ‌ ل وەلاتێ‌ سووریا بتر ژ 200هەزار كەسان بوویە،لێ‌ پشتی بەهارا عەرەبی سەرهلدایی و باری ئێمناهیێ‌ تێكچوویی ب هەزارن خێزانێن ئێزدی كۆچبەری دەرڤەی وەلاتی بوون و ڕۆژ بۆ ڕۆژێ‌ هژمارا ئێزدیان دكێمیێ‌ دایە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi