شوبات 06, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ل پەرلەمانێ‌ عێراقێ‌ بزاڤێن ڤەگەریانا ئیدارا شەرعی یا شنگالێ‌ دئێنە كرن

ل پەرلەمانێ‌ عێراقێ‌ بزاڤێن ڤەگەریانا ئیدارا شەرعی یا شنگالێ‌ دئێنە كرن
تۆرا لالش:
نوونەرێن خەلكێ‌ شنگالێ‌ ل پەرلەمانێ‌ عێراقێ‌ بزاڤا وێ‌ یەكێ‌ ددەن ئیدارا شەرعی یا شنگالێ‌ ڤەگەریننە ڤە،داكو رەوشا وێ‌ دەڤەرێ‌ ئاسایی بت و خەلك ڤەگەرتە سەر دەڤەرێن خۆ ڤە.
محما خەلیل،ئەندامێ‌ پەرلەمانێ‌ عێراقێ‌ بۆ دەنگێ‌ لالش راگەهاند،دڤێت زەمینە بێتە خوەشكرن ئیدارا شەرعی یا شنگال وەك ئێكەم پێنگاڤ ڤەگەرتە شنگالێ‌ و رەوشا شنگال ئاسایی بت،د بەرنامە دایە ئیدارا شنگال و ئاوارە ڤەگەرنە شنگال د نۆكەدە ئەڤ چەندە یا پێتڤیە داكو كاروبارێن خەلكی ل شنگال ب رێڤە بچن،د نۆكەدا ئیدارا شنگال ل سنورێ‌ پارێزگەها دهۆكێ‌ یە و كاروبارێ‌َ خەلكێ‌ شنگال ب رێڤە دبەن ژبەركو پرانیا خەلكێ‌ شنگال ل سنورێ‌ پاریزگەها دهۆكێ‌ د ئاوارەنە و د كەمپاندانە،داخواز دئێتەكرن رێككەفتنا شنگالێ‌ بێتە جێبەجێبكرن دڤێت بەری جێبەجێبكرنا رێككەفتنا شنگال ئیدارا شەرعی ڤەگەرتە شنگالێ‌ داكو زەمینە بۆ جێبەجێ‌ بوونا رێككەفتنێ‌ بێتە خوەشكرن و خزمەتگۆزاری بۆ وێ‌ دەڤەرێ‌ بێنە دابینكرن داكو خەلك ژ ژیانا ئاوارەبوونێ‌ قورتال ببن و ئێمناهی و ئارامی ڤەگەرتە دەڤەرێن وان ب و سەرفەرازی ل سەر ئاخا باب و كالان بژین،ئەم قەبوول ناكەین جارەكا دن شنگال وەسا بمینت و دڤێت رەوشا وێ‌ ب زووترین دەم بێتە چارەسەركرن.
ژلایەكێ‌ دی ڤە خدر خودێدا،رێڤەبەرێ‌ ناحیا گرعزێر ل دۆر ڤێ‌ یەكێ‌ بۆ رۆژناما دەنگێ‌ لالش دیاركر،ئەگەر زەمینە بۆ وان بێتە خوەشكرن ئیدارە یا ئامادەیە بەری خەلكی ڤەگەرتە شنگالێ‌ و خزمەتێ‌ بكەن،مە پێ‌ نەخۆشە ئەم ل ڤێدەرێ‌ بن و ئەگەر خەلكێ‌ مە یێ‌ ئاوارە ڤەگەرن و رەوشا ئێمناهیێ‌ ل سەرانسەری شنگال بەرقرار ببت و رەوشا ئێمناهیێ‌ و سیاسی و هێزێن نەشەرعی ژ دەڤەرێ‌ دەركەڤن ئەم دێ‌ ڤەگەرین و كارێ‌ خۆ یێ‌ ئیداری ل شنگالێ‌ بەردەوام كەین،د ئامادەینە بچینە شنگالێ‌ سەرەرای هەموو ئاستەنگان لێ‌ ب مەرجەكی رەوش بێتە ئاسایكرن داكو خەلك ژی بكارن ڤەگەرن.
قەزا شنگال ئێكە ژ دەڤەرێن كوردستانی یێن دەرڤەی ئیدارا هەرێما كوردستانێ‌ و ژ روویێ‌ ئیداری ڤە سەر ب پارێزگەها نەینەوا ڤەیە،حكومەتا فیدرال ژی هێشتا پێنگاڤێن ئاسایكرنا رەوشا ڤێ‌ دەڤەرێ‌ نەهاڤێتینە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi