شوبات 02, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ناڤەرۆكا كۆمبوونا میرێ‌ ئێزدیان و پاپایێ‌ فاتیكانێ‌

ناڤەرۆكا كۆمبوونا میرێ‌ ئێزدیان و پاپایێ‌ فاتیكانێ‌
تۆرا لالش_تایبەت:
ل رۆژا دووشەمبوویێ‌ 14ی چریا دووێ‌ 2022،شاندەكێ‌ ئێزدیان ب سەرۆكایەتیا میر حازم تەحسین بەگ میرێ‌ ئێزدیان ل كوردستانێ‌ و عێراقێ‌ و جیهانێ‌ سەرەدانا فاتیكان كر و ب گەرمی ژلایێ‌ پاپا فرانسیسێ‌ ئێكێ‌،سەرۆكێ‌ كەنیسەیا كاسۆلیكی ل جیهانێ‌ هاتە پێشوازیكرن.

دەربارەی ناڤەرۆكا كۆمبوونا خۆ،میر حازم تەحسین بەگ دبێژت،كۆمبوونەكا گرنگ بوو،ب گەرمی هاتینە پێشوازیكرن،باسێ‌ رەوشا ئێزدیان،شنگال و كوردستانێ‌ كر. میرێ‌ ئێزدیان دبێژت،پاپا فرانسیس گۆتە مە،ئەوا دشیانێن مە دا بت بكەین كەمتەرخەمیێ‌ ناكەین..گڤاشتنێ‌ دێ‌ ئێخینە سەر جڤاكا نێڤ دەولەتی و ئەو ژی دێ‌ گڤشتانێ‌ ئێخنە سەر عێراقێ‌ بۆ هندێ‌ كێشەیا شنگال چارەسەر بكەن.
كۆمبوونا شاندێ‌ ئێزدیان بۆ ماوێ‌ 40 خۆلەكان لگەڵ پاپا فرانسیس،پاپایێ‌ ڤاتیكان ڤەكێشا،كو هەڤركیێن سیاسی ل شنگال بۆ ڤەگەڕیانا ب هەزاران كوردێن ئێزدی بۆ سەر زێدێ‌ خۆ و دیارنەمانا چارەنڤیسێ‌ 3 هەزار زارۆیان،كچ و ژنێن ئێزدی بابەتێ‌ سەرەكی یێ‌ نێڤ كۆمبوونا پاپا فرانسیس و میرێ‌ ئێزدیان بوو.
هەروەسا میرێ‌ ئێزدیان بال كشاندە سەر جینۆسایدا ب سەرێ‌ ئێزدیان دا هاتی ل سەر دەستێ‌ ڕێكخراوا داعش یا تیرۆرستی ل 3/8/2014 و داخواز ل پاپایی كر كو دادپەروەریێ‌ بۆ قوربانیێن داعش ل عێراق و سووریێ‌ بجهبینت،ب وەربەرهێنانێ‌ ل پێگەهێ‌ خۆ یێ‌ بلند ل جیهانێ‌ و گڤاشتنێ‌ ل جڤاكا نێڤ دەولەتی بكەت بۆ رێگریكرنێ‌ ل دووبارەبوونا جینۆسایدێ‌ ل دژی ئێزدیان ب ڕێیا یاسا و دادوەریێ‌ یا میكانیزم.
میری ئاماژە دا مەترسیێن ڤالابوونا شنگال و دەشتا نەینەوا ژ خەلكێ‌ وێ‌ یێ‌ كەمینەیێن عێراقێ‌ یێن ب هەڤرا دژین،و بانگ ل پاپایی كر كو دەستێوەردانێ‌ بكەت بۆ ب داوی ئانینا ئازارێن كۆچبەرێن ئێزدی یێن ئاسێ‌ ل وەلاتێ‌ یونانێ‌ و ل وەلاتێن ئەورۆپی ئاكنجی بكەن.
ژلایەكێ‌ دی ڤە میری دوپات ل سەر گرنگیا خورتكرنا ئارامی و ئشتیێ‌ ل رۆژهەلاتا ناڤین كر،دگەل ئاماژەیەكا تایبەت بە پرسا ئاوارێن ئێزدی و دابینكرنا سەلامەتیێ‌ و ڤەگەڕیانا وان بۆ دەڤەرێن خۆ و ئاڤەدانكرنا وان دەڤەرێن ژلایێ‌ ڕێكخراوا تیرۆرستی یا داعشێ‌ ڤە وێران بووین و بێنە قەرەبووكرن، هەروەسا جێبەجێكرنا ڕێككەفتنا هەولێر- بەغدا،دوپات ل پاراستن و هاندانا مانا كەمینەیان ل ڕۆژهەڵاتا ناڤین تەكەزی ل سەر هاتە كرن،هەروەسا میرێ‌ ئێزدیان ئاماژە دا ڕۆڵێ‌ مەسرور بارزانی سەرۆكێ‌ حكومەتا هەرێما كوردستانێ‌ بۆ پشتەڤانی یا وی بۆ كەمینە و ئایین و مەزهەبێن كوردستانێ‌، هەروەسا ڕۆڵێ‌ نێچیرڤان بارزانی سەرۆكێ‌ هەرێما كوردستانێ‌ بلند نرخاند بۆ پشتەڤانی یا ڕزگاربوویێن ئێزدی و دابینكرنا هەموو جۆرێن هاریكاریێ‌ بۆ رزگاربوویان.
مەیان خاتوون،هەڤژینا میر حازم دبێژت،پاپێ‌ فاتیكانێ‌ رێزەكا هەری مەزن ل شاندێ‌ ئێزدیان گرت و خۆشحالیا خۆ دەربری بڤێ‌ سەرەدانێ‌،مە گۆتە پاپایی هێشتا جینۆسایدا ئێزدیان یا بەردەوامە و داخواز ژێكر كو چارەنڤیسێ‌ ب هەزاران كچ و ژنێن گرتی یێن هەتا نۆكە د دەستێ‌ تیرۆرستێن داعشێ‌ دا ماین بێتە ئاشكەراكرن،ئازارێن رزگاربوویان و خەلكێ‌ خۆ یێ‌ ئێزدی ل سووریا و ئاوارێن شنگال دكەمپان دا و نەمانا هەڤركیێن سیاسی ل شنگال بۆ هندێ‌ خەلكێ‌ مە ل وێدەرێ‌ ب ئارامی بژیت و پێگەهاندنا دەروونی بۆ رزگاربوویان گەهاندنە وی و مە سەرەدانا رێكخراوەكا دەروونی ژی كر كو دێ‌ دگەل مە دا دهاریكار بن بۆ ڤی بابەتی،زێدەباری چەندین بابەتێن دیتر یێن گرێدایی ب رەوشا ئێزدیان ڤە،پاپاپی گۆتە كو ئەو تەخسیریێ‌ ناكەن و دێ‌ دهاریكار بن دگەل میری دا بۆ هاریكاریكرنا ئێزدیان.

دبەرامبەردا پاپایی سۆزدا كو هەموو پێكۆلێن خۆ بێختر كار ژبۆ درێژكرنا دەستێ‌ هاریكاریێ‌ بۆ ئێزدیان و دۆزەیا وان بینتە پێش و دگەل میرێ‌ ئێزدیان دا دهەڤكار و هاریكار بن.
میر حازم تەحسین بەگ،میرێ‌ ئێزدیان و شاندێ‌ دگەلدا ب فەرمی ژلایێ‌ فاتیكانێ‌ ڤە هاتبوونە بانگهێشتكرن.
بۆ زانین میرێ‌ وغەركری تەحسین سەعید عەلی بەگ،دوو جاران دژیانا خۆ دا سەرەدانا فاتیكان كربوو،سەرەدانا ئێكێ‌ دگەل پاپا بولس یێ‌ شەشێ‌ ل سالا 1967و سەرەدانا دووێ‌ دگەل پاپا فرانسیس ل سالا 2015 بوو.
هەروەسا چاڤەرێ‌ یە میر حازم تەحسین بەگ،پشتی فاتیكان بەرەف ئەلمانیا ب رێكەڤت و پاشی بریتانیا و ل پەرلەمانێ‌ وی وەلاتی گۆتارەكێ‌ پێشكێش بكەت.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi