كانونی دووه‌م 31, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئەندامەكێ‌ بەرێ‌ یێ‌ جڤاتا پارێزگەها نەینەوا:خەلكێ‌ شنگال چەندین پۆستێن ئیداری ژدەستداینە

ئەندامەكێ‌ بەرێ‌ یێ‌ جڤاتا پارێزگەها نەینەوا:خەلكێ‌ شنگال چەندین پۆستێن ئیداری ژدەستداینە
تۆرا لالش:
رەوشەنبیر و مامۆستایێن دەڤەرا شنگال ئاماژێ‌ ب وێ‌ چەندێ‌ ددەن كو شنگال ژ ئالیێ‌ حكومەتا فیدرال ڤە هاتیە پشتگوه هاڤێتن و هەتا نۆكە ژی مافێ‌ خەلكێ‌ شنگالێ‌ ل پارێزگەها نەینەوا ب دروستی نەهاتیەدان،ب تایبەتی ژ روویێ‌ ئیداری ڤە و چەندین پۆست ژی ژ دەستداینە.
جواد ئەلببەواتی بۆ دەنگێ‌ لالش دیاركر،ئەڤە ب سەدێن سالایە خەلكێ‌ شنگالێ‌ ژ گەلەك تشتان ژ حكومەتا فیدرال بێ‌ بەهرن و خەلكێ‌ شنگال ژ هەژی پۆستێن ئیداری یێن بلندن هەر ژ وەزارەتان و رێڤەبەرێن گشتی بگرە هەتاكو فەرمانبەرەكێ‌ نۆرمال د شیاندایە جیێ‌ خۆ دناڤ پلە و پۆستان دا بگرن، حكومەتا عێراقێ‌ ب گشتی نەخاسمە حكومەتا خوەجهـ یا نەینەوا خەلكێ‌ شنگال پشتگوه هاڤێتیە.
ژ ئالیەكێ‌ دن ڤە سەعید عەبدۆ ل سەر ڤێ‌ مژارێ‌ ئاخڤی و بۆ دەنگێ‌ لالش دبێژت:پێتڤیە خەلكێ‌ شنگالێ‌ ژی پلە و پۆست دناڤ حكومەتا خوەجهـ یا مووسل دا هەبن،ژبەركو حكومەتا مووسل ژ سالا 2033ێ‌ تا ئیرۆ رۆژ تشتەك نەكریە چ ژ ئالیێ‌ ئیداری و خزمەتگۆزاری و ئەمنی ڤە،لەوما هەتا نۆكە دەم هاتیە مافێ‌ خەلكێ‌ شنگالێ‌ یە خزمەتا وێ‌ بێتەكرن.
هەروەسا ئلیاس مارو،ئەندامێ‌ بەرێ‌ یێ‌ جڤاتا پارێزگەها نەینەوا بۆ دەنگێ‌ لالش گۆت:ئەوا هەی ژی خەلكێ‌ شنگالێ‌ ب رێیا هەلبژارتنان بدەستخۆڤەئینایە و ئەو مافێ‌ خەلكێ‌ شنگالێ‌ یە ب هەموو پێكهاتێن خۆڤە دەما دچنە سەر سندوقێن دەنگدانێ‌ داكو بگەهنە مافێن خۆ،دڤێت لدووڤ رێژا ئاكنجی بوونێ‌ پلە و پۆست بێنە بەلاڤكرن داكو هەموو پێكهاتێن دەڤەرێ‌ بگەهنە شایستەیێن خۆ یێن ئیداری ل نەینەوا، مە دوو پۆستێن دی ل پارێزگەها نەینەوا ژ دەست داینە ئەو ژی جێگرێ‌ رێڤەبەرێ‌ گشتی یێ‌ پەروەردا پارێزگەها نەینەوا و جێگرێ‌ پارێزگارێ‌ نەینەوا،لەوا ژی دخوازین پێنگاڤ بێنە هاڤێتن داكو خەلكێ‌ شنگالێ‌ شایستەیێن خۆ یێن ئیداری بدەستخۆڤە بینن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi