كانونی دووه‌م 30, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شنگال باژێرەكێ‌ وێرانە و ژلایێ‌ حكومەتا عێراقێ‌ ڤە هاتیە پشتگوهـ هاڤێتن

شنگال باژێرەكێ‌ وێرانە و ژلایێ‌ حكومەتا عێراقێ‌ ڤە هاتیە پشتگوهـ هاڤێتن
تۆرا لالش:
هەتا نۆكە شنگال باژێرەكێ‌ وێرانە و ژلایێ‌ حكومەتا عێراقێ‌ ڤە هاتییە پشتگوهـ هاڤیتن و بوویە جیێ‌ ململانێ‌ یا سیاسی و رۆلێ‌ حكومەتێ‌ بەرامبەر جینۆسایدا ئێزدیان یێ‌ كێمە و لاوازە،چنكو بتریا خەلكێ‌ شنگالێ‌ ئاوارەنە و د رەوشەكا خراب و پەریشان دا ژیانا خۆ دەرباز دكەن.

سوزان خودێدا،پارێزەرەكا ئێزدی یە بۆ رۆژناما دەنگێ‌ لالش گۆت:ژبەر نەبوونا ئێمناهیێ‌ و هێزەكا فەرمی و خزمەتگۆزاریان ل شنگالێ‌ و بێ‌ هیڤی بوونا ئێزدیان ژ دەستهەلاتا عێراقێ‌،ئاوارێن ئێزدی ئێدی ژ ڤەگەریانا سەر جهـ و وارێن خۆ بێ‌ هیڤی بووینە و ب هەزاران كەسان ژ خەلكێ‌ شنگالێ‌ وەكو ئاوارە ل كەمپان ل پارێزگەها دهۆكێ‌ ئاكنجی نە و د رەوشەكا خراب و پەریشان و زەحمەت دانە،هەتا نۆكە شنگال باژێرەكێ‌ وێرانە و ژلایێ‌ حكومەتا عێراقێ‌ ڤە هاتیە پشتگوهـ هاڤێتن و بوویە جیێ‌ ململانێ‌ یا سیاسی و حكومەت یا بێ‌ دەنگە ل سەر ئاڤاكرنا شنگالێ‌ و هەتا نۆكە ژ میلیشیان و هێزێن سیاسی یێن نەشەرعی و نەیاسایی نەهاتیە ڕزگاركرن،هەروەسا حكومەتا بەغدا بەرامبەر تۆپبارانێن فرۆكێن توركیا ل سەر ئەڤێ‌ دەڤەرێ‌ یا بێ‌ دەنگە كو تا نۆكە بتر ژ دەهان ئێزدیان بووینە قوربانی،ئەڤ چەندە بوویە جیێ‌ مەترسیێ‌ ل سەر ژیانا خەلكێ‌ دەڤەرا شنگالێ‌.
هەروەسا خویاكر،رۆلێ‌ حكومەتا عێراقێ‌ بەرامبەر جینۆسایدا ئێزدیان یێ‌ كێمە و لاوازە،چنكو بتریا خەلكێ‌ شنگالێ‌ ئاوارەنە و د رەوشەكا خراب و پەریشان دانە،دیسان ژلایەنێ‌ یاسایی ڤە هەتا نۆكە چ تشت ژ ئێزدیان را نەهاتینە كرن ب شێوەیەكێ‌ گشتی و قوربانیێن ڤێ‌ فەرمانێ‌ ب تایبەتی بتنێ‌ پەسەند ل سەر یاسایا ڕزگاربوویێن دەستێ‌ داعش هاتیە كرن ل رۆژا (3/8/2021) بناڤێ‌(قانون الناجیات اڵایزیدیات) ،كو ئەڤ چەندە دئێتە هژمارتن وەك پێنگاڤەكا گرنگ ژبۆ قەرەبووكرنا ڕزگاربوویێن دەستێ‌ داعش و چەندین قوربانیێن دن یێن زیان گەهشتیێ‌ چ ژلایێ‌ مادی یان مەعنەوی ڤە،لێ‌ ب مخابنی ڤە هەتا ئیرۆ رۆژ ئەڤ یاسایە نەهاتیە جێبەجێكرن وچەندین كەیسێن دن یێن گرنگ هێشتا ڕاوەستیانە و نەهاتینە جێبەجێكرن،وەكو ئەڤ یا بسەرێ‌ ئێزدیێن شنگالێ‌ هاتی ب گشتی وەكو جینۆساید نەهاتیە زانین و ناساندن و خەلكێ‌ زیان گەهشتیێ‌ نەهاتیە قەرەبووكرن ل ژێر یاسا (تعویچ المتچررین من اڵاخگا‌و العسكریە والعملیات الإرهابیە)،كو هەر كەسەكێ‌ زیان گەهشتیێ‌ ژبەر تیرۆرستێن داعشێ‌ چ ماددی یان مەعنەوی یان لەشی و دەروونی بت و حكومەت ژبۆ ڤێ‌ چەندێ‌ نەیا هاریكارە.
ئەو چەندە ژی ئاشكەراكر،سەرەڕای هەموو هەوڵدانێن یاسایی لێ‌ چ تشت نەهاتیە گهۆرین و حكومەتا عێراقێ‌ خۆ ل كێماسیا ناكەتە خودانە و ب ئەركێ‌ هاریكاریكرنێ‌ نەرابوویە،داخوازێ‌ ژ حكومەتا نوو یا عێراقێ‌ دكەین ب چاڤەكێ‌ مەزن بەرێ‌ خۆ بدەنە جینۆسایدا ئێزدیان و وداخوازێ‌ ژ كۆمەلگەها نێڤ دەولەتی و سەرجەم رێكخراوێن سڤیل و مافێ‌ مرۆڤان و حكومەتا عێراقێ‌ و كوردستانێ‌ دكەین ب رژدی هەولان ژبۆ رزگاركرنا ئێخسیرین ل بن دەستێ‌ تیرۆرستێن بێ‌ وژدان دا بكەن و مافێ‌ قوربانیێن ڤێ‌ رۆژا ڕەش وندا نەكەن و یا ب سەرێ‌ ئێزدیان هاتی ب جینۆساید بدەنە ناسكرن و خەلكێ‌ دەڤەرێ‌ بێتە قەرەبووكرن،ئەم هیڤی دكەن هەردوو حكومەتێن هەرێمێ‌ و بەغدا بۆ ئاڤەدانكرنا شنگالێ‌ بگەهنە رێككەفتنەكێ‌ و ئیدارا وی باژاری بكەفتە د دەستێ‌ شنگالیان دا.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi