شوبات 04, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

‎ساڵڤه‌گه‌را ئێكێ یا وه‌غه‌ركرنا نڤیسه‌ر وروناكبیرێ كورد پیرخدر سلێمان هاته‌ ساخكرن

‎ساڵڤه‌گه‌را ئێكێ یا وه‌غه‌ركرنا نڤیسه‌ر وروناكبیرێ كورد پیرخدر سلێمان هاته‌ ساخكرن
دهۆک- تۆڕا لالش یا ڕاگەهاندنێ
‎ئيرۆ هێڤارى رۆژا دووشه‌مبوويێ 14/11/2022، ل هۆلا شێخ شامۆ ل بنگه‌هێ لالش یێ ره‌وشه‌نبیرى وجڤاكى ل دهۆكێ وب ئاماده‌بوونا به‌رێزان د.عه‌لى ته‌ته‌ر پارێزگارێ دهۆكێ وعه‌لى عه‌ونى به‌رپرسێ لقێ هه‌شت یێ پارتى وچه‌ند نڤیسكار وڕه‌وشه‌نبیران و بنه‌مالا خودێ ژێ رازى، ساڵڤه‌گه‌را ئێكێ یا وه‌غه‌ركرنا نڤیسه‌ر وروناكبیرێ كورد پیرخدر سلێمان هاته‌ ساخكرن.

دڤان رێوره‌سماندا چه‌ند شه‌مالك هاتنه‌ هلكرن وەک ڕێزگرتنەک بۆ گیانێ وی وفیچه‌ره‌ك ل دۆر ژیان وبه‌رهه‌مێن پیر خدر هاتنه‌ نیشادان و په‌یڤا بنگه‌هێ لالش ژلایێ سه‌عید جردۆ سه‌رۆكێ بنگه‌هى ڤه‌ هاته‌ خووندن وچه‌ند به‌رپه‌ره‌كێن ژیانا پیر خدر وبه‌رهه‌م وخزمه‌تا وى بۆ كورد وئێزدیاتیێ به‌رچاڤكرن.

‎پارێزگارێ دهۆكێ دپه‌یڤه‌كێدا په‌سنا رۆلێ ره‌حمه‌تى پیر خدر كر ل دۆر ئه‌و خزمه‌تا دبوارێ ڕه‌وشه‌نبیرى وجڤاكیدا پێشكێشكرى وگۆت:پێدڤى یه‌ هه‌موو ڕه‌وشه‌نبیر وجڤاكناس مفاى ژپه‌ند وشیره‌تێن پیر خدر سلێمان وه‌رگرن چنكو پیرێ مرادا بوو وژخودایێ دلۆڤان خواست كو جهێ ره‌حمه‌تى بكه‌ته‌ به‌هشتا به‌رین وسه‌برو هه‌دارێ بده‌ته‌ كه‌س وكارێن وى.

‎پاش جه‌عفه‌ر سمۆ،به‌رپرسێ پشكا ڕه‌وشه‌نبيرى ل بنگه‌هێ لالش به‌حسێ قۆناغا چێكرنا په‌یكه‌رێ پیر خدر كو وگۆت: هه‌تا نۆكه‌45% هاتیه‌ دروستكرن .
‎هه‌روه‌سا هه‌ر ئێك ژ شێخ زێدو باعه‌درى وداود موراد خه‌تارى چه‌ند ڕۆنكرن ل سه‌ر خه‌باتا ره‌حمه‌تى دبیاڤێ ره‌وشه‌نبیرى وجڤاكیدا به‌رچاڤكرن ودیاركرن كو هه‌موو به‌رهه‌مێن پیر خدر دێ دپه‌رتۆكه‌كا به‌رفره‌هدا ئێنه‌ چاپكرن.

‎ل داویێ په‌یڤا بنه‌مالێ ژلایێ پیر خه‌لیل هاته‌ خاندن وسوپاسیا هه‌موو لایه‌نان كر.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi