شوبات 05, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بابه‌شێخێ ئێزدییان: پرسا ئێزدیان ب سیاسی هاتيه‌ كرن  

بابه‌شێخێ ئێزدییان: پرسا ئێزدیان ب سیاسی هاتيه‌ كرن  
K24 – هه‌ولێر:

شێخ عه‌لی ئیلیاس” بابه‌شێخی ئێزدییان رایده‌گه‌یێنێت، پرسی شنگال و ئێزدییەکان بە سیاسی کراوە، داواش له‌ حكومه‌تی عێراق و هه‌رێمی كوردستان و كۆمه‌ڵگه‌ی نێوده‌وڵه‌تی ده‌كات كێشه‌ی ئێزدییه‌كان چاره‌سه‌ربكه‌ن.

ئه‌مڕۆ چوارشه‌ممه‌ 2ـی تشرینی یه‌كه‌می 2022، شێخ عه‌لی ئیلیاس” بابه‌شێخی ئێزدییان و سەرۆکی ئەنجومەنی رۆحانی ئێزدی لە رۆژی دووەمی دیداری مێری لە هەولێر رایگەیاند، پرسی شنگال و ئێزدییەکان بە سیاسی کراوە. دەشڵێت: لەمەوبەدوا کێشەی ئێزدییەکان کێشەیەکی ناوخۆیی نییە و داوا لە حکومەتی هەرێمی کوردستان و عێراق و کۆمەڵگەی نێودەوڵەتی دەكه‌ین کێشەی ئێزدییەکان چارەسەر بکەن.

له‌باره‌ی به‌جینۆساید ناساندنی كۆمه‌ڵكوژی ئێزدییه‌كان، شێخ عه‌لی ئیلیاس” ره‌خنه‌ی توندی له‌ حكومه‌تی عێراق گرت و گوتی: گله‌یی هه‌ره‌ گه‌وره‌مان له‌ حكومه‌تی عێراق، به‌جینۆساید نه‌ناساندنی كۆمه‌ڵكوژی ئێزدییه‌كانه‌، تا ئێستا هه‌رێمی كوردستان و 11 وڵات كۆمه‌ڵكوژی ئێزدییه‌كانی به‌جینۆساید ناساندووه‌، به‌ڵام حكومه‌تی عێراق ئاماده‌نه‌بووه‌ ئه‌و كاره‌ بكات، باشه‌ ئه‌گه‌ر ئه‌وه‌ نه‌كات، ده‌توانێت چی بۆ ئێمه‌ بكات، چۆن كێشه‌كانمان چاره‌سه‌ربكات و قه‌ره‌بووی هاووڵاتییانمان بكاته‌وه‌؟

راشیگه‌یاند: زۆر ناره‌حه‌ت ده‌بم كاتێك پرسیار له‌ منداڵێكی ئێزدی ده‌كه‌م و پێی ده‌ڵێم، خه‌ڵكی كوێیت، ئه‌ویش پێم ده‌ڵێت، خه‌ڵكی كه‌مپی شاریا یان خانكێم. گوتیشی: وڵاته‌كه‌م كراوه‌ته‌ كه‌مپ، زیاتر له‌ هه‌شت ساڵه‌ ئێزدییه‌كان له‌نێو كه‌مپدا ژیان به‌سه‌ر ده‌به‌ن، بارودۆخی ژیانیان زۆر سه‌خته‌ بۆیه‌ ناچارده‌بن بۆ ده‌ره‌وه‌ی وڵات كۆچ بكه‌ن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi