شوبات 03, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

د. عورفان ئۆرتاج :ئه‌م دخوازین قه‌بوولكرنا جینۆسایدا ئێزدیان یا سیاسی بیت

د. عورفان ئۆرتاج :ئه‌م دخوازین قه‌بوولكرنا جینۆسایدا ئێزدیان یا سیاسی بیت

تۆرا لالش:
د. عورفان ئۆرتاج جێگرێ‌ سه‌رۆكاتیا ناڤه‌ندا شێورمه‌ندیا ئێزدیان ل ئه‌لمانیا، كو نه‌ژاد ئێزدیێ‌ باكۆرێ‌ كوردستانێ‌ یه‌ و ل ئه‌لمانیا رابوویه‌ و د حزبا ده‌ستهه‌لات یا ئه‌لمانی دا ل گه‌ل سه‌ركرده‌ێن وان كاركریه‌.ده‌رباره‌ی بابه‌تێ‌ قه‌بوولكرنا جینۆسایدا ئێزدیان ل ئه‌لمانیا د په‌رله‌مانی دا ل نێزیك كو خه‌باته‌كا مه‌زن تێكۆشاندیه‌، تایبه‌ت بۆ  رۆژناما ئه‌ڤرۆ خۆیاكر كو هه‌ر ژ رۆژا دامه‌زراندنا ناڤه‌ندا شێورمه‌ندیا ئێزدیان و هه‌تا ئه‌ڤرۆ و هه‌موو كه‌د و خه‌باتا مه‌ د ئالیێ‌ لۆبیتیێ‌ و سیاسیێ‌، دیپلۆماسیێ دا ئێك ژ وان ئه‌وبوویه‌ كو جینۆساید بهێته‌ قه‌بوولكرن، ژ به‌ركو جینۆسایدا ل شنگارێ‌ هاتیه‌ روودان گه‌ر بهێته‌ قه‌بوولكرن، ئه‌م ب تنێ‌ ب قه‌بوولكرنێ‌ نه‌درازی بووین، به‌لكو ب (سیاسی) بهێته‌ قه‌بوولكرن، نه‌كو بكه‌نه‌ پرۆژه‌كێ‌ مرۆڤاتی و ده‌رباز بكه‌ن، و نه‌ ته‌ك ب زمان بهێته‌ قه‌بوولكرن، و هه‌كه‌ ل سه‌ر وی بنه‌مایی با و مه‌قه‌بوولكربا، نوكه‌ ژ مێژه‌ هاتبا قه‌بوولكرن، ژ به‌ركو مه‌ ب ڤی ره‌نگی قه‌بوول نه‌كریه‌ مه‌ به‌رده‌وامی دایێ‌ كو بگه‌هینه‌ دوماهیا ئه‌نجامێ‌ قه‌بوولكرنێ‌، نها پرۆسه‌ ژ فراكسۆینان ب دوماهی هاتیه‌، و ده‌ربازی هندێ‌ بوویه‌ كو ئه‌و یاداشتنامه‌ بۆ په‌رله‌مانی بهێنه‌ پێشكێشكرن و ل دووڤرا بهێته‌ هنارتن بۆ وان وه‌زاره‌تێن پێڤه‌ دپه‌یوه‌ندیدار. و د ده‌مه‌كێ‌ نێزیك دا دێ‌ ژ وان وه‌زاره‌تان ژی ده‌رباز ببیت، دێ‌ ته‌ڤلی دیدارا سه‌رۆكاتیا په‌رله‌مانی بیت ژبۆ دانوستاندنێ‌ و ب هیڤینه‌ ل ده‌مه‌كێ‌ نێزیك بریار ل سه‌ر وان مه‌رجان بهێته‌دان یێن كو مه‌ ژێ‌ داخوازكرین، كو ئه‌و ژی 29 خالن ژێ‌ خواستینه‌.دكتور عورفان بۆ ئه‌ڤرۆ خۆیاكر كو ئه‌ڤه‌ حه‌فت رۆژن ئه‌و هاتینه‌ كوردستانێ‌ ل سه‌ر داخوازا میرێ‌ ئێزدیان دا كو ل سه‌ر چه‌ند پرسێن گرنگ د ناڤ ئێزدیاتیێ‌ دا رابوه‌ستن و خۆیا بكه‌ن، ئێك ژ وان ئه‌ڤ خالا قه‌بوولكرنا جینۆسایدێ‌ بوو داكو ب هه‌ڤرا دانوستاندنێ‌ بكه‌ن كانێ‌ چاوا بیت و تایبه‌ت ئه‌رێ‌ داخوازێن شنگارییان چنه‌.
خالا دویێ‌ ئاڤاكرنا ئه‌كادیمیه‌كا ئۆلی ل بن رێڤه‌به‌ریا جه‌نابێ‌ میری بهێته‌ ئاڤاكرن و رێكخستنێن مه‌زن و ب هێز بهێنه‌ پێكئینان دا بكارن ئه‌ڤێ‌ ئه‌كادیمیێ‌ پێشبێخن و پشتگێریا وێ‌ بكه‌ن كو بسه‌ربكه‌ڤیت.
خالا دی یا هه‌ری گرنگ ته‌ڤلیبوونا خه‌باتا هه‌ڤپشك یان رێكخستنێن ئێزدیان یێن جیهانی ژی دا بكارن ب هه‌ڤرا كاربكه‌ن. جه‌نابێ‌ میری فه‌رمانكر و داخوز ژ مه‌ كر كو چو رێكخستنێن ئێزدیان هه‌بن ل جیهانێ‌ ل ئیراقێ‌ ل كوردستانێ‌ ئه‌م ب هه‌ڤرا كاربكه‌ین، جه‌نابێ‌ میری فه‌رمان كر و داخواز ژ مه‌ كر كو ئه‌م چو رێكخستنێن ئێزدیان هه‌بن ل جیهانێ‌ ئه‌م نه‌چار بیت ب هه‌ڤرا كاربكه‌ین، ئه‌م ژی ل سه‌ر بنه‌مایێ‌ داخوازا وی و فه‌رمانا وی، مه‌ ژی ب هه‌می رێكخستنێن ئێزدیان دێ‌ ب هه‌ڤرا كاردكه‌ین، ئه‌ڤ ژی دبیته‌ جهێ‌ هیڤی و دلخۆشیان بۆ مله‌تێ‌ مه‌ كو د بن رێڤه‌به‌ریا جه‌نابێ‌ میری دا گاڤێن تفاقیێ‌ و ته‌ڤایێ‌ دهێنه‌ هاڤێتن و رێخستنێن ئێزدیان بهێنه‌ هه‌ڤ، كو ب شێوه‌یێ‌ ئاڤاكرنێ‌ نێزكی هه‌ڤ ببن.
ده‌رباره‌ی فه‌رقا د ناڤبه‌را ئه‌ڤ ساله‌ و سالێن دی دا بۆ ساخكرنا جینۆسیدا بیرئانینا ئێزدیان، د. ئۆرتاج بۆ ئه‌ڤرۆ گۆت كو ڤان بیره‌وه‌ریان ئه‌م ل ئه‌لمانیا ساخ دكه‌ین ل جهه‌كێ‌ تایبه‌ت و ب مێهڤانێن تایبه‌ت یێن خوه‌دی بریار و یێن سیاسی و جڤاكی به‌رهه‌ڤ دبن، یا ئه‌ڤ ساله‌ ژی 22 په‌رله‌مانتار و چار وه‌زیرێن ئه‌لمان و سه‌رۆك حزبێن وان به‌رهه‌ڤ ببوون و نه‌ه نوونه‌رێن ئۆلی یێن ل ئه‌لمانیا دژین، كو هنده‌ك ژێ‌ جوهی، فه‌له‌، موسلمان، عه‌لاوی، به‌هائی، كاكائی، هندۆسن..هتد. ژئالیی دی ڤه‌ ژبۆ وێ‌ ژی به‌رییا هینگی (10) عه‌شیرێن شنگالێ‌ رێكه‌فتبوون كو ب هه‌ڤرا دانوستاندن كربوون، كو ب هه‌ڤده‌نگی ل هه‌نبه‌ری جیهانێ‌ خه‌به‌ر بده‌ن، تێدا په‌یڤا خوه‌، فدراسیۆنا خوه‌ یا (18) عه‌شیرێن شنگالێ‌ ب ئێك ده‌نگ خواندن، ئێكی خواندن یێن دی هه‌می ل پشت وی راوه‌ستان و داخواز و هیڤیێن وان بوونه‌ ئێك.
گرنگیا خوه‌ یا دی ژی، پشتی كو هه‌می جیهانێ‌ دیتین و سیاسه‌تمه‌دارێن ئه‌لمانیا دیتی، جه‌نابێ‌ وه‌زیری گۆت ل سه‌ر ناڤێ‌ سه‌رۆك وه‌زیری ته‌ڤلی ببوو بۆ سه‌رۆك حزبا سۆشیال دیمۆكرات (ساسكا ئێسكن)، ب هه‌ڤرا رابوون سه‌ر خوه‌ دا وێنێ‌ خوه‌ ل گه‌ل وان سه‌رۆك عه‌شیره‌تان بگرن و دا ئه‌و رۆژا دیرۆكی بمینیت. گه‌له‌ك جهێ‌ كه‌یفخۆشیێ‌ بوو كو جارا ئێكێ‌ بوو كو عه‌شیرێن شنگالێ‌ ب هه‌ڤده‌نگی بریار بده‌ن و گاڤا ب هه‌ڤرا بهاڤێژن..

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi