شوبات 05, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئێزدى به‌رهه‌ڤیێن گێرانا رێوره‌سمێن جه‌ژنا جه‌مایێ دكه‌ن

ئێزدى به‌رهه‌ڤیێن گێرانا رێوره‌سمێن جه‌ژنا جه‌مایێ دكه‌ن

پیر خه‌لات ئه‌لیاس: كه‌ڤناتیا جه‌ژنا جه‌مایێ ‌ڤه‌دگه‌رته‌ به‌رى هه‌بوونا مرۆڤایه‌تیێ
جه‌مال ره‌شۆ:داخوازێ ژ خه‌لكێ دكه‌ین پاقژیا لالش بپارێزن و هاریكار بن دگه‌ل خلمه‌تكاران
نه‌جیم ئه‌لیاس:تیمێن گه‌رۆك بۆ پاراستنا گیانێ وه‌لاتیان هاتینه‌ پێكئینان
جه‌هوه‌ر عه‌لى به‌گ: به‌رى جه‌ژنا جه‌مایێ چه‌ند بریارێن نوو دێ ئێنه‌ ده‌رێخستن
سعود مستۆ: هه‌فت رۆژان بێنڤه‌دانا فه‌رمى یه‌ بۆ فه‌رمانبه‌رێن ئێزدى

جه‌ژنا جه‌مایێ ئێكه‌ ژ جه‌ژنێن پیرۆز یێن ئێزدیان،رێوره‌سمێن جه‌ژنێ ل رۆژا 6/10/2022 ل په‌رستگه‌ها لالش دێ ده‌ست پێ كه‌ن و بۆ ماوێ هه‌فت رۆژان دێ به‌رده‌وام بن،ب هه‌زاران ئێزدى ل سه‌رانسه‌رى جیهانێ بۆ گێرانا رێوره‌سمێن ئایینى سه‌ره‌دانا لالش كه‌ن و بۆ ڤێ مه‌ره‌مێ چه‌ندین بریار ژلایێ جڤاتا رۆحانى یا ئێزدیان ڤه‌ هاتینه‌ ده‌رێخستن.
تۆڕا لالش یا ڕگه‌هاندنێ /راپۆرت:دلگه‌ش نه‌واف
پیرخه‌لات ئه‌لیاس،مجێورێ مه‌مێ شڤان ل په‌رستگه‌ها لالش دیاركر،ئێزدیان گه‌له‌ك جه‌ژن و هه‌لكه‌فت هه‌ینه‌،جه‌ژنا جه‌مایێ ژى ئێك ژ وان جه‌ژنایه‌ گه‌له‌ك یا كه‌ڤناره‌ كه‌ڤناتیا ئه‌ڤێ جه‌ژنێ ‌ڤه‌دگه‌رته‌ به‌رى هه‌بوونا مرۆڤایه‌تیێ به‌ریا دگۆتێ جه‌ژنا مهره‌كان یان مهره‌جان ناڤێ وێ نائێته‌ گهۆرین رامانا ناڤێ وێ ژ رۆژێ یا هاتى ئانكو به‌رى هه‌بوونا مرۆڤایه‌تیێ بوویه‌،به‌لگه‌یێن وێ ژى ئه‌وه‌ كو سه‌ما ل هه‌ر هه‌فت رۆژێن جه‌ژنێ دا دئێته‌ گێران سه‌ما ل سه‌رده‌مێ هه‌بوونا ملیاكه‌تا وا په‌یدابووى پشتى په‌یدابوونا مرۆڤایه‌تیێ و خۆدێناسیێ گایه‌ك كرنه‌‌ قووربان بۆ رۆژێ داكو خودێ خێر و به‌ره‌كه‌تێ بئێخته‌ ده‌وروبه‌ران،ل رۆژا قه‌باغێ گا دئێته‌ سه‌ر ژێكرن دكه‌نه‌ قوربانى دكه‌نه‌ سمات داكو زڤستانه‌كا ب باران بێت،ئه‌ڤ جه‌ژنه‌ ب رۆژ په‌رێس و خودێناسا ڤه‌ یا گرێدایه‌ چه‌ند خاس و چاك هاتن وان ژى ئه‌ڤ رێوره‌سم جه‌ژنا جه‌مایێ ل‌ لالشێ دگێرا،هه‌موو ئێزدى گرنگیێ دده‌نه‌ ڤێ جه‌ژنێ و ب تایبه‌تى شه‌مسانى.
ل دۆر پاقژراگرتنا په‌رستگه‌هێ،جه‌مال ره‌شۆ ئێك ژ خلمه‌تكارێن په‌رستگه‌ها لالش دبێژت:جه‌ژنا جه‌مایێ ئێك جه‌ژنێن پیرۆز یێن ئێزدیان،د رۆژێن جه‌ژنا جه‌مایێ دا هژماره‌كا زۆر یا ئێزدیان قه‌ستا په‌رستگه‌ها لالش دكه‌ن،دباوه‌ریا مه‌ ئێزدیان دا پاقژى ژ ئیمانێ یه‌ له‌وا درۆژێن جه‌ژنا جه‌مایێ دا داخوازێ ژ خه‌لكێ خۆ دكه‌ین پاقژیا لالش بپارێزن و هاریكار بن دگه‌ل خلمه‌تكاران و ب جلوبه‌رگێن ره‌سه‌ن یێن ئێزدیان سه‌ره‌دانا لالش بكه‌ن،داكو هه‌موو دونیا بزانت هه‌ر چ رووبده‌ هه‌ر ملله‌تێ ئێزدى دێ جه‌ژن و هه‌لكه‌فتێن خۆ گێرن.
ژلایه‌كێ دى ڤه‌ نه‌جیم ئه‌لیاس،به‌رپرسێ زێره‌ڤانێن په‌رستگه‌ها لالش گۆت:ل ده‌وروبه‌رێن په‌رستگه‌ها لالش بیست خالێن زێره‌ڤانیێ درێیا سه‌ره‌كى یا په‌رستگه‌ها لالش دا دێ ئێنه‌ ‌دانان،چه‌ند زالگه‌ه ب هه‌ماهه‌نگى دگه‌ل هێزێن پۆلیسان و پێشمه‌رگه‌یێن كچ یێن ئێزدى ژى دێ ئێنه‌‌ دانان و چه‌ند تیمێن گه‌رۆك ژى ل هندورێ په‌رستگه‌ها لالش هاتینه‌ پێكئینان ب شه‌ڤ رۆژ دێ دئه‌ركێ خۆدا بن،ژبۆ هه‌ر روودانه‌كا نه‌ چاڤه‌رێكرى پاراستنا گیانێ وه‌لاتیان بۆ مه‌ ژ هه‌ر تشته‌كى گرنگتره‌ و هه‌ر بریاره‌كا جڤاتا رۆحانى بده‌ت دێ بجهئینین،دیسان ل رۆژێن ئاسایى ب شه‌ڤ و رۆژ د ئه‌ركێ خۆدانه‌ و ل رۆژێن جه‌ژنا ب تایبه‌تى جه‌ژنا جه‌مایێ،ژبه‌ركو هژماره‌كا زۆر یا خه‌لكێ دێ قه‌ستا په‌رستگه‌ها پیرۆزا لالش كه‌ن ژبۆ پاراستنا په‌رستگه‌ها لالش و گیانێ خه‌لكى درۆژانێن جه‌ژنێ دا.
هه‌روه‌سا وه‌كیلێ میرێ ئێزدیان جه‌هوه‌ر عه‌لى به‌گ دیاركر,پشتى بۆرینا دوو سالان جاره‌كا دى رێوره‌سمێن جه‌ژنا جه‌مایێ دێ ئێنه‌ گێران،ئه‌و ژى جڤاتا رۆحانى ب ئاماده‌بوونا میرى كۆمبوونه‌ك ئه‌نجام دا جڤاتا رۆحانى بریار دا رێوره‌سمێن جه‌ژنا جه‌مایێ ل هه‌فت رۆژان بێنه‌ گێران،ده‌رئه‌نجامێ كۆمبوونێ دا چه‌ند بریارێن نوو هاتنه‌ ده‌ركرن كو گرێدایێ جه‌ژنا جه‌مایێ نه‌ ژوانا ژى پاقژیا په‌رستگه‌هێ كو ژ هه‌ر تشته‌كى گرنگتره‌ ل به‌رچاڤ بێته‌ وه‌رگرتن و خه‌لك پێگیر بت و بكارئینانا جلوبه‌رگێن ئێزدیان ب تایبه‌تى كچ و ژن داكو په‌رستگه‌ها لالش ب شێوه‌كى جوان دیار بكه‌ت و نیشا خه‌لكێ بیانى بده‌ن كو ملله‌تێ ئێزدى ملله‌ته‌كێ ئاشتیخوازه‌،هه‌روه‌سا به‌رى جه‌ژنا جه‌مایێ جڤاتا رۆحانى كۆمبوونه‌كا دى هه‌یه‌ و دێ چه‌ند بریارێن نوو ده‌رئێخت.
ژبال خۆڤه‌ سعود مستۆ،رێڤه‌به‌رێ گشتى یێ كاروبارێن ئێزدیان دیاركر,ب هه‌لكه‌فتا هاتنا جه‌ژنا جه‌مایێ ل داویا هه‌فتیا ئێكێ ل مه‌ها كانوونا دووێ هه‌فت رۆژان بێنڤه‌دانا فه‌رمى یه‌ بۆ فه‌رمانبه‌رێن ئێزدى ل دام و ده‌زگه‌هێن میرى یێن حكومه‌تا هه‌رێما كوردستانێ،هه‌روه‌سا رۆژا 6 ى مه‌ها 10 جه‌ژنا جه‌مایێ دێ ده‌ست پێ كه‌ت و هه‌فت رۆژان رێوره‌سمێن جه‌ژنا جه‌مایێ ل په‌رستگه‌ها لالش دێ ئێنه‌ گێران.
كوردێن ئێزدى هه‌شت جه‌ژن هه‌نه‌ ژ وانا ژى رێوره‌سمێن پێنج جه‌ژنا ل ناڤ جڤاكى دئێنه‌ گێران و سێ جه‌ژن ل په‌رستگه‌ها لالش دئێنه‌ گێران،ئه‌و ژى جه‌ژنا چلێ هاڤینێ و جه‌ژنا زڤستانێ و جه‌ژنا جه‌مایێ، هه‌روه‌سا جه‌ژنا سه‌ر سالێ و جه‌ژنا رۆژیێن ئێزى وجه‌ژنا بێلندێ و جه‌ژنا خدر ئلیاس وجه‌ژنا قوربانێ ل ناڤ جڤاكى دئێنه‌ كرن.

س.س

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi