تشرینی دووه‌م 30, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شنگالیان:هه‌ڤركیێن هه‌رێمى و گرۆپێن چه‌كدار مه‌ترسى ل سه‌ر ڤه‌گه‌ریانا ئاواران دروستكریيه‌

شنگالیان:هه‌ڤركیێن هه‌رێمى و گرۆپێن چه‌كدار مه‌ترسى ل سه‌ر ڤه‌گه‌ریانا ئاواران دروستكریيه‌
تۆرا لالش یا راگه‌هاندنێ /ماهر شنگالى

ل ده‌ڤه‌را شنگالێ چه‌ندین گروپێن چه‌كدار هه‌نه‌ و هه‌ڤركیێن هه‌رێمى ژى بسه‌ر وى باژارى دا دبه‌رده‌وامن،ڤێ یه‌كێ مه‌ترسى ل سه‌ر ڤه‌گه‌ریانا ئاواران بۆ سه‌ر جى و مالێن خۆ دروستكریيه‌ و هه‌تا نهۆ ب تنێ 15% خه‌لك ڤه‌گه‌ریایه‌ شنگال.
دڤى وارى دا نایف سه‌یدۆ،قایمقامێ قه‌زا شنگال ب وه‌كاله‌ت بۆ ده‌نگێ لالش راگه‌هاند، هه‌تا نهۆ ب تنێ 15% خه‌لكێ شنگالێ ڤه‌گه‌ریایه‌ سه‌ر جى و وارێن خۆ ڤه‌،یێن دى هه‌موو شنگال ل ژیانا ئاواره‌یێ دا دمینن و ل 14 كه‌مپان دا دژین،ئه‌گه‌رێن نه‌ڤه‌گه‌ریانێ بۆ چه‌ندین خالان دزڤرت ئه‌و ژى نه‌ بجهئینانا رێككه‌فتنا شنگال یا دناڤبه‌را حكومه‌تا هه‌رێما كوردستانێ و حكومه‌تا فیدرال دا و هه‌بوونا هه‌ڤركییێن هه‌رێمى ل دۆر شنگال وهه‌بوونا هژه‌ماركا مه‌زن ژهێزێن چه‌كدار بووینه‌ سه‌ده‌م مه‌ترسى ل سه‌ر ڤه‌گه‌ریانێ دروست ببن.
هه‌روه‌سا باسل عه‌مۆ،ئاواره‌یه‌كێ خه‌لكێ شنگالێ یه‌ ل كه‌مپا كه‌به‌رتوویێ بۆ ده‌نگێ لالش دبێژت:ئه‌م ب هیڤیا وێ یه‌كێ بووین شنگال بێته‌ ئاڤه‌دانكرن وخه‌لك ڤه‌گه‌رت،لێ هه‌ڤركیێن سیاسى وشه‌رێ ل سه‌ر ئاخا شنگال ئه‌م نه‌چار دبن ل ژیانا بن خیڤه‌تان دا بمینن وژیانه‌ك تژى ئێش وئازار بۆرینن،ئه‌وێن نۆكه‌ ده‌ستهه‌لاتێ ل شنگال دكه‌ن دبه‌رژه‌وه‌ندیا خه‌لكى دا كار ناكه‌ن به‌لكو سیاسه‌تا ده‌رڤه‌ دسه‌پینن،ئه‌م نكارن خێزانێن خۆ بكه‌ینه‌ قوربانى،هه‌ر ده‌مه‌كى فرۆكێن توركیا باره‌گه‌یێن په‌كه‌كێ بۆردومان دكه‌ت وئه‌ڤ چه‌ند جارن وه‌لاتیێن سڤیل بوونه‌ قوربانیێن هه‌ردوو ئالیان،له‌وما جانێ خێزانا من گرنگتره‌ ژ هه‌ر تشته‌كى.
س.س

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi