ل ژێر دروشمێ “لالش كانیه‌كا زه‌لاله دهورته دروبارێ ره‌وشه‌نبیرى یا كوردى دا “چارده‌مین كۆنگرێ بنگه‌هێ لالش هاته ئه‌نجامدان
تۆرا لالش:
ئيرۆ سپێدێ رۆژا پێن شه‌مبوويێ ٤ی تەباخا ٢٠٢٢ ل هۆلا محه‌مه‌د عارف جزیرى ل باژێرێ دهۆكێ و ب ئاماده‌بونا به‌رێزان “رێبه‌ر ئەحمد” نوونه‌رێ به‌رێز “مه‌سرور بارزانى” سه‌رۆكێ حكومه‌تا هه‌رێما كوردستانێ و”د.عه‌لى ته‌ته‌ر” پارێزگارێ دهۆكێ و میر حازم به‌گ میرێ ئێزدیان ل جیهانێ و چه‌ند به‌رپرسێن حزبى و ئیدارى و له‌شكرى ل عێراقێ وهه‌رێما كوردستانێ وریهسپى و وماقوول ونوونه‌رێن ئۆلى ونه‌ته‌وه‌یى ل ده‌ڤه‌رێ ول ژێر دروشمێ(لالش كانیه‌كا زه‌لاله دهورته دروبارێ ره‌وشه‌نبیرى یا كوردى دا)،چارده‌مین كۆنگرێ بنگه‌هێ لالش یێ ره‌وشه‌نبیرى وجڤاكى هاته ئه‌نجامدان.
ل ده‌ستپێكێ وه‌ك رێزگرتن ل سه‌ر گيانێ جانگۆريێن كورد و كوردستانێ و لبه‌ر سرودا(ئه‌ى ره‌قيب) ئاماده‌بوويى خۆله‌كه‌كێ سه‌كنين،لدووڤدا پارچه موزیكه‌كا ئۆلى ب ده‌ف و شه‌بابا ژلایێ چه‌ند ئۆلدارێن ئێزدیان ڤه هاته پێشكێشكرن.
پاشى “د.عەلى ته‌ته‌ر “ پارێزگارێ دهۆكێ دپه‌یڤه‌كێ دا بخێر هاتنا هه‌موو مێهڤانان ل سه‌ر ئاستێ عێراقێ و هه‌رێما كوردستانێ كر و گۆت: ئاماده‌بوونا هه‌وه هه‌موویان رێزگرتنه بۆ ئێزیان وپێكڤه‌ژیانا ئۆلى ونه‌ته‌وه‌یى یا مێژوویى وپرسه‌روه‌رى ل ڤێ پارێزگه‌هێ.
هه‌روه‌سا په‌سنا رۆلێ بنگه‌هێ لالش وسه‌رۆك وئه‌ندامێن وێ یێ وه‌غه‌ركرى ویێن مایى كر ل دۆر ئه‌و كاروچالاكیێن جڤاكى وره‌وشه‌نبیرى یێن ئه‌نجامداین نه‌خاسمه ئه‌و چالاكیێن بووینه هۆكار كو گیانێ پێكڤه‌ژیانێ لڤێ ده‌ڤه‌رێ بتر پێشبكه‌ڤت ، وژبه‌ر ڤان هۆكاران حكومه‌تا هه‌رێما كوردستانێ وكارگێریا پارێزگه‌هێ گرنگیه‌كا تایبه‌ت دایه ڤان بنه‌مایێن پێكڤه‌ژیانێ.
پارێزگارێ دهۆكێ ته‌كه‌زكر؛كو ئێزدى پشكه‌كن ژ ڤى نیشتمانى وچ چارا ژكوردستانێ نائێنه دابرین و سه‌رۆك بارزانى ژى گرنگیه‌كا تایبه‌ت دایه ئێزدیان وب كوردێن ره‌سه‌ن سالوخه‌تداینه وپیرۆزباهى ل كۆنفرانسى وهه‌موو پشكدارا كر وپشته‌ڤانیا پارێزگه‌هێ نیشان دا بۆ هه‌ر هاریكاریه‌كێ وداخازا سه‌ركه‌فتنێ بۆ كر.
پاش حاكم به‌رجه‌ست گۆتارا كارگێریا بنگه‌هێ لالش پێشكێشكر ورۆنكرن دانه سه‌ر ئه‌و كار وچالاكیێن ل ده‌مێ ده‌ربازبووى ژلایێ بنگه‌هى ولقێن بنگه‌هى ڤه هاتینه ئه‌نجامدان وسوپاسیا هه‌موو لایه‌نان كر یێن پشته‌ڤانیا بنگه‌هى دكن.
پاش په‌یڤا به‌رێز مه‌سرور بارزانى ژلایێ به‌رێز “رێبه‌ر ئەحمد” وه‌زیرێ نافخویێ حكومه‌تا هه‌رێمێ ڤه هاته خووندن وسلاڤ ورێزێن سه‌رۆكێ حكومه‌تێ گه‌هاندنه پشكدارێن كۆنگره‌ى وگرنگیا دامه‌زراندنا بنگه‌هێ لالش دیاركر وگۆت: بنگه‌هێ لالش سه‌نگه‌ره‌كێ مكوم بوو ژبۆ به‌ره‌ڤانیكرن وهه‌بوونا ئێزدیاتیێ وبنگه‌هێ لالش ب كریار دروشمێ خۆ به‌رجه‌سته‌كریه ژبۆ پاراستنا پێكڤه‌ژیانا ئۆلى ونه‌ته‌وه‌یى ل كوردستانێ.
هه‌روه‌سا گۆت:سه‌رۆك بارزانى به‌رده‌وام پشته‌ڤانیا بنگه‌هێ لالش كریه هه‌روه‌سا حكومه‌تا هه‌رێما كوردستانێ هه‌رده‌م هاریكاربوویه وئه‌ڤ هاریكاریه دێ یا به‌رده‌وام بت بۆ بنگه‌هێ لالش وداخوازا سه‌ركه‌فتنێ بو كۆنگره‌ى كر.
پاشى تابلۆيه‌كا هۆنه‌رى ژئاليێ تیپا شاریا یا هۆنه‌رێ مللى ڤه هاته پێشكێشكرن.
هه‌ر بڤێ هه‌لكه‌فتێ خه‌لاتێ رێزلێنانێ یێ كۆنگرێ (14) یێ بنگه‌هێ لالش ژلایێ حازم به‌گ میرێ ئێزدیان ب ماڵباتا خودێ ژێ رازى شێخ شامۆ سه‌رۆكێ وه‌غه‌ركرى یێ بنگه‌هَێ لالش هاته به‌خشین و بڤى شێوه‌ى په‌نه‌لێ ئێكێ يێ كۆنگره‌ى ب داوى هات.
دپه‌نه‌لێ دووێ دا كو ته‌نها ئه‌ندامێن كۆنگره‌ى دئاماده‌بوون و تێدا لژنه‌كا سه‌رپه‌رشت هاته دامه‌زراندن و پشتى هنگى راپۆرتێن لژنه‌يێن بنگه‌هى هاتنه خووندن و پشتى په‌سه‌ندكرنا راپۆرتان ژلايێ ئه‌ندامان ڤه،ده‌سته‌يا كه‌ڤن يا بنگه‌هى هاته هه‌لوه‌شاندن.
هه‌روه‌سا دپه‌نه‌لێ سێيێ دا په‌يره‌و و پرۆگرام هاته خووندن و گه‌نگه‌شه ل سه‌ر هاته كرن و چه‌ندين پێشنيار و تێبينى ل سه‌ر په‌يره‌وى ژلايێ ئاماده‌بوويان ڤه هاتنه پێشكێشكرن.
پاشى ل دانێ هێڤارى و دبرگه‌يا داويێ دا شێوازى هه‌لبژارتنان هاته په‌سه‌ندكرن كو ب شێوازێ ليستێ بت وئێك ليسته هاته پێشكێشكرن ب ئاماده‌بوونا دادوه‌ره‌كى تايبه‌تمه‌ند،ئێك ليسته ب سه‌رپه‌رشتيا به‌رێز سه‌عيد جردۆ هاته پێشكێشكرن و ئه‌و ليسته هاته قه‌بوولكرن و وه‌رگرتن.
تُتاح هذه الصورة أيضا في: کوردی
