تشرینی یه‌كه‌م 01, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رێكخه‌رێ راسپاردێن نێڤده‌وله‌تى :ئه‌رشیفكرنا به‌لگه‌نامه‌یێن ره‌ڤاندییێن ئێزدیان تمام بوویه‌

رێكخه‌رێ راسپاردێن نێڤده‌وله‌تى :ئه‌رشیفكرنا به‌لگه‌نامه‌یێن ره‌ڤاندییێن ئێزدیان تمام بوویه‌
خانى نيوز:

رێكخه‌رێ راسپاردێن نێڤده‌وله‌تى د. دیندار زێبارى دپرێسكونفرانسه‌كى دا راگه‌هاند، نڤێسینگه‌ها وان بۆ هه‌ماهه‌نگییێ دگه‌ل تیما ڤه‌كۆلینێن نه‌ته‌وه‌یێن ئێكگرتى ( یونیتاد ) هاتییه‌ راسپاردن كو دوڤچوونا تاوانێن داعشێ بكه‌ت، و هه‌تا نوكه‌ چه‌ندین به‌لگه‌یێن په‌یوه‌ندیدار داینه‌ تیما یونیتاد.
دیندار زێبارى ل دوور پرۆسه‌یا ئه‌رشیفكرنا به‌لگه‌یان و درووستكرنا كه‌یسێن قانوونى دیاركر، ل سه‌ر ئاستێ نێڤده‌وله‌تى حكومه‌تا هه‌رێمێ كه‌یسێن هزاران ره‌ڤاندییێن ئێزدى دۆكیۆمێنت كرییه‌، و ئه‌رشیفكرنا به‌لگه‌نامه‌یێن وان ل ئێكى كانوونا دووێ یا سالا 2021ێ ده‌ستپێكربوو و ل سێى نیسانا 2022ێ ب دووماهى هاتبوو.
و زێده‌تر ئاشكراكر، دڤى ماوه‌یى دا سێ هزار و 543 كه‌یس كو ژ پێنج هزار و 393 لاپه‌ران پێك دهێت هاتینه‌ ئه‌رشیفكرن، ژبلى هندێ پشته‌ڤانییا جڤاكى و ده‌روونى پێشكێشى زێده‌تر ژ دو هزار و 234 قۆربانییان هاتییه‌ كرن.
رێكخه‌رێ راسپاردێن نێڤده‌وله‌تى باس ل وێ چه‌ندێ ژى كر، بۆ به‌لگه‌نامه‌كرنا تاوانێن داعشێ، حكومه‌تا هه‌رێما كوردستانێ هه‌ماهه‌نگى دگه‌ل یونیتاد كربوو و ب رێكا وێ، ده‌سته‌یا ڤه‌كۆلینان و كۆمكرنا به‌لگه‌یان و چاره‌سه‌ركرنان ( CIGE ) سه‌ركه‌ڤتن ل ئه‌رشیفكرنا ئه‌لكترۆنى و نڤێسینا زێده‌تر ژ 73 هزار و 912 لاپه‌رێن به‌لگه‌یان بۆ وان تاوانان ئینایه‌، و هه‌تا نوكه‌ چار هزار و 206 كه‌یس وه‌ك سكالا پێشكێشى دادگه‌هان هاتینه‌ كرن و دناڤا واندا ئێك هزار و 778 كه‌یس هاتینه‌ ئێكلاكرن و دوو هزار و 428 كه‌یسێن دى د پرۆسه‌یا ئاماده‌كرنێ دانه‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi