كۆره‌كێ هۆزان خواندنێ هاته گێران و چار په‌رتۆك ژى هاتن ئيمزاكرن
تۆرا لالش:
ئێڤاريا رۆژا پێنج شه‌مبوويێ 19ئه‌يارا 2022 ل باخچێ نڤيسينگه‌ها لالش مەھەتێ، كۆره‌كێ هۆزان خواندنێ هاته گێران و چار په‌رتۆك ژى هاتن ئيمزاكرن.
ب ئامادەبونا ژمارەكا رەوشەنبیر و لاوان و كەسایەتیێن ئۆلی و جڤاكی يێن كۆمەلگەھا مەھەتێ دگەل بەرپرسێن رێكخراوا دێرسم و بارزان و شەھید مەحمود ئێزدی و رێڤەبەرێ رەوشەنبیریێ قەزا شێخان و بەرپرسێ سەنتەرێ رەوشەنبیری ل شێخان، نڤيسينگه‌ها لالش مەھەتێ ب ھەماھه‌نگی دگەل سەنتەرێ رەوشەنبیری ل قەزا شێخان كۆره‌كێ هۆزان خواندنێ ورێوره‌سمێن ئيمزاكرنا چارپه‌رتۆكان گێران.
ل دەستپێكێ”مەھدی حەسەن”بەرپرسێ نڤیسیگەھا لالش ل مەھەتێ ب خێرھاتنا مێھڤانا كر و رێزگڕتن دەقیقەك ڕاوستیان بێ دەنگ بۆ شەھیدێن كورد و كوردستانێ و سەروەرێ وان بارزانیێ نەمر و كاك ئەدریسێ جوانە مەرگ،لدووڤدا بەرنامەيێ چالاكيێ دا دیاركرن و ھەر بڤێ ھەلكەفتێ كورتیەك ژ بزاڤ و چالاكیێن سەنتەرێ رەوشەنبیری ل شێخان دانه دیاركرن كو وەك گرۆپەكێ خۆبەخش كار دكن و دەست خۆشی ل ھەر چار نڤیسەران كر بۆ بەرھەڤكرنا ڤان پەرتۆكان.
ل داويێ پەرتۆك ل سەر مێڤانان دا ھاتن به‌لاڤكرن و ئەڤ چالاكی بوو جيێ دلخۆشیا ھەموو ئاماده‌بوويان.
