كومەكێ دراڤی یێ بەری 700سالان ل مۆزەخانا بنگەهێ لالش دئێتە پاراستن
تۆرا لالش:
بەرپرسێ پشكا رەوشەنبیری ل دەستەیا بلندا بنگەهێ لالش یێ رەوشەنبیری و كۆمەلایەتی راگەهاند،كولاڤەكێ دراڤی مێژوویا وێ ڤەدگەرتە بەریا 700 سالان،ل بنگەهێ لالش هاتیە پاراستن.
شەمۆ قاسم،بەرپرسێ پشكا رەوشەنبیری ل بنگەهێ لالش بۆ رۆژناما دەنگێ لالش راگەهاند،ئەڤ كولاڤێ دراڤی ب تایبەت ژلایێ ژنێن ئێزدی ل سەردەمێن كەڤن ب كارهاتی یە و ب تایبەت ل دەمێ شادی و خۆشیان دا ل سەرێ خۆ دكرن و كولاڤ ب شێوەیەكی گەلەك جوان دروستكریە،ئەڤ كولاڤێ دراڤی گەلەك یێ كەڤنە و مێژوویا وی ڤەدگەرت بۆ 700 سالێن بەری نهۆ، رەنگێ وی گەلەكێ جوان و سەرەنجراكێشە،بەلێ نهۆ ژبەر كەڤنیا وی رەنگێ كولاڤی گهۆری یە كو د دەمێ خۆ دا زەربوویە و زێر ژی پێڤەناینە و ژنان بكارئینایە.
زێدەتر گۆت:ئەڤ كولاڤێ دراڤی پشكەك ژ كەلتۆرێ ئێزدیان بوویە كو نۆكە نەمایە و بتنێ هندەك نیشان لێ ماینە،نۆكە دناڤ ئێزدیان دا (كوم و ڕەشك/ كولاڤ و شەدە) هەینە و هەر دبێژنێ كولاڤێ دراڤی،بەلێ ب شێوێ ئەوێ كەڤن نینە و دیارە ل وی سەردەمی دا جیەكێ تایبەت هەبوویە،كو ئەو جۆرێن كولاڤی هاتبنە دروستكرن و خەلكی ژی بكارئینایە.
دا زانین ژی ئەڤ جۆرێ كولاڤی ل وی سەردەمی دا گەلەكێ ب نرخ و گرانبەها بوویە، دیارە هەموو كەسان ژی شیانێن دارایی نەبووینە بكڕن.
مقالات ذات صله
-
59خێزانێن ئاواره ل كهمپا شاريا ڤهگەڕيانه شنگالێ
-
سهرۆكێ لژنا كۆچ و كۆچبهران:چ پێنگاڤ بۆ بجهئينانا ڕێككهفتنا شنگالێ نههاتينه هاڤێتن
-
حكوومهتا ههرێما كوردستانێ ههموو ڤالاهیێن ژئهگهرێ ب داوى هاتنا گرێبهستێن ڕێكخراوان ل كهمپێن ئاواران پركرينه
-
ل گوندێ بێبانێ خۆلهكا ڕهوشهنبيرى هاته ڤهكرن
