140 خێزانێن ژ شنگالێ ئاوارەى كۆمه‌لگه‌ها شاريا بووين هاریکاری وەرگرتن
تۆرا لالش:
ژ ئه‌نجامێ شەرێ دناڤبەرا هێزێن لەشکەرێ عێراقێ و هێزێن بسەر پەکەکێ ڤە ل شنگالێ روودايى، بتری 750 خێزانێن شنگال ئاوارەی دەڤەرێن جودا جودایێن هەرێما کوردستانێ بووینە، ژوان بتری 140 خێزانا ل كۆمه‌لگه‌ها شاریا ئاکنجی بووینە و هاريكارى ل سه‌ر ڤان خێزانان هاتنه به‌لاڤكرن.بنگەهێ لالش تایێ شاریا ب هەڤکاری و پشتەڤانیا کەنیسا انابابتایس ل دهۆێ و بەرێز قەس به‌هزاد،ئيرۆ 7ى ئه‌يارا 2022ێ ل هۆلا لالش ئێك رابوون ب به‌لاڤكرنا هاریکاریان ل سەر 140 خێزانێن شنگالێ یێن دچەند رۆژێن بۆری دا ئاوارەبووینە کۆمەلگەها شاریا،ئەڤ هاریکاری پێکهاتبوون ژ بەتانیا کو بەهرا هەر خێزانەکێ ژێ 2 بەتانی بوون، سەرجەمێ بەتانیێن هاتین به‌لاڤكرن 280 بەتانی بوون.
بۆ زانين ئه‌و خێزانێن هاریکاری وەرگرتين یێن دچەند رۆژێن بۆری دا ئاوارە بووینە شاریا و گۆندێن ده‌وروبه‌ر،ژبەر شەرێ دناڤبەرا هێزێن لەشکەرێ عێراقێ و هێزێن بسەر پەکەکێ ڤە ل شنگالێ.
