تشرینی یه‌كه‌م 06, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ لالش ئەلمانیا :ئيسماعیل ئەیگون(شڤان)سنوورێن خۆ دەرباز کرن

بنگەهێ لالش ئەلمانیا :ئيسماعیل ئەیگون(شڤان)سنوورێن خۆ دەرباز کرن

لچەند هەیامێن دەرباس بووی مە جەند جاران ( شڤان – اسماعیل ئەیگون ) ل جڤات ومەحفەلان دیت کو هێرشەکا نە رەوا لسەر بیر باوەرێن ئێزدیان و ئێزدیاتیێ کر و هنەک بوویەر ئانین زمان وەک تاوانێن کوشتنا کەچ و ژنان و خستنە پال ئێزدیان و بێ هیج بەلگە تەڤی ڤی بابەتێ هەستیار بوو .

ژڤێ ژی زێدەتر دووهی رۆژا ئینیێ رێکەتی 02.01.2022 ناڤبری ل تۆرێن سوشیال میدیا ب دەنگ ورەنگ فیدیویەکا 25 خۆلەک بەلافکر، دناڤ خەبەردانا خوەدە وەک فێلەسوفەک خوە نیشان ددا هەم ژی وەک خەمخۆر و کوردپەروەر نیشان ددا لێ زوو ژ کۆنترۆلا هەستێ خوە دەرکەت و هێرشی جڤاک و پیاو و میر و بابا شێخ و بابا چاویش کر ب زاراڤەکی دوور ژ هەر رەوشتەکی مرۆڤاتی و کوردیاتی و هۆنەری ئاخڤی و ئێزدی و ئێزدیاتیی ل سەر کوردستانێ و دەولەتبوونا کوردان ب مەترسی ئانین زمان .
هەلبەت جارێ بیر و باوەرێن ئێزدیان ج بن و جاوا بن نە کارێ شڤانە ،بەلکو ب ئێزدی و ئێزدیاتیێ ڤە گرێداییە .
اسماعیل ئەیگون و هەر کەس دزانە کوشتنا کەچ و ژنان ل کورە، و دناڤ ج ملەت و جڤاکی دا هەیە بەروڤاژی ئێزدیاتیی و ئێزدیان، لبیرتینن هەم جڤاک کو خانمەک وەک مەیان خاتون رێڤەبەریا ئێزدیان کریە و هەم ژی وەک عەقیدە و باب چاک و کابانی و خوداوەند دناڤ ئێزدیاتیی دا ( خاتونا فەخرا – ستیا زین .. هتد ) باشترین میناکن ژبۆ کەسێن کو هێنی ئێزدیان و ئێزدیاتیی نەبوونە بلا ژبۆ خوە فێری دیرۆکێ و زانینێ ببن و بزانن مافێ ژنێ د ناڤ ئێزدیان دا چەندە و چییە.
کی بخوندە و فێر ببە ؟ دکارن ژ زانکۆ و پەیمانگەهێن کوردستانێ بپرسن، کینە یەکەمێن کوردستانێ نە ؟
گونەها مە نینە کو سترانبێژەکا کوردپەروەر و ژێهاتی مینا گولیستانێ وسا ب جوانی باسێ ئەسل و کۆکا کوردان و ئێزدیان بکت، گەلۆ ئەڤە هێرس و خەما اسماعیل ئەیگونە ؟ کە واتا بسایکۆلۆژی نەخوەشکەتنە ! .
لڤر بانگا مە ژبۆ تەڤایا کوردزان و دیرۆکناسێن کوردانە هەمبەر کەسێن وەک اسماعیل ئەیگون کو دیرۆکا کوردان هەمبەر بهایەکی ئەرزان دشێوینن خوەدی بەرسف دەرکەڤن و هەلویستێ خوە نیشان بدن هەروەها داخوازا مە ژسەرکرداتیا سیاسیا کوردستانێ یە کەسێن مینا اسماعیل ئەیگون پشتەڤانیێ لێ نەکن و وەک تێکدەر و مەترسی ل سەر ئاشتیا جڤاکیا کورددستانێ بێتە دیتن و سەرەدەری کرن.
لداویێ دبێژن شڤان دەولەتبوونا کوردستانێ ب ئێزدیان و ئێزدیاتیێ بهێز دبە نەکو بەروڤاژی ، کوردستان ب زمان و زاراڤ و ئەدەب و ئۆلا ئێزدیان، دێرین و خودان دیرۆکە هەر کەس دزانە ج کلتۆر و ج جڤاک ل سەر کوردان و دیرۆکا کوردستانێ مەترسی یە .
رۆژا مە ب تارا بێژنگێ نایێ گرتن.
شڤان گازندێ و جیڤان دکت و نەرازییە ژ هەلویستێ گەنجێن مە دکت لێ ئەو دزانە گەلۆ کەسێ ئیسۆتا – فلفلا تیژ بخوە وێ لەشێ وی بشوەتە و کەسێ کو نکارە ببە سڤاندە ژبۆ خێزانا خوەیە سێ کەسی گەلۆ وێ چاوە ببە ئالاڤەکی لهەڤهاتنا ملیۆنەها کورد ؟
دەستەیا رێڤەبەرا
بنگەهێ لاڵش ئەلمانیا

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi