ل بنگه‌هێ لالش روونشتنه‌ك لدۆر چاوانیا ئەکتیفکرنا مادێ 140 هاته سازكرن
تۆرا لالش/دهۆك
ئيرۆ ل بنگه‌هێ لالش يێ ره‌وشه‌نبيرى و كۆمه‌لايه‌تى، لسه‌ر داخوازا به‌رێز دژوار فايق راوێژكارێ ئه‌نجومه‌نێ وه‌زيرێن هه‌رێما كوردستانێ بۆ بۆردێ ماددێ 140 ب ياوه‌ريا چيايى ته‌يمور به‌ربژارێ سه‌ركه‌فتى بۆ په‌رله‌مانێ عيراقێ و ب ئاماده‌بوونا رێزدار شێخ شامۆ شێوه‌رمه‌ندێ سه‌رۆكێ حكومه‌تا هه‌رێما كوردستانێ بۆ كاروبارێن ئێزديان،وسەرۆکێ دەستەیا بلندا بنگەهێ لالش رونشتنه‌ك بۆ ژماره‌كا كه‌سايه‌تيێن ئێزديان ب تايبه‌ت يێن ده‌ڤه‌را شێخان و شنگال و باشيك و به‌حزانێ دگه‌ل چه‌ندين پسپۆرێن ئه‌ڤى بياڤى دا هاته ئه‌نجامدان.
مەرەم ژڤێ رونشتنێ ئه‌و بوو بيرورا دناڤبه‌را ئاماده‌بوويان لسه‌ر ماددێ 140 بێنە ئالوگۆركرن و به‌رێز دژوار فايق دووپاتكر كو رێزدار مه‌سرور بارزانى سه‌رۆكێ حكومه‌تا هه‌رێما كوردستانێ گه‌له‌ك يێ رژده بۆ جێبه‌جێكرنا ئه‌ڤى ماددێ ده‌ستوورى.
پشتى چه‌ندين بير و را هاتينه دياركرن، راوێژكارێ بۆردێ ماددا 140 ل ئەنجومەنێ وەزیران، دیارکر ب پلان و ب به‌رنامه لسه‌ر چاوانيا ئه‌كتيڤكرنا ئه‌ڤى مادده‌ى دێ راپۆرتەکێ راده‌ستى سه‌رۆكێ حكومه‌تا هه‌رێما كوردستانێ كه‌ت ژبۆ هندێ به‌ربژارێن سه‌ركه‌فتى بۆ په‌رله‌مانێ ئيراقێ ژبۆ خۆلا نوو بكه‌نه پلانا كارێ خۆ ل په‌رله‌مانێ ئيراقێ.
تُتاح هذه الصورة أيضا في: کوردی
