بنگه‌هێ لالش تايێ باعه‌درێ سميناره‌ك لدۆر پرسێن سایکۆلۆژی گێرا
تۆرا لالش:
ژبەر هەستیاریا قۆناغا ته‌مه‌نێ گەنجان و پێخەمەت خزمەتکرنا ڤێ تەخا گرنگ،ئيرۆ 9/11/2021ێ بنگەهێ لالش تایێ باعەدرێ رابوو ب گێرانا سمینارەکێ لدۆر ئاریشە و چارەسەریێن پرسێن سایکۆلۆژی بۆمامۆستایێ شارەزا و پسپۆر دليل جميل كدو ب ئاماده‌بوونا ژمارەکا گەنجان ل هۆلا باعەدرێ یا بیرەوەريان.
پشتی رێزگرتنێ ل شەهیدێن بزاڤا ڕزيگاريخوازا کوردی سەرکێشیێ وان بارزانیێ نەمر،به‌رێز خه‌لات باعەدرى به‌رپرسێ بنگەهێ لالش بخێرهاتنا سمیناربێژی و تەڤایا ئامادەبوویان کر و رۆناهی ئێخستە سەر گرنگیا ڤی بابەتێ گرنگ ژبۆ ژیانا هەموو تاکە کەسێن جڤاکی نەخاسمە چینا گەنج و لاوان و چاوانیا سەردەریکرنێ دگەل پرس و ئاریشێن دەروونى.
پاشی سمیناربێژی بەحسا چەندین بابەتێن دەروونی کر کو مرۆڤ تووش دبتێ نەخاسمە د قۆناغا سنێلەیێ دا و چاوانیا ره‌فتارکرنێ و رێکێن گونجايی ژبۆ قورتالبوونێ و رۆنکرنا چارەسەریا وان پرسگرێگا دگەل چەندین رێنما و شیرەتێن زۆر گرنگ و مفادار.
ل داویێ ژی دانوستاندنەکا گەرم لدۆر بابەتی پەیدابوو دناڤبەرا سمیناربێژی و ئامادەبوویان دا.
