بنگه‌هێ لالش:وه‌غه‌ركرنا مامۆستا “سه‌باح جه‌بور” زیانه‌كا مه‌زنه بۆ ته‌ڤایا ئێزدیان
ب خه‌م و كۆڤانه‌كا مه‌زن ڤه ل رۆژا دووشه‌مبوويێ 13ى ئه‌يلولا 2021ێ مه خه‌به‌رێ وه‌غه‌ركرنا مامۆستا سه‌باح جه‌بور ژ ئه‌گه‌رێ لێدانا جه‌لتا دلى ل ناڤه‌ندا ناحيا باشيكێ بهيست.
ل پێشيێ ئه‌م سه‌ره‌خۆشيێ ل خۆ دكه‌ين بڤێ هه‌لكه‌فتا دلته‌زين، و سه‌ره‌خۆشيێ ل كه‌سوكارێن خودێ ژێ رازى و هه‌ڤال و حه‌ژێكه‌رێن وى دكه‌ين،ئه‌م ئاماژێ دكن خودێ ژێ رازى ئه‌ندامێ ده‌سته‌يا بلندا بنگه‌هێ لالش و بۆ ماوه‌كى درێژ به‌رپرسێ بنگه‌هێ لالش تايێ باشيكێ بوويه،و دووپات دكه‌ين كو مه كه‌سايه‌تيه‌كێ جڤاكى و ره‌وشه‌نبيرى يێ گرنگ ل ئاستێ باشيكێ و ته‌ڤايا ئێزديان ژ ده‌ست دا.
خودایێ مه‌زن مامۆستا سه‌باح جه‌بور ب رەحما خۆشاد بکە و خودێ سه‌بر و هه‌دارێ بده‌ته كه‌سوكارێن وى.
روحا ره‌حمانی
نابت فانی
هه‌ردێ زڤرته به‌رده‌ستێ خودانی
دەستەیا بلندا بنگەهێ لالش یێ ره‌وشه‌نبیری و كۆمه‌لایه‌تی/دهۆك
13ى ئه‌يلولا 2021
