رێورهسمێن مهزنترین جهژنا ئێزديان نائێنه ئهنجام دان
باسنيوز:
ژ ئهگهرێ هاتنا پهتایا كۆرۆنایێ، گۆهرین ل سهر پرانیا سیكتهرێن ژیانێ پهیدا كرن و هند كاریگهرى ل سهر دابۆنهریتان ههبوویه و بیرهوهریێن ئاینى ژى بهشهك بوون ژ وێ كاریگهریێ و ب ههمان ئهگهر ئهڤ ساله مهزنترین جهژنا كۆردێن ئێزدى كۆ جهژنا جهمایێ یه چ رێورهسم ناهێنه ئهنجام دان.
لقمان سلێمان، بهرپرسێ نڤیسینگهها راگههاندنا پهرستگهها لالش بۆ(باسنیوز) دیاركر: ” كۆرۆنایێ كاریگهرى ل سهر ههمى كهرتێن ژیانێ ل ههمى جیهانێ درۆست كربو و ببو ئهگهر كۆ كاریگهری ل سهر كۆردێن ئێزدى ژى ههبیت، چونكه خۆیایه ئاینێ كۆردێن ئێزدیان گهلهك جهژن تێدا ههنه و كۆرۆنا بۆ ئهگهر كۆ ئهڤ ساله چ جهژن ب رێورهسم ڤه برێڤه نهچن و ئهڤ ساله مهزنترین جهژنا كۆردێن ئێزدى ناهێته ئهنجام دان”.
گۆت ژى:” ههر سال ل رێكهفتى 7/10 تا كۆ 14/10 رێورهسمێن مهزنترین جهژنا كۆردێن ئێزدى برێڤه دچن كۆ جهژنا جهمایێ یه و ئهڤێ جهژنێ پیرۆزیهكا زور مهزن لنك كۆردێن ئێزدیان ههیه و ل ههمى دۆنیایێ كۆردێن ئێزدى د ئهڤان رۆژان دا ل ههرێما كوردستانێ و پهرستگهها لالش ل قهزا شێخانا سهر ب پارێزگهها دهۆكێ ڤه د بهرههڤ بوون لێ ئهڤ ساله ژ پێخهمهت پاراستنا گیانێ تهڤایا خهلكێ دهڤهرێ و كۆردێن ئێزدى، میرێ ئێزدیان و جڤاتا رۆحانیا كۆردێن ئێزدى بریارا وێ چهندێ دایه كۆ چ رێورهسم ل پهرستگهها لالش برێڤه نهچن و ئهڤ چهنده ژ پێخهمهت روو ب روو بوونا پهتایا كۆرۆنایێ یه”.
دۆپاتى ل وێ چهندێ ژى كر: ” ههر سال زێدهتر ژ 100 هزار كهسان ژ كۆردێن ئێزدى پشكدارى ئهڤێ جهژنێ بوونه، لێ ژ پێخهمهت گیانێ مرۆڤایهتیێ، بریارا وێ چهندێ هاتیه دان ئهو جهژنه نههێته ئهنجام دان و چ رێورهسم بۆ برێڤه نهچن و دیاركر ژى:” نها دا خهلكێ مه كۆ كۆردێن ئێزدى بۆ پهرستنێ سهرهدانا پهرستگهها لالش دكهن و ههمى پێرابوونێن خۆپاراستنێ دهێنه ئهنجام دان و چ كهس بێ بكار ئینانا دهستگۆرك و ماسكێ ناچنه د پهرستگهها لالش ڤه و هیڤیا مه ئهو چهنده یه گیانێ ههر كهسهكێ ژ ئهڤێ پهتایێ دۆیر و سلامهت بیت”.
تُتاح هذه الصورة أيضا في: کوردی