تشرینی دووه‌م 23, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چیرۆكه‌كا خه‌مگین یا كچه‌كا رزگاربوویا‌ ئێزدى دئێته‌ به‌لاڤكرن 

چیرۆكه‌كا خه‌مگین یا كچه‌كا رزگاربوویا‌ ئێزدى دئێته‌ به‌لاڤكرن 
باسنيوز:

كچه‌كا رزگاربوویا‌ ئێزدى ژبن ده‌ستێن تیرۆستێن داعش ب ناڤێ (نورا) بۆ (باسنیوز) به‌حسێ چیرۆكا ره‌ڤاندن و فرۆتن وئه‌شكه‌نجه‌دانا خۆ ژلایێ تیرۆرستێن داعش ڤه‌ دكه‌ت و دبێژت، تیرۆرستێن داعش سه‌رێ من كاره‌ب كرن ژبه‌ر نه‌خۆشیه‌كا پێستى ناڤ داعش دا بۆ ده‌مێ 25 رۆژان ناڤ نه‌خۆشخانێ دا هاتمه‌ نڤاندن.

نورا ل رۆژا 3/8/2014 ده‌مێ تیرۆرستێن داعش هێرشى سه‌ر شنگال كرى ل دۆریانا حه‌ردان هاته‌ ده‌سته‌سه‌ركرن بۆ (باسنیوز) دیاركركو ده‌مێ ئه‌م هاتینه‌ گرتن داعشا ئه‌م برینه‌ گونده‌كێ عه‌ره‌بان ل نێزیك ته‌له‌عفه‌ر بوو و پاشى برینه‌ ته‌له‌عفه‌ر دناڤ ئاڤاهیێ قوتابخانا (ئه‌زاهیر). پشتى چه‌ند رۆژان ئه‌م برینه‌ زیندانا (بادۆش) ل مووسل، پشتى بۆرینا 9 رۆژان دناڤ زیندانا (بادۆش) دا ل مووسل تیرۆرستێن داعش ل ده‌مژمێر 12ب شه‌ڤ هاتن وكچ برن بۆ هه‌ر باره‌گایه‌كى داعش ل مووسل 15 كچ دانان و دبێژت: “ئه‌ز و دوو كچێن دى بناڤێ (خالیده‌) و (زینا) ژ خێزانێن مه‌ ڤه‌قه‌تاندن گه‌ل خۆ برینه‌ ناڤ باره‌گایه‌كێدا. ل مووسل ل وى باره‌گایى داعشێ دا من تیرۆرسته‌كى داعش ناسكر خه‌لكى شورى بوو نێزیك قه‌زا شنگال ناڤى وی یێ دروست (عه‌لى) بوو ل نك تیرۆرستان ناڤێ خۆ گۆهارت كربوو (ئه‌بو حسێن شه‌مه‌رى) ڤی داعشى ئه‌ز ناسكرم چونكو ئه‌م تێكه‌لین ئێك بووین به‌رێ كاره‌ساتا شنگال روو بده‌ت”.

هه‌روه‌سا راگه‌هاند كو تیرۆرستێن داعش ئه‌م 15 كچ برینه‌ د ژووره‌كى دا وگۆتن پشتا خۆ بدەنه‌ مه‌ و بەرى خۆ بدەنه‌ دیوارى ژنۆكه‌ بخۆ كچ هه‌لبژارتن هه‌ر كچه‌كا ب دلێ تیرۆرستێن داعش با ئه‌و كچ برن وكچێن نه‌ ب دلێ وان دهێلان. وى تیرۆرستى ئه‌ز ناسكریم بناڤێ ( ‌عه‌لى ) ئه‌ز بریمه‌ مالا خۆ بۆ ماوێ حه‌ڤت رۆژان. خۆدان خێزان بوو و ناڤێ ژنا وى ( سه‌حه‌ر) بوو. دوو زارۆك هه‌بوون بناڤێ (سه‌فه‌ر) و(عزام) دگه‌ل من گه‌له‌ك توند بوون پاشى تیرۆۆسته‌كێ دى ب ناڤێ ( فه‌یسه‌ل) هات و داخازا من كر ڤى تیرۆرستى داعش ئه‌ز دگه‌ل خۆ برم ب رێكێ ڤه‌ كۆمه‌كا ناسنامه‌یێن ئێزدیان هه‌موو خه‌لكێ حه‌ردان وحاتیمه‌ و كۆچۆ بوون. نیشا من كرن وگۆت ئه‌ڤه‌ مه‌ یێن ده‌سته‌سه‌ركرین وئێزدى نه.‌ ڤى داعشى گۆت دێ ته‌ به‌مه‌ مالا والیێ داعش یێ بناڤێ ( ئه‌بو تالب) ئه‌ز برمه‌ نك ڤى داعشى بێ ره‌وشت.

ئاشكه‌را كركو تیرۆرست (ئه‌بو تالب) ئه‌ز برمه‌ گه‌یاره‌ دگه‌ل خۆ ل ده‌ستپێكى گۆته‌ من پێدڤیه‌ توو قورئانێ بخۆینى و هه‌موو ژبه‌ر بكه‌ى. پاشى ئه‌ز ئه‌شكه‌نجه‌دام بۆ ده‌مێ سى رۆژان لسه‌ر ئێك ئه‌ز ئه‌شكه‌نجه‌دام وپاشى سه‌رێ من دانه‌ به‌ر كاره‌بى ئه‌ز پتر ئه‌شكه‌نجه‌دام چونكو من هه‌ولێن رزگاركرنا خۆ ژ ده‌ستێن تیرۆرستێن داعش كربوون، پاشى تیرۆستێن داعش ئه‌ز ژووره‌كا بچووك كرن ناڤبه‌را چار دیواراندا هه‌موو تشت بگره‌ ژ ده‌ست ئاڤێ و سه‌رشۆك و هه‌موو تشتێن مرۆڤ رۆژانە پێدڤى پێ دبیت بۆ من وه‌سا وى ژوورى كرن وده‌مێ خوارن بۆ من ئینان من ئه‌و خوارن دخوار پشتى ده‌مه‌كى َكێم پێ دنڤستن.

نورا ب چاڤێن تژى رۆندك به‌رده‌وامی ب گۆتنا رۆژێن ناڤ ده‌ستێن پیس یێن تیرۆرستێن داعش ده‌ت و دبێژت: “ل ناڤ ده‌ستێن تیرۆرستێن داعش ئه‌ز تووشى نه‌خۆشیه‌كا پێستى یا گه‌له‌ك نه‌خۆش بووم، هه‌موو لاشى من ژبه‌ر وێ نه‌خۆشیا پێستى خوریا و لاشێ من هه‌موو تووشى نه‌خۆشا گورى بوونێ بوو، (جرب) بۆ ده‌مێ 25 رۆژان هێلامه‌ دنه‌خۆشخانى دا، هه‌موو جۆرێن زولم وزۆرداریێ تیرۆرستێن داعش دا بسه‌رێ مه‌ ئیناینه‌”.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.