ئه‌یلول 21, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

100 گوندێن شنگال تووشی كێشەیا ئاڤا ڤەخوارنێ‌ بووینە

100 گوندێن شنگال تووشی كێشەیا ئاڤا ڤەخوارنێ‌ بووینە

باسنيوز:

رێڤەبەرێ‌ ئاڤا شنگال دیار كر كو نۆكە 100 گوندێن شنگال ئاریشەیا ئاڤا ڤەخارنێ‌ هەیە. پشت بەستنا ڤان گوندان ل سەر بیرێن ئاڤێ‌ بوویە لێ بیر هەموو هاتینە تێكدان وهێشتا نەهاتینە چێكرن.

مەهدی قاسم ، رێڤەبەرێ‌ ئاڤا شنگال بۆ (باسنیوز) دیار كر كو: “ژبەر تێكدانا بیرێن ئاڤێ‌ و خرابكرنا تۆرێن ئاڤێ‌ ئاریشە ئاڤا ڤەخارنێ‌ ل گەلەك دەڤەرێن شنگال هەیە. هەتا نۆكە دناڤ سەنتەرێ شنگالدا ب رێژا 25% تۆرێن ئاڤێ‌ خراب كرینە. چوو پشتەڤانی نینە هەتا ئەم بشێن ڤان تۆرێن ئاڤێ‌ بۆ وەلاتیان دروست بكەین كو 16 بیرێن ئاڤا ڤەخارنێ‌ هەبوون، نۆكە بتنێ‌ 12 بیر كار دكەن یێن دیتر ژكار كەفتینە و هێشتا نەهاتینە چێكرن”.

مەهدی قاسم ئاشكەرا كر كو: “تیرۆرستێن داعش زیانەكا مەزن گەهاندینە پرۆژەیێن ئاڤا ڤەخارنێ‌ ل شنگال. هەتا نۆكە ژی ئاریشە ئاڤا ڤەخارنێ‌ ل گەلەك جه و دەڤەرێن شنگال هەیە. ئەم دخوازین پشتەڤانیا شنگال بهێتە كرن بۆ چێكرنا پرۆژەیێن ئاڤا ڤەخارنێ‌. نۆكە هەتا 100 گوندێن سەر شنگال ڤە ئاریشەیا ئاڤێ‌ هەیە”.

تیرۆرستێن داعش سالە 2014ی هیرشی سەر شنگال كرن. ژبلێ‌ زیانێن گیانی تیرۆرستێن داعش زیان گەهاندنە هەموو پرۆژەیێن خزمەتگوزاری وپتر 80% شنگال وێرانكرن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.