ئه‌یلول 24, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پەروەردا شنگال: 400 قوتابیێن شنگال دێ ل دهۆكێ‌ ئێنە كەرەنتینكرن

پەروەردا شنگال: 400 قوتابیێن شنگال دێ ل دهۆكێ‌ ئێنە كەرەنتینكرن
باسنيوز:

رێڤەبەرێ‌ پەروەردا قەزا شنگال دیاركركو نۆكە پتر ژ 400 قوتابیێن 12ێ‌ ئامادەیی ل شنگال هەنە دێ‌ ئەڤ هژمارا قوتابیان قەستا دهۆكێ‌ كەن بۆ ئەنجامدانا ئەزموونان ژبەر كۆرۆنایێ‌ ئەڤ هژمارا قوتابیان بۆ دەمێ‌ 48 دەمژمێران دهێنە كەرەنتینكرن دەمێ‌ ژ شنگال دهێنە دهۆكێ‌.

مەیسەر حەجی، رێڤەبەرێ‌ پەروەردا قەزا شنگال بۆ (باسنیوز) دیار كر كو: “نۆكە ئەم یێ‌ بەرهەڤیان بۆ ڤەگەراندنا قوتابیێن قەزا شنگال دكەن داكو ژ شنگال بهێنە پارێزگەها دهۆكێ‌ بۆ ئەنجامدانا ئەزموونێن 12ێ ئامادەیی. بەری تاقیكرنێ، ئەڤ قوتابی دێ‌ ژ شنگال بۆ دهۆك هێنە ڤەگوهاستن بۆ ڤێ‌ مەرەمێ ژی ئەم دگەل پەروەردا دهۆكێ‌ و زانكۆیا دهۆكێ‌ و ئیدارا پارێزگەها دهۆكێ‌ كار دكەین بۆ هندی هەموو ئاسانكاری بۆ ڤان قوتابیان بهێنە كرن دەمێ‌ ژ شنگال قەستا دهۆكێ‌ دكەن ژبەر مەترسیا نەخۆشیا كۆرۆنایێ‌ رەنگە ئەڤ قوتابیێن شنگال بۆ دەمێ‌ 48 دەمژمێران بهێنە كەرەنتینكرن “.

خۆیا ژی كر كو: “سازیێن دهۆكێ‌ زۆر پشتەڤانن دێ‌ بەشێن ناڤخۆیێ‌ بۆ قوتابێێن شنگال ڤەكەن وپشكنینێن كۆرۆنایێ‌ ژی دێ‌ ئەنجامدەن. ئەڤ هەموو ژی بێ‌ بەرامبەر دهێنە كرن. قوتابیان هەتا ئەزموونێن خوە ئەنجام دەن هەر بریارەكا نوو بۆ ئەزموونان بهێتە دان دێ‌ قوتابیێن خوە یێن شنگال ئاگەهدار كەین”.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.