تشرینی دووه‌م 01, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەترسی‌ هەیە ئێزدی ل چیایێ‌ شنگال نەمینن

مەترسی‌ هەیە ئێزدی ل چیایێ‌ شنگال نەمینن

باسنيوز:

جێگرێ پارێزگارێ نەینەوا دیاركركو ژئەگەرێ‌ گوهۆرینا دیمۆگرافی مەترسی‌ هەیە ئێزدی ل قوبیلەتێ‌ چێایێ‌ شنگال نەمینن.

عەلی عومەر گەبعو، جێگرێ پارێزگارێ نەینەوا بۆ (باسنیوز) دیار كر كو: “ئێزدی نەشێن ڤەگەرن و عەرەب یێ‌ زڤرینە قوبیلەتا چیایێ‌ شنگال. مەترسی هەیە گوهۆرینا دیمۆگرافیێ ل قوبیلەتێ‌ شنگال دروست بیت. ئەم هەولێن بەردەوامداینە بۆ زڤرینا ئاواران داكو گوهۆرینێن دیمۆگرافی‌ ل شنگال دروست نەبن، لێ‌ بریار دەستێ‌ خەلكێ‌ دا یێ‌ نەڤێت ڤەگەرن زۆرداریێ‌ لێ‌ ناهێتە كرن. هەتا نۆكە چوو هاریكاریا وەسا بۆ وان ئاواران ناهێتە دان یێن زڤرنە سەر جهێن خوە. هەتا نۆكە دۆرێن 200 هزار ئاوارێن ئێزدی ل هەرێما كوردستانێ‌ ئاكنجی‌ نە ژبەر نەبوونا تەناهیێ‌ نەشیاینە بزڤرنە شنگال”.

خۆیا ژی كر كو: “گەلەك ئەگەر هەنە هەتا نۆكە پتریا ئاواران نەشیاینە ڤەگەرنە سەر جهێن خوە ژوان ئەگەران ژی تەناهیێ‌ نینە و خزمەتگوزارێ‌ ئاستی پێدڤی نینن و خانیێن وەلاتیان هێشتا وێرانكرینە و گرۆپێن چەكدار ل شنگال هەنە لەورا ژی خەلكێ‌ شنگال نەشیاینە ڤەگەرن”.

ل سالە 2014ێ‌ تیرۆرستێن داعش هێرشێ‌ سەر شنگال كرن رێژا هەرە مەزن تاوانان ل قوبیلەتێ‌ شنگال دژی‌ كوردێن ئێزدی ئەنجامدان. هەتا نۆكە ژی خەلكێ‌ قوبیلەتێ‌ شنگال بێ‌ هێڤی نە ژ ڤەگەریانا سەر مال و حالێ‌ خوە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.