تشرینی دووه‌م 01, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

قایممقامێ‌ شنگال: بتنێ‌ 22% خەلك ڤەگەریایە شنگال

قایممقامێ‌ شنگال: بتنێ‌ 22% خەلك ڤەگەریایە شنگال

باسنيوز:

پشتی روویدانا 3 ئابا سالا 2014، داگیركرنا قەزا شنگالێ‌ ژلایێ‌ چەكدارێن داعش ڤە، ئاوارەبوونا خەلكێ‌ قەزا شنگالێ‌ بۆ ناڤا هەرێما كوردستانێ‌ و دەربازكرنا ژین و ژیارا ناڤا كەمپێن ئاوارەبوونێ‌، دەربازبوونا (6) سالان ل سەر ئاوارەبوونا وان، لێ‌ تا نها (22%) خەلكێ‌ قەزا شنگالێ‌ ڤەگەریایە سەر ئاخا خۆ.

مەحما خەلیل، قایمقامێ‌ قەزا شنگالێ‌ بۆ (باسنیوز) دبێژیت: “وەكە خویایە، ژ ئەگەرێ‌ وێ‌ روویدانا ل سالا 2014 ل سەر مللەتێ‌ كوردێن ئێزدی دا هاتی خوار، خەلكێ‌ مە ئاوارەی هەرێما كوردستانێ‌ بوویە و هند خەلك ژی هەبوویە قەستا دەرڤەی هەرێما كوردستانێ‌ و وەلاتێن ئەورۆپی كریە و لدیڤ ئامارەكا وەزارەتا بازرگانیا عیراقێ‌ كو بەری داگیركرنا شنگالێ‌ ژلایێ‌ داعش ڤە ، (450) هزار كەسان ل قەزا شنگالێ‌ ژیان دەرباز كریە” و گۆت ژی:” بۆرینا(6) سالان ل سەر كارەساتا ل قەزا شنگالێ، تا نها وەكە پێتڤی خەلكێ‌ مە نەڤەگەریایە شنگالێ‌ كو بتنێ‌ (22%) خەلكێ‌ شنگالێ‌ ڤەگەریانە دەڤەرێن خۆ. ئەڤە د دەمەكێ‌ دا یە كو خەلكێ‌ قەزا شنگالێ‌ هەمو حەز دكەن ب ڤەگەرنە دەڤەرا خۆ و دەست ب ژین و ژیارا خۆ یا جاران بكەن، لێ‌ هند روویدان و ئاریشە هەنە بووینە ئەگەر خەلك دویر بیت ژ هەمبێزا ئاخا دەڤەرا خۆ”.

ناڤبری ئەو چەندە ژی دوپات كر: “(360) هزار كەس خەلكێ‌ قەزا شنگالێ‌ ئاوارە بووینە و ل ناڤا كەمپان دا ژیانێ‌ دەرباز دكەن و دەرباز كریە. ژ سەرجەمێ‌(108) هزار خێزانان ، (19) هزار خێزان ڤەگەریانە ناڤا قەزا شنگالێ‌ دا و تا نۆكە (163) هزار كەس كو خەلكێ‌ قەزا شنگالێ‌ بووینە، ل ناڤا كەمپان دا ژیان دەرباز كریە”.

دوماهی ئاخفتنا خۆدا، قایمقامێ‌ قەزا شنگالێ‌ گۆت: “ئەگەر كەرتێ‌ خزمەتگوزاریان ل قەزا شنگالێ‌ دەستپێبكەن و هێزێن نە شەرعی ل ناڤا شنگالێ‌ نەمینن، یا بێ‌ گومانە، خەلكێ‌ مە بێ‌ دوو دلی دێ‌ قەستا شنگالێ‌ كەت و دەست ب ژین و ژیارا ئاسایی كەتە ڤە”.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.