ئه‌یلول 19, 2021

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كۆچكرنا قوتابیێن ئێزدی بۆ ئەوروپا كێم بوویە

كۆچكرنا قوتابیێن ئێزدی بۆ ئەوروپا كێم بوویە
دەنگێ‌ لالش،خێرهات بێدرڤان
ل گۆری دیتنا چەند قوتابی و مامۆستایێن ئێزدی ئاماژێ‌ ب وێ‌ چەندێ‌ ددەن كو دەمێ‌ رێیێن كۆچكرنێ‌ بۆ ئەوروپا هاتینە ڤەكرن كارتێكرنا خۆ ل سەر قوتابیێن ئێزدی هەبوویە كو گرنگیێ‌ ب پرۆسسا خووندنێ‌ نەدەن و قەست بكەنە ئەوروپا،لێ‌ پشتی ئەو رێ‌ هاتینە گرتن كۆچكرنا تەخا قوتابیان ل پرانیا دەڤەرێن ئێزدی نشین بەرەف كێم بوونێیە و بەردەوامیێ‌ ددەنە خووندنا خۆ.

قوتاب”دلدار جەمیل”دیاركر”بەری رێیێن چوونا دەرڤەی وەلاتی بێنە گرتن گەلەك قوتابیێن ئێزدی قوتابخانا بجه دهێلا و قەست دكرنە ژدەرڤە،بەلێ‌ نۆكە پشتی رێ‌ هاتینە گرتن كۆچكرنا تەخا قوتابیان ل پرانیا دەڤەرێن ئێزدی نشین بەرەف كێم بوونێیە و زڤرینە سەر خووندنا خۆ و بەردەوامیێ‌ ددەنێ‌ و هزرا كۆچكرنێ‌ هێلاینە”.

هەروەسا قوتابی”افراح نەجیم”دبێژت:”گرتنا رێیێن كۆچكرنێ‌ بۆ دەرڤەی وەلاتی كارتێكرنا خۆ هەبوو كو قوتابی هزر دكۆچكرنێ‌ دا نەكن و بەرێ‌ خۆ بدەنە خووندنا خۆ و درێژیێ‌ پێ‌ بدەن،چنكو چوو پاشەرۆژ ل دەرڤە نینە و تنێ‌ پاشەرۆژا وان ل هەرێما كوردستانێ‌ یە”.

مامۆستا “هدیە حسێن”خویاكر:”دەمێ‌ چوونا دەرڤەی وەلاتی تارادەیەكی سەكنی فشارا ل سەر قوتابیان كێمتر لێهات و پتر گرنگی دانە خووندنا خۆ،بەلێ‌ نە ب شێوەیەكێ‌ گەلەك باش،ژبەركو دناڤ هەموو مالێن ئێزدیان دا بەحسێ‌ چوونا دەرڤە دئێتە كرن،ڤێ‌ یەكێ‌ ژی كارتێكرن ل قوتابیان كریە چاڤەرێ‌ ژدەرڤە بكن،دیسان ژی دەیك وباب فاكتەرێ‌ سەرەكی نە،ژبەركو گەلەك گرنگیێ‌ ب خووندنا زارۆكێن خۆ نادەن و دڤان كاودانان دا ئەو كەسێن قوتابخانێ‌ ب داویی ژی دئینن ژبەر نەدامەزراندنێ‌ بێكارن”.

ژبال خۆڤە مامۆستا”مەروان شێخ شامۆ”گۆت:”بەری گرتنا رێ‌ ب شێوەیەكێ‌ ئێكجار زۆر رەوشا قوتابیا یا دەروونی تێك چوو و رۆژانە قوتابی دناڤ پۆلادا كێم دبوون و گێولێ‌ قوتابیا ژ خووندنێ‌ دهاتە شكاندن،بەلێ‌ پشتی گرتنا رێیا ئاستێ‌ قوتابخانێ‌ ب گشتی زۆر باش بوو هەتا ڤی دەمی ژی گەلەك پێشڤە دچت،لێ‌ ئەگەر هات و جارەكا دی رێ‌ وەكی بەرێ‌ ڤەبن دێ‌ كارتێكرنا خۆ پتر هەبت و رەوشا قوتابخانێ‌ ب گشتی دێ‌ زۆر لاواز بت و دبینم دێ‌ باندۆرا وێ‌ ل سەر مامۆستایان ژی هەبت”.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi