زانكۆیا مووسلێ رازیبوونا خۆ ل سەر لێبۆرینا قوتابیێن ئێزدیا ژمەرجێن مێڤانداری و ڤەگۆهاستنێ دیاركر
تۆرا لالش یا راگەهاندنێ
رەعەد تارق،رێكخەرێ لژنا قوتابیان ل بنگەهێ لالش راگەهاند،پشتی پەیوەندیێن رۆژانە و هەولدانێن رژد یێن دئێنەكرن ژلایێ بەرێز “شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی و ئەندامێ پەرلەمانێ هەرێما كوردستان دگەل وەزارەتا خووندنا بلند ل بەغدا ودگەل بریكارێ وەزیرێ دكتۆر”سەلام خۆشناو”،دەربارەی لێبۆرینا قوتابیێن ئێزدیا ژ هەموو مەرجێن مێڤانداری و ڤەگۆهاستنێ و پشتی دانوستاندن و نڤیسینێن فەرمی،سەرۆكاتیا زانكۆیا مووسل هاتە ئاگەهداركرن و رازیبوونا خۆ ب تێلەفوونێ دیاركرن.
ئەو ژی دایە دیاركرن كو هەر لسەر وێ چەندێ ئەم رابوون دگەل بەرێز”سەیدۆ چەتۆ “ئەندامێ جڤاتا پارێزگەها نەینەوا و سەرۆكێ فراكسیۆنا هەڤپەیمانیێ و پێكڤەژیانێ مە سەرەدانا دكتور “ئەبی سەعید”سەرۆكێ زانكۆیا مووسل و “كەریم بەرواری”بەرپرسێ كاروبارێن قوتابیا كر،وان داخوازا نڤیسینەكا فەرمی كرن ل دۆر وێ چەندێ ، هەر ئێكسەر مە پەیوەندی دگەل بەغدا كر و ل ڕۆژێن بێت دا نڤیسینەكا فەرمی دێ گەهتە زانكۆیا مووسل ل سەر وێ چەندێ و ل وی دەمی ئەم ژی دێ ئێكسەر بۆ قوتابیێن خۆ راگەهینن.
تُتاح هذه الصورة أيضا في: کوردی