كانونی یه‌كه‌م 09, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چالاكڤانێن ژنێن ئێزدی:سڤكاتیكرن ب ژنا ئێزدی یا بەردەوامە

چالاكڤانێن ژنێن ئێزدی:سڤكاتیكرن ب ژنا ئێزدی یا بەردەوامە 13576609_607159732778113_108765902_n
راپۆرت:جیهان عەبۆ
د درێژیا دیرۆكێ‌ دە ژنا ئێزدی قوربانیا ئێكێ‌ یا فەرمانێن هاتینە سەرێ‌ مللەتێ‌ ئێزدی بوویە،ل فەرمانا 74ێ‌ ژنا ئێزدی هاتیە گرتن و ل بازارێن وەلاتێن ئیسلامی و ئەرەبی دا وكرین و فرۆتن پێ‌ هاتیەكرن ژبال رێكخراوا تیرۆرستیا داعشێ‌ ڤە،سەرەرای نەخۆشیێن ژنا ئێزدی دزیندانێن داعشێ‌ دا دبینت،هێشتا جڤاكێ‌ نێڤ دەولەتی و رێكخراوێن پاراستنا مافێن ژنان مرۆڤی و حكوومەتا عێراقێ‌ رۆلەكێ‌ پێویست نەبوویە بۆ رزگاركرنا وان، چالەكڤانێن ژنێن ئێزدی ئاشكەرا دكن كو و هەتا نۆكە سڤكاتی ب ژنا ئێزدی یا دئێتە كرن و بەردەوامە، داخواز دكن راگەهاندنا كوردی رۆلەكی سەرەكی هەبت دگەهاندنا ڤێ‌ كارەساتا دلتەزین دا بۆ جیهانێ‌.

چالاكڤانەكا كچ (نیهاد رەمزی)بۆ دەنگێ‌ لالش دیاركر،پێتڤیە هەموو جیهان ب ووژدان بن بەرامبەر رزگاركرنا كچ و ژنێن ئێزدی،هەروەسا رێكخراوێن مافێ‌ مرۆڤی ژی پێتڤیە رۆلێ‌ خۆ ب دروستی رێڤەببەن،دیسان هەر ژ كەڤندا هەتا نۆكە هەموو جاران ژن قوربانیا كارەساتا بوویە،لێ‌ مخابن ئەڤ فەرمانا شنگالێ‌ ژنا ئێزدی قوربانیەكە مەزنە بوو و سەرەرای هندێ‌ جیهان یا بێ‌ دەنگە بەرامبەر ئەڤا ب سەرێ‌ كچ و ژنێن ئێزدی هاتی،ئەڤ رۆژە خالەكە رەشە دروویێ‌ گشت مرۆڤایەتیێ‌ دا چاوان چێبوویە دەیك زارۆكێ‌ خۆ ل سەرێ‌ چیایی پاڤێژت هەتاكو ژیانا زارۆكێن خۆ یێن دی قورتال بكت و گۆت:((ئەڤ كارەساتە بوو ئەگەرێ‌ كۆچكرنا ئێزدیان بۆ دەرڤەی وەلاتی،ئێزدی ژ مرنێ‌ نە رەڤینە وەلاتێن بیانی،بەلكو مە ڤیا ئاین و ئیمان و شەرەف و ناموسا خۆ بپارێزن و ژ دەست نەدەین،چنكو ئەو بەهاترین تشتە ل سەر روویێ‌ ئەردی و مە د راگەهاندنێدا ب چاڤێ‌ خۆ دیت ب زۆری ئاینێ‌ زارۆكێن ئێزدیان گهۆرێن وشەرەف و نامووسا كچ و ژنێن مە برین،چ وەلات نەمانە ئێش و ئازارێن ڤان كچ و ژنا و زارۆكان نەگەهشتینێ‌ لێ‌ بۆ من یا سەیر ئەوە نزانم چما بێ‌ دەنگ ماینە ،گەلۆ چنكو ئەم ئێزدی نە یان چنكو ئەم كوردن زۆر مەندەهۆشم هەموو جیهان نكارت ڤێ‌ رێكخراوا تیرۆرستیا داعشێ‌ ژناڤ ببەت،دڤێت راگەهاندنا كوردی رۆلەكی سەرەكی هەبت د گەهاندنا ئەڤێ‌ كارەساتا دل تەزین بۆ جیهانێ‌)).

ژلایەكێ‌ دیڤە ئەنداما رێكخراوا داك ژبۆ گەشەپێدانا ژنا ئێزدی(رەوشەن دەخیل)بۆ دەنگێ‌ لالش خویاركر، دەمێ‌ داعشێ‌ هێرشكریە سەر دەڤەرا شنگالێ‌ كارەساتەكا مەزن دژی مرۆڤاتیێ‌ ب ژدی خەلكێ‌ ئێزدی ئەنجامدا،بگرە ژ كوشتن و مال وێرانكرن و ئێخسیركرنا ب هەزاران زارۆك و كچ و پیر وكالا و ژیانا وان رەشكرن،لێ‌ قوربانیا هەرە مەزن گرتنا ژنێن ئێزدی بوو ،كو وەكی كەلو پەلێن بازرگانی كرین و فرۆتن پێ‌ هاتیە كرن و هەتا نۆكە سڤكاتی ب ژنا ئێزدی یا دئێتە كرن و بەردەوامە،گونەها وێ‌ چنكو ئۆلا وێ‌ ئێزدیە ،دەست درێژی ل سەر نامۆسا وان هاتیە كرن ،سەرەرای ئەڤان هەموو نەخۆشیان ب سەرێ‌ كچ و ژنێن ئێزدیان هاتی ل سەر دەستێ‌ توندترین رێكخراوا تیرۆرستی یا داعشێ‌ دڤی سەردەمێ‌ پێشكەفتی دە،لێ‌ جڤاكێ‌ نێڤ دەولەتی و رێكخراوێن پاراستنا مافێن ژنان و حكوومەتا عێراقێ‌ رۆلەكێ‌ پێویست نەبوو بۆ رزگاركرنا وان،وەك كچەكە ئێزدی هیڤیا من ئەوە هەر كەسەكێ‌ خودان وژدان بت و هەست ب مرۆڤاتیێ‌ بكت ب سەر چ ئۆل و ئاین و نەتەوە بت بەرامبەر كێشا كچ و ژنێن ئێزدیان بێ‌ دەنگ نەمینن،چنكو ژنا ئێزدی پتر ژ سال و نیڤایە دزیندانێن داعشێ‌ دا دنالن.

ژبال خۆڤە چالاكڤانا دبوارێ‌ مافێ‌ ژنان دا(گولستان حەسەن)بۆ دەنگێ‌ لالش دبێژت:بەری رێكخراوا تیرۆرستیا داعش شنگالێ‌ داگیربكت چ ژدەستێ‌ ژنا ئێزدی نەهات خۆ رزگار بكت ،لێ‌ ب مخابنی ڤە ژنا ئێزدی بوو قوربانیا بن دەستێ‌ تیرۆرستێن داعشێ‌ و گەلەك ژنێن ئێزدی خۆ دچیایێ‌ شنگالێ‌ وەركرن تاكو شەرەف و كەرامەتا خۆ بپارێزن و نەكەڤنە دەستێ‌ تیرۆرستان دە،ژنا ئێزدی قوربانیا ئێكێ‌ یە یا فەرمانێن هاتینە سەرێ‌ مللەتێ‌ ئێزدی د درێژیا دیرۆكێ‌ دە و ل فەرمانا 74 ژنا ئێزدی هاتیە گرتن و كرین و فرۆتن پێ‌ هاتیەكرن ل بازارێن وەلاتێن ئیسلامی و ئەرەبی و زیندانێن ئەڤان تیرۆرستان دا دئێنە ئیشان و ئازار دان و دەست درێژی ل سەر وان دئێتە كرن و ب زۆری ئاینێ‌ وان د گهۆرن و جلكێن رەش ل بەر وان دكن،ئەڤ كچ و ژنێن ئێزدی لبەر چاڤێ‌ هەموو ئۆل و ئاینێن جیهانێ‌ زوولم لێ‌ هاتە كرن و ئەو ئارمانجا هەرا مەزن یا داعشێ‌ بوون،چنكو ئاینێ‌ وان جێواز بوو،لێ‌ پشتی ئەڤێ‌ فەرمانێ‌ ب دەهان كچ و ژنێن ئێزدی چەك هلگرتن و بوونە پیشمەرگە بۆ رزگاركرنا خوشكێن خۆ یێن گرتی،هەروەسا كا ئێزدی(نادیت موراد) ب رێیێن ئاشتیێ‌ ئازارێن گرتیێن ئێزدی یا دگەهینتە هەموو جبهانێ‌ و كچێن ئێزدی زوولمێ‌ و زۆرداریێ‌ قەبوول ناكن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.