تشرینی یه‌كه‌م 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چەند بریارێن نوو يێن جڤاکی ل باعەدرێ هاتنه‌ دان

چەند بریارێن نوو يێن جڤاکی ل باعەدرێ هاتنه‌ دان
تۆرا لالش يا راگه‌هاندنێ
دوهى رۆژا چارشه‌مبوويێ 5/9/2019ێ لسه‌ر دەستپێشخەریا بنگەهێ لالش تایێ باعەدرێ،کۆمبوونەکا بەرفرەهـ لدۆر رێکخستنا پرسێن جڤاکی هاته‌ ئه‌نجام دان و چه‌ند بريارێن نوو هاتنه‌ ده‌ركرن.

پێخەمەت رێکخستنا پرسێن جڤاکی ل باعەدرێ و لسەر دەستپێشخەریا بنگەهێ لالش تایێ باعەدرێ و ب ئامادەبوونا وەکیلێ میرێ ئێزديان هه‌رمان میرزا بەگ و ریهسپی و رەوشەنبیر و ئۆلدار و موختار و تەخێن جودا جودا،کۆمبوونەکا بەرفرەهـ دگەل هەموو بنەمالێن باعەدرا کەڤن هاتە کرن.

دکۆمبوونێ دا چەندین چاکسازی و بریارێن کو لسەر ڤی دەمی بگونجن یێن گرێدایی تازی و هەلکەفتا و رێنمایێن هۆلێن باعەدرێ دگەل خەلکێ هاتنە گەنگەشەکرن و ڕەزامەندی و بڕیاردان ب دەنگ دانێ هاتە کرن و ب رەزامەندیا ئامادەبوویان برێڤەچوو،لدۆر تەڤایا بریاران و زێدەباری ئاره‌ستەکرنا چەندین پێشنیار و بۆچۆنا ژلایێ ئامادەبوویان ڤه‌ هاتنە گەنگەشەکرن بۆ خۆ گونجاندن ب شێوەیەکی سەردەمیانە،زێدەباری رێکارێن پێگیرنەکرنێ بۆ ڤان بریاران.

دتەوه‌رەکی دیتر دا دەرگەهێ خۆ هەلبژارتنێ بۆ لژنەکا نوو بۆ باعەدرا کەڤن هاتە ڤەکرن و9کەسان رەزامەندی بدەستخۆڤەئینا و هاتنه‌ هه‌لبژارتن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.