ئایار 21, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

چالاكڤانێن ئێزدی داخوازا رزگاركرنا گرتیان دكن

چالاكڤانێن ئێزدی داخوازا رزگاركرنا گرتیان دكن
تۆرا لالش یا راگەهاندنێ‌
دگەل نێزیكبوونا بیرەوەریا پێنجێ‌ یا جینۆسایدا ئێزدیان ل شنگالێ‌ لسەر دەستێ‌ رێكخراوا تیرۆرستیا داعشێ‌،لێ‌ هێش چارەنڤیسێ‌ ب هەزاران گرتیان یێ‌ دیارنینە و چالاكڤانێن ئێزدی داخوازا رزگاركرنا وان ژ دەستێ‌ داعشێ‌ دكن.
چالاكڤان(سامی عەلی )بۆ رۆژناما دەنگێ‌ لالش دیاركر،ئەڤە نێزیكی بیرەوەریا پێنجێ‌ یا جینۆسایدا ئێزدیان دبت ئەوا ل شنگالێ‌ هاتیە ئەنجام دان ژلایێ‌ رێكخراوا تیرۆرستیا داعشێ‌ ڤە،لێ‌ هێش چارەنڤیسێ‌ ب هەزاران گرتیێن ئێزدی یێ‌ دیارنینە،وەكو دئێتە زانین كو ژمارەكا گرتیان ل كەمپا هۆلێ‌ ل وەلاتێ‌ سووریا هەینە،پشتی داعش وەكو هێزا سەربازی ب داوی هاتی لێ‌ هێش خەم و كۆڤان و ئێش و ئازارێن ئێزدیان ب داوی نەهاتینە و هەتا ئێك گرتی مابت ب داوی نائێن،ئەم داخوازێ‌ ژ حكومەتا هەرێما كوردستانێ‌ دكەین بتر هەولێن خۆ بێخنە كار بۆ رزگاركرنا گرتیان و فشارێ‌ بێخنە سەر حكومەتا بەغدا و جڤاكێ‌ نێڤ دەولەتی كو چارەنڤیسێ‌ بێ‌ سەروشوونان ئاشكەرا بكن.
هەروەسا چالاكڤان(فارس فەلاح) بۆ رۆژناما دەنگێ‌ لالش گۆت:دگەل دەربازبوونا زێدەتری چار سالان لسەر كۆمكۆژیا ئێزدیان ل شنگالێ‌ ب مخابنی ڤە هێش چارەنڤیسێ‌ ب هەزاران گرتیێن ئێزدی یێ‌ دیار نینە ،لەوا داخوازێ‌ ژ حكومەتا هەرێما كوردستانێ‌ و عێراقێ‌ و هەموو رێكخراوێن مافێ‌ مرۆڤی دكەین بتر هەولان بدەن بۆ ئاشكەراكرنا چارەنڤیسێ‌ گرتیێن ئێزدی یێن ژلایێ‌ داعشێ‌ ڤە هاتینە گرتن،هەتا كەسوكارێن مە د دەستێ‌ داعشێ‌ داینە ئەم كەیف خوۆش نابن،هەر دیسان دڤێت ژبیرنەكەین دڤان چار سالێن دەربازبووی دا ب پشتەڤانیا نڤیسینگەها رزگاركرنا گرتیان ل پارێزگەها دهۆكێ‌ سەر ب نڤیسینگەها سەرۆكێ‌ حكومەتا هەرێما كوردستانێ‌ نێچیرڤان بارزانی ڤە زێدەتر ژ سێ‌ هەزار گرتیێن ئێزدی هاتینە ئازادكرن و داخوازێ‌ ل نڤیسینگەهێ‌ دكەین هەولێن زێدەتر بدەت بۆ رزگاركرنا یێن ماین.
پشتی نەمانا رێكخراوا تیرۆرستیا داعشێ‌ ل عێراقێ‌ و سووریا،هێش چارەنڤیسێ‌ ب هەزاران گرتیێن ئێزدی یێن ژلایێ‌ داعشێ‌ ڤە هاتینە گرتن یێ‌ دیارنینە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.