كانونی یه‌كه‌م 13, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نووترین ئامارا جینۆسایدا ئێزدیان ل شنگال هاتە راگەهاندن

نووترین ئامارا جینۆسایدا ئێزدیان ل شنگال هاتە راگەهاندن
باسنيوز:

رێڤەبەریا گشتی یا كاروبارێن ئێزدیان نوونەترێن ئامارا جینوسایدا بسەر خەلكێ‌ شنگال هاتی، راگەهاند كو هەتا ئەڤرۆ 8/9/2019 هژمارا رزگاربوویان گەهشتیە 3 ھزار و515 كەسان وهێشتا چارەنڤیسێ 2 ھزار و 902 كەسان دیار نینە.

خەیری بۆزانی، رێڤەبەرێ‌ گشتی یێ‌ كاروبارێن ئێزدیان ل وەزارتا ئەوقاف و كاروبارێن ئاینی حكومەتا هەرێما كوردستانێ‌ نووترین ئامار راگەهاند كو دانەك بۆ (باسنیوز) هاتیە وتێدا دیاركر:” جینوسایدا شنگالێ‌ دا 2 ھزار و 745 كەس بووینە سیۆی و دۆرێن سەد هزار كەسان ژی كۆچبەر بووینە یێن چووینە ژ دەرڤەی وەلاتی. هەتا نۆكە 81 گۆرێن بكۆم یێن هاتینە دیتن دگەل دەهان گۆرێن دی یێن تاكە كەسی و 68 مەزارگەهێن ئێزدیان ژلایێ‌ تیرۆرستێن داعش هاتینە پەقاندن. ل جینوسایدا شنگال 6 ھزار و 417 كەس هاتبوونە رەڤاندن ژوانا ژی 3 ھزار و 548 كچ وژنن بوون و2 ھزار و869 زارۆك و زەلام بووینە”.

خویا ژی كر: “هەتا نۆكە 3 ھزار و 515 كەس ژ دەستێن تیرۆرستێن داعش رزگاربووینە و هەتا نۆكە 2 ھزار و 902 كەسێن رەڤاندی‌ بن دەستێن تیرۆرستێن داعشدا ماینە كو ھزار و 320 ژ رەگەزێ مێ‌ نە و ھزار و 852 ژ رەگەزێ نێرن، هێشتا دیار نەبووینە”.

ئاشكەرا كر كو درۆژێن ئێكێ دا ژ جینوسایدا شنگال ھزار و 293 كەس هاتینە شەهیدكرن. هەتا نۆكە 81 گۆرێن ب كۆم هاتینە دیتن و ژمارا ئێزدیان ل عێراقێ دگەهتە 550 ھەزار كەسان و 360 ھزار ئێزدی ژبەر تیرۆرستێن داعش ئاوارە بوون “.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.