تشرینی یه‌كه‌م 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ل رۆژا جیهانی یا بەرنگاربوونا توندوتیژیا دژی ژنان،هێشتا ژنا ئێزدی لبن زۆرداریا داعشێ‌ دنالت

ل رۆژا جیهانی یا بەرنگاربوونا توندوتیژیا دژی ژنان،هێشتا ژنا ئێزدی لبن زۆرداریا داعشێ‌ دنالت
تۆرا لالش یا راگەهاندنێ‌
نەتەوەیێن ئێكگرتی(25/11)وەك رۆژا جیهانی بەرنگاربوونا توندوتیژیا دژی ژنان دیاركریە،لسەر ئاستێ‌ عێراقێ‌ ژنا ئێزدی بتر زۆری و زۆرداری لێ‌ هاتیەكرن و مافێ‌ خۆ وەرنەگرتیە و چار سال بۆرین هێشتا لبن ئێش وئازار و زۆرداریا داعش دا دنالت.

رۆژنامەڤان(ناڤین سمۆقی)بۆ رۆژناما دەنگێ‌ لالش دیاركر،توندوتیژی دیاردەیەكا خرابە و ب تایبەت دژی ژنا ئێزدی و یا بسەرێ‌ وان هاتی ل جینۆسایدا(3/8/2014)ێ‌ ژ كوشتن و گرتن و زۆری لێكرن دبتە گەفەكا راستەوخۆ لسەر ژیانا ژنێ‌،ئاماژەكر زێدەباری گەهاندنا دۆسا ئێزدیان بۆ تەڤایا جیهانێ‌‌‌ ب رێیا رزگاربوویێن دەستێ‌ داعش وەكو نادیا موراد لێ‌ مخابن هەتا نهۆ دنیا هەموو هەمبەر كەیسا ژنا ئێزدی یا بێ‌ دەنگە و چ پێنگاڤێن گرنگ نەهاڤێتینە ژبۆ رزگاركرنا بتر ژ سێ‌ هەزار ژنێن ئێزدی كو هێشتا دبن زۆری و زۆرداریا داعش دا دنالن،داخوازێ‌ ژ رێكخراوێن تایبەت یێن ژنان دكەین كار بۆ رزگاركرنا ژنێن ئێزدی بكن.

چالاكڤان و رزگاربوویا ژ دەستێ‌ داعش (سەلوا خەلەف) بۆ رۆژناما دەنگێ‌ لالش دبێژت:لسەر ئاستێ‌ عێراقێ‌ ژنا ئێزدی بتر زۆری و زۆرداری لێ‌ هاتیەكرن و مافێ‌ خۆ وەرنەگرتیە و چ دەرفەت بۆ وێ‌ نەهاتینە پێش بۆ خووندنێ‌ و فێربوونێ‌ و كارێ‌ ژ دەرڤەی مالێ‌،دەمێ‌ دەرفەت بۆ وێ‌ پەیدابوویی داكو رۆل ومافێ‌ خۆ ل جڤاكی دا بینت ب مخابنی ڤە داعش هات ومافێ‌ وێ‌ هاتە بنپێكرن و بتر زۆری لێ‌ هاتە كرن،پشتی رزگاربوونا هندەك ژ كچ و ژنان ژ دەستێ‌ داعش چ هاریكاری و پشتەڤانی ژلایێ‌ حكومەتا عێراقێ‌ ڤە بۆ وان نەهاتە كرن وگەلەك ژوان تووشی نەخۆشیێن دەروونی بووینە،لەوما ب نەچاری ڤە هزرا كۆچبەریێ‌ بۆ دەرڤەی وەلاتی دكن.

ژبال خۆڤە بەرپرسا ئێكەتیا ئافرەتێن شنگالێ‌ ب وەكالەت (لەمیا عەبدئەلحمید) بۆ رۆژناما دەنگێ‌ لالش گۆت:ئەڤ جینۆسایدا بسەرێ‌ ژنا ئێزدی دا هاتی جیێ‌ داخێ‌ و دلگرانیێ‌ یە كو چار سال بۆرین و هێشتا لبن ئێش وئازار وزۆرداریا داعش دا دنالت،ژن بوویە قوربانیا سیاسەتا شاشا حكومەتا عێراقێ‌ یا كو لسەر بنیاتێ‌ ئۆلی وئایینی هاتیە پێكئینان لەورا باجا خۆ ژبەر ڤێ‌ چەندێ‌ دایە،ئەم دەنگێ‌ خۆ دگەل دەنگێ‌ ژنا ئێزدی دگەهینە جیێن بەرپرس وپەیوەندیدار وحكومەتێ‌ و رێكخراوێن تایبەت ب ژنان ڤە كو ل بەرامبەر توندوتیژیا دژی ژنا ئێزدی ب سەكنن وكچ و ژنێن ماین ژ دەستێ‌ داعش ب زووترین دەم بێنە رزگاركرن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.