تشرینی دووه‌م 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شاندەكێ‌ رێڤەبەریا كاروبارێن ئایینێ‌ ئیسلامێ‌ ل دهۆك سەرەدانا بنگەهێ‌ لالش كر

شاندەكێ‌ رێڤەبەریا كاروبارێن ئایینێ‌ ئیسلامێ‌ ل دهۆك سەرەدانا بنگەهێ‌ لالش كر

شێخ شامۆ:”هه‌لویستێ مامۆستایێن ئایینی و گۆتاربێژێن پارێزگه‌ها دهۆكێ د هاندان و خزمه‌تكرنا خه‌لكێ لێقه‌ومیایێ شنگالێ دا مێژویی یه‌ و چ جار نایێ ژبیر كرن”

تۆرا لالش یا راگەهاندنێ‌/دهۆك

ئیرۆ 21ی ئوكتۆبەرا 2019ێ‌ شاندەكێ‌ رێڤەبەریا ئەوقاف و كاروبارێن ئایینی لگەل كۆمەكا مەلا و گۆتاربێژان ل دهۆكێ‌ ب سه‌رپه‌رشتیا مه‌لا رێبه‌ر سەرەدانا دەستەیا بلندا بنگەهێ‌ لالش یێ‌ رەوشەنبیری و كۆمەلایەتی كرن.

شاندێ‌ رێڤەبەریا ئەوقاف و كاروبارێن ئایینی ژبال بەرێز”شێخ شامۆ” سەرۆكێ‌ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ڤە هاتە پێشوازیكرن ب ئاماده‌بونا ئه‌ندامێن ده‌سته‌یا بلند و رێڤه‌به‌رێ ئه‌وقافا ئێزدیا ل دهۆك.

دهەڤدیتنێ‌ دا شاندی پیرۆزباهی ل بەرێز شێخ شامۆ كر ب هەلكەفتا وەرگرتنا پۆستێ‌ راوێژكارێ‌ سەرۆكێ‌ حكومەتا هەرێمێ‌ بۆ كاروبارێن ئێزدیان،ل پێرا هەردوو لایان بەحس ل خورتكرنا گیانێ‌ لێبۆرین و پێكڤەژیانێ‌ كر.

ژئالیێ‌ خۆ ڤە سەرۆكێ‌ بنگەهێ‌ لالش سوپاسیا رۆلێ‌ مەلا و گۆتاربێژان كر ل دەمێ‌ دەربەدەر و ئاوارەبوونا ئێزدیێن شنگالێ‌ دەرگەهێ‌ مزگەفت و مالێن خۆ بۆ خەلكێ‌ لێقەومیایی ڤەكرن بۆ خزمەتكرنا ڤی خەلكی.

هەروەسا شێخی بەحس ل خورتكرنا گیانێ‌ لێبۆرین و پێكڤەژیانێ‌ كر و ئەڤ سەرەدان ب گرنگ ل قەلەم دا.

  

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.