ئه‌یلول 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سێ‌ رێكخراو دێ‌ شنگالێ‌ ژ مینا پاقژ كن

سێ‌ رێكخراو دێ‌ شنگالێ‌ ژ مینا پاقژ كن
باسنيوز:
ئەندامەكێ‌ جڤاتا پارێزگەها نەینەوا راگەهاند، پشتی چەند سالەكا ژ رزگاركرنا شنگالێ‌ و نە پاقژكرنا وێ‌ ژ مین تەقەمەنیان ژ لایێ‌ حكومەتا عیراقێ‌ ڤە، سێ‌ رێكخراوێن بیانی دێ‌ ڤی ئەركی ب ستوویێ‌ خوەڤە گرن.

بەرەكات شەمۆ، ئەندامێ‌ جڤاتا پارێزگەها نەینەوا بۆ (باسنیوز) دیار كر، سێ‌ رێكخراوێن بیانی ب ناڤێ‌ (Mag, GS4, UM mas) ل قەزا شنگال دەست ب پرۆژەیێ‌ راكرنا مین و تەقەمەنیێن ژ ئالیێ‌ رێكخراوا تیرۆری یا داعش ڤە هاتینە دانان كریە و هەر مین و تەقەمەنیەكا ل هەر جهەكی یان د خانیەكی ڤە هاتبیتە دانان، ژلایێ‌ تیمێن ڤان هەرسێ‌ رێكخراوان ڤە دێ‌ هێنە راكرن.

ئاشكرا ژی كر كو پشتی رزگاركرنا شنگال و هەتا نها چەندین مین و تەقەمەنی ب هاوولاتیان ڤە تەقینە و هژمارەكا هاوولاتیێن شنگال ژی بووینە قوربانی وان مین و تەقەمەنیان و پێدڤی بوو ل گەل رزگاركرنا شنگال حكومەتا عیراقێ‌ دەست ب راكرنا مین و تەقەمەنیان كربایە و ئەڤ ئەركە جێبەجێكربایە، بەلێ‌ ڤان سێ‌ رێكخراوان ئەڤ ئەركە ب ستوویێ‌ خوەڤە گرتیە و نها دەست ب راكرنا مین و تەقەمەنیان كریە.

شەمۆ ئاماژە ب هندێ‌ ژی دا كو هەت نها هێشتا شنگال دەڤەرەكا وێرانكری و خرابەیە و زۆرترین هێزێن لەشكەری تێدا دژین و گەلەك ململانێ‌ ل سەر دەڤەرێ‌ هەیە و ئێمناهی تێدا نینە و ل سەر ڤی دەستوداری گەلەك ب زەحمەتە خەلكێ‌ شنگال بكارن ب ڤەگەرنە سەر مال و مۆلكێن خوە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.