ته‌مموز 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رزگاربوویەكی ئێزدی:ل باغۆزێ‌ داعشێ‌ ب شێوەیەكی درندانە ئازار دداین

رزگاربوویەكی ئێزدی:ل باغۆزێ‌ داعشێ‌ ب شێوەیەكی درندانە ئازار دداین
تۆرا لالش یا راگەهاندنێ‌
زارۆیەكی رزگاربوویێ‌ ئێزدی ل باغۆزا سووری ئاشكەراكر كو تیرۆرستێن داعشێ‌ ب شێوەیەكی درندانە رەفتار دگەل مە دا دكر و ئازار دداین،ناچار دكرین قورئانێ‌ بخوونین و مەشقداین لسەر بكارئینانا چەكی.
(دلدر عەلی رەڤۆ) زارۆیەكی رزگاربوویێ‌ ئێزدی خەلكێ‌ گوندێ‌ كۆچۆ بۆ رۆژناما دەنگێ‌ لالش ئاشكەراكر،ل رۆژا(3/8/2014)ێ‌ دەما تیرۆرستێن داعشێ‌ هێرشی قەزا شنگال كری و گوندێ‌ كۆچۆ دوورپێچكری ل(15/8/2014)ێ‌ داعش زەلام و ژن ل قوتابخانا گوندی كۆمكرن و ژن و زلام جوداكرن و زەلام كوشتن،ئەز دگەل دەیك و خوشك و برایێن خۆ برینە سۆلاخێ‌ پاشی برینە قەزا تللەعفەر و هەشت هەیڤان ل وێدەرێ‌ هێلاین،پاش دەیك و خوشكێن من ب زۆری برن و جوداكرین و ئەز دگەل دوو برایێن خۆ برمە سووریا ل دەڤەرا بوكەمال ل وێدەرێ‌ ناچاركرین قورئانێ‌ بخوونین و ژبەر بكەین و مەشقداین لسەر بكارئینانا چەكی،پشتی بۆ چەند دەڤەرێن دی ل سووریا ڤەگوهاستین داوی جار ڤەگوهاستینە باغوزێ‌ و خوارن نەبوو ب شێوەیەكی درندانە رەفتار دگەل مە دكر و هەكە مە تونێل نە كۆلابان ئازار دداین.
وی رزگاربوویی خویاكر،ل باغۆزێ‌ رۆژێ‌ جارەكێ‌ خوارن دخوار و ماوێ‌ یازدە هەیڤان دڤێ‌ رەوشێ‌َ دا بووین،پاشی ل ئۆپەراسیۆنا رزگاركرنا باژێری ل هەیڤا ئادارا(2019)ێ‌ دگەل سڤیلان دەركەفتین و هاتمە رزگاركرن،هیڤیدارم دەیك و باب و خوشك و برایێن من بێنە رزگاركرن.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.