تشرینی یه‌كه‌م 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەستەیا بلندا بنگەهێ‌ لالش هەتا نۆكە 33 پەرتۆك ل دۆر ئێزدیاتیێ‌ چاپكرینە

دەستەیا بلندا بنگەهێ‌ لالش هەتا نۆكە 33 پەرتۆك ل دۆر ئێزدیاتیێ‌ چاپكرینە
تۆرا لالش یا راگەهاندنێ‌
دەستەیا بلندا بنگەهێ‌ لالش ل دهۆكێ‌ هەر ژ دامەزراندنا خۆ دەست ب وەشانا پەرتۆكا كریە و هەتا نۆكە 33 پەرتۆك ل دۆر ئێزدیاتیێ‌ و مێژوویا و كەلتۆرێ‌ كوردی چاپكرینە،هەروەسا سەرەرای قەیرانا دارایی كار ل سەر چەند پەرتۆكێن دی یێ‌ دئێتەكرن.

بەرپرسێ‌ لژنا رەوشەنبیری ل دەستەیا بلندا بنگەهێ‌ لالش ل دهۆكێ‌(شمو قاسم)بۆ رۆژناما دەنگێ‌ لالش خویاكر،بنگەهێ‌ لالش هە ر ژ دامەزراندنا خۆ هزر د هندەك ئارمانجان دا كر دخزمەتا ئێزدیاتیێ‌ و جڤاكا ئێزدیان دا بت ئێك ژوان ئارمانجا ناساندنا ئێزدیاتیێ‌ بۆ خەلكێ‌ و پێشوازیا هەر ڤەكۆلەرەكی یان كەسانەكی ل دۆر ئێزدیاتیێ‌ ڤەكۆلینەكێ‌ چێكت یان پێزانینا كۆم بكت ئەم هاریكاریا وان بكن،دیسان پرۆگرامێ‌ مە ئەو بوو چەندین پەرتۆكا چاپ بكن ل دۆر ئێزدیاتیێ‌ و مێژوویا و كەلتۆرێ‌ كوردی و هەتا نۆكە مە 33 پەرتۆك چاپكرینە و ئەڤ پەرتۆك د سێ‌ خانادا دانن ئێك پێناسین ل دۆر بیروباوەرێت ئێزدیاتیێ‌ و یا دووێ‌ ناساندنا ئێزدیاتیێ‌ بۆ خەلكێ‌ ژبەركو گەلەك نڤیسەران ب شاشی ل سەر ئێزدیان نڤیسیە و مە ئەو شاشی راستڤە كرینە و یا سێ‌ ژی كەلتۆرێ‌ كوردی ئانكو رەسەناتیا ئێزدیان وەك كورد،هەروەسا ئەو كەلتۆرێ‌ رەسەن یێ‌ كوردێن ئێزدی پاراستین دچەندین پەرتۆكان دا هاتینە كۆمكرن و ب هەردوو زمانێن كوردی و ئەرەبی هاتینە وەشاندن و هەتا نۆكە مەزنترین بەرهەمێ‌ مەكاری چاپ بكەین دوو بەرهەم بووینە ئێك پشتی داعش دەست ب سەر شنگالێ‌ دا گرتی و فەرمان ئانی ب سەر خەلكێ‌ مە ئەو پەرتۆك ب ناڤێ‌ كارەساتا شنگالێ‌ تێدا 21 راپۆرت ل دۆر كارەساتێ‌ ژلایێ‌ كەسانێن پسپۆر دهەر بابەتەكی دا و بەرهەمێ‌ دووێ‌ ژی كۆمكرنا قەول و بەیت و قەسیدە،وەك بنگەهێ‌ لالش كاریە هندی قەول و بەیت وقەسیدا یێن ئێزدیاتیێ‌ كۆم بكن وپتر ژ( 1500) لاپەرابوویە و دوو بەرگ بوونە وهەركەسەكێ‌ ڤیا ل تێكستێن ئێزدیاتیێ‌ بگەرت دكارت ل ڤێ‌ پەرتۆكێ‌ بتنێ‌ ببینت،ئاشكەراكرژی كو نۆكە ژی ئەم وێ‌ كار ل سەر چەندین پەرتۆكا دكن سەرەرای قەیرانا دارایی.

گۆتژی زێدەباری چاپكرنا پەرتۆكان،بنگەهێ‌ لالش چەندین فلم و ستران و هۆزانێن ب ئاینێن ئێزدیاتیێ‌ ڤە گرێدایی ب ستۆیێ‌ خۆ ڤە گرتیە و ئەم دێ‌ ل سەر وەشانێن خۆ بەردەوام بین.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.