دوو شێوەكارێن ئێزدی پێشانگەهەك ل ئەلمانیا ڤەكرن
تۆرا لالش یا راگەهاندنێ/بەختیار قادر
ل ژێر ناڤ و نیشانێن”چما بریارا شاش”پێشانگەهەكا هەڤبەش یا شێوەكاران”بریتا ئرینس” و شێوەكارێن ئێزدی”قاسم ئەلشەرقی” و “موسافر قاسم”،ئیرۆ 28حوزەیرانێ 2016،ل باژێرێ هیلديسهايم یێ ئەلمانی هاتە ڤەكرن.
شێوەكارێ ئێزدی”قاسم ئەلشەرقی”بۆ(تۆرا لالش یا راگەهاندنێ)گۆت:”ب ئامادەبوونا فەرمانبەرێن ناوچەیێ و كۆمەكا مەزن ژ رەڤەندا ئێزدیان ل باژێری ئەڤ پێشانگەه هاتە ڤەكرن،هەر شێوەكارەكی تابلۆیێن وی ژ یێن دی جێواز بوون،هەر ئێكێ ل دووڤ هێزا خۆ یا هۆنەری و ب رەنگێن جودا وێنەكربوو،ژبۆ دۆزەكە ب تنێ و ژبۆ ئارامی و ئێمناهیێ بۆ هەموو جیهانێ”.
شەرقی ئەو ژی ئاشكەراكر:”ئەڤ پێشانگەهە هەتا دەستپێكا هەیڤا هەشت دێ یا بەردەوام و ڤەكری بت ل سەنتەرێ باژێری،دیسان راگەهاندنا ئەلمانی رۆلەكێ گرنگ هەبوو بۆ رۆمالكرنا پێشانگەهێ”.
ناڤهاتی ئاماژە ب وێ چەندێ كر كو “موراد ئسماعیل”سەرۆكێ جڤاتا كارگێریا رێكخراوا یەزدا بۆ پێشانگەهێ ژئالیێ شێوەكاران ڤە هاتبوو داخوازكرن،كو ئارمانجا جادا ئێزدیان ژ پێشانگەهان رۆنكر،بۆ ڤێ پێشانگەهێ ژی گرنگیا جینۆسایدێ بۆ گەلێ ئێزدی رۆنكر.
