ئایار 21, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خەلكێ‌ شنگالێ‌ دخوازن پێشمەرگە و سوپایێ‌ عێراقێ‌ پاراستنا دەڤەرێن وان بكن

خەلكێ‌ شنگالێ‌ دخوازن پێشمەرگە و سوپایێ‌ عێراقێ‌ پاراستنا دەڤەرێن وان بكن
تۆرا لالش یا راگەهاندنێ‌
پشتی جینۆسایدا ئێزدیان رەوشا شنگال هێش ئالۆز مایە و بوویە گۆرەپانەكا سیاسی دناڤ دەستێن پەكەكێ‌ و حەشدا شەعبی و سوپایێ‌ عێراقێ‌ دا،لەوا خەلكێ‌ شنگالێ‌ داخوازێ‌ ل حكومەتا هەرێما كوردستانێ‌ و حكومەتا عێراقێ‌ دكن پێنگاڤێن بلەز پاڤێژن و هەماهەنگیێ‌ بكن بۆ پاراستنا دەڤەرێ‌.
بەرپرسێ‌ بنگەهێ‌ لالش تایێ‌ سنوونێ‌(سلێمان فانۆ) بۆ رۆژناما دەنگێ‌ لالش دیاركر،پاشەرۆژا شنگال نهۆ یا وندایە لێ‌ ل داهاتی دێ‌ رەوش ل دەڤەرێ‌ بەرەف باشبوونێ‌ ڤە چت،ئەم دگەشبینن شنگال دێ‌ ڤەگەرتە سەر باوەشا هەرێما كوردستانێ‌ و پیلانێن دوژمنان لسەر شنگال هەبن سەرناگرن،رەوشا نهۆ ل شنگال گەلەك یا ئالۆزە و نەبوونا ئێمناهی و خزمەتگۆزاریان و هەبوونا هێزێن دەرەكی و گرۆپێن سەر ب حەشدا شەعبی ڤە ئەڤ هەموو ئەگەرن كو خەلكێ‌ شنگال نەزڤرنە سەر جیێ‌ باب و كالێن خۆ،مە هیڤی هەیە رێككەفتنەك دناڤبەرا حكومەتا هەرێما كوردستانێ‌ و حكومەتا عێراقێ‌ دروست ببت و چارەیەك بۆ شنگال بێتە دیتن،داكو خەلك ژ هیڤیێن خۆ بێ‌ ئۆمێد نەبت.
ژلایەكی دی ڤە(ماهر ئلیاس) رۆژنامەڤانەكی شنگالێ‌ یە بۆ رۆژناما دەنگێ‌ لالش گۆت:شنگال بوویە گۆرەپانەكا سیاسی دناڤ دەستێن پەكەكێ‌ و حەشدا شەعبی و سوپایێ‌ عێراقێ‌ دا،ئالۆزیا كو ئەڤە ماوێ‌ بتر ژ چار سالایە ل شنگال بوویە ئەگەرێ‌ كۆچبەركرنا ب هەزاران ژ خەلكێ‌ شنگالێ‌ بەرەف وەلاتێن ئەورۆپی ڤە و هەتا نهۆ ژی پێلا كۆچبەریێ‌ دناڤ خەلكێ‌ شنگال دا یا بەردەوامە ژبەر رەوش یا خرابە،دخوازین حكومەتا هەرێما كوردستانێ‌ و حكومەتا عێراقێ‌ پێنگاڤێن بلەز پاڤێژن و هەماهەنگیێ‌ بكن و هێزێن پێشمەرگەی و سوپایێ‌ عێراقێ‌ پێكڤە پاراستنا شنگالێ‌ بكن وەكی بەری سالا (2014)ێ‌ و ئارامی پەیدا ببت،داكو هێدی هێدی خەلك ژی ژ ژیانا پەریشان یا ئاوارەبوونێ‌ قورتال ببن.
هەروەسا(كامیران مەروان)وەلاتیەكی شنگالێ‌ یە بۆ رۆژناما دەنگێ‌ لالش دبێژت:شنگال دەڤەرەكا كوردستانی یە و ئەگەر هێزێن پێشمەرگەی ڤەنەگەرنە شنگال ئاوارە ژی ڤەناگەرن،چنكو مە باوەری ب سوپایێ‌ عێراقێ‌ و حەشدا شەعبی نینە بتنێ‌ پێشمەرگە دێ‌ كارت دەڤەرێ‌ بپارێزن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.