ته‌مموز 19, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ب وێنە..بەرێز “شێخ شامۆ”سەرەدانا بنگەهێ‌ لالش ل ئەلمانیا دكت

ب وێنە..بەرێز “شێخ شامۆ”سەرەدانا بنگەهێ‌ لالش ل ئەلمانیا دكت
تۆرا لالش یا راگەهاندنێ‌
بەرێز “شێخ شامۆ”ئەندامێ‌ پەرلەمانێ‌ كوردستانێ‌ و سەرۆكێ‌ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ل دهۆكێ‌ و ئەندامێ‌ لژنا بلندا ریفراندۆمێ‌ ل كوردستانێ‌،سەرەدانا ئاڤاهیێ‌ بنگەهێ‌ لالش ل ئەلمانیا ل باژێرێ‌ بیلیفیلد كر.
دوهی رۆژا چارشەمبوویێ‌ 12تەمووزا 2017ێ‌، بەرێز “شێخ شامۆ” سەرەدانا ئاڤاهیێ‌ بنگەهێ‌ لالش ل ئەلمانیا ل باژێرێ‌ بیلیفیلد كر و ب گەرمی ژبال ئەندامێن دەستەكا كارگێری یا بنگەهی و كۆمەكا كەسایەتیێن جڤاكی و سیاسی و هندەك دۆستێن نێزیك ڤە هاتە پێشوازیكرن.
پشتی بخێر هاتنێ‌ ژبال بەرێز” خەلات شێخ موراد”سەرۆكێ‌ بنگەهێ‌ لالش ل ئەلمانیا كو سوپاسیا رێزدار”شێخ شامۆ”كر بۆ پشتەڤانیا وی یا بێ‌ سنوور بۆ بنگەهی و ئەوا پێ‌ رابوویی و پێ‌ رادبت بۆ خزمەتكرنا جڤاكێ‌ كوردستانێ‌ و یێ‌ ئێزدی ب شێوەیەكێ‌ تایبەت.
پشتی پێشوازی و بخێرهاتنێ‌،بەرێز”شێخ شامۆ”پەیڤەكا گرنگ ل سەر رەوشا نۆكە یا كوردستانێ‌ و دەڤەرێ‌ پێشكێشكر و شرۆڤەكرنەك دا پرسا ریفراندۆمێ‌ و مافێ‌ چارەنڤیسێ‌ گەلێ‌ كوردستانێ‌ ژوانا پێكهاتێن ئایینی و ب تایبەت پێكهاتێ‌ ئێزدی.
ژ لایەكێ‌ دیڤە بەرێز”شێخ شامۆ” ل سەر دیتنا سەركردایەتیا كوردستانێ‌ ب سەرۆكاتیا سەرۆك بارزانی هەمبەر كێمینەیێن ئایینی و گرەنتیا مافێ‌ وان د دەولەتا كوردستانێ‌ یا داهاتی دا ئاخڤی.
ل داویێ‌ گەنگەشە دناڤبەرا جەنابێ‌ شێخی و ئامادەبوویان دا هاتە كرن ل دۆر پرسا ریفراندۆمێ‌ و مافێ‌ ئێزدیان ل كوردستانا پاشەرۆژێ‌ دا.
بۆ زانین بەرێز “شێخ شامۆ” ژ وی شاندی بوو یێ‌ دگەل سەرۆك”مەسعود بارزانی” دڤێ‌ هەفتیێ‌ دا سەرەدانا بروكسل كری.

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.