حوزه‌یران 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بەرپرسا رێكخراوا داك:دەم هاتیە ژنا ئێزدی داخوازا مافێن خۆ بكت

بەرپرسا رێكخراوا داك:دەم هاتیە ژنا ئێزدی داخوازا مافێن خۆ بكت
تۆرا لالش یا راگەهاندنێ‌
ل سەرانسەری هەرێما كوردستانێ‌ هەوا(16) رۆژی بۆ نەهیلانا توندوتیژیێ‌ دژی ژنان ب ئەنجام دانا چەندین چالاكیان دەستپێكریە،ژلایەكی دی ڤە بەرپرسا رێكخراوا داك بۆ گەشەپێدانا ژنا ئێزدی رادگەهینت كو ژن ستونا هەر مالەكێ‌ یە و ب شێوەیەكی گشتی توندوتیژی دناڤ جڤاكی دا كێمبوویە و ژنێ‌ ژی وەك زەلامی ماف هەیە د ژیانەكا ئارام دا بژیت،ئیرۆ دەم هاتیە ژنێن ئێزدی ب هەموو شیانێت خۆڤە داخوازا مافێن خۆ بكن و بدەستخۆڤە بینت.

بەرپرسا رێكخراوا داك بۆ گەشەپێدانا ژنا ئێزدی(سوزان سەفەر) بۆ رۆژناما دەنگێ‌ لالش ئاشكەراكر، ب شێوەیەكی گشتی توندوتیژی دناڤ جڤاكی دا یا هەی هەرچەندە نهۆ كێمبوویە بەلێ‌ دناڤ خێزانان دا هەیە ژ ئەگەرێ‌ دەربەدەری و ئاوارەبوونا خەلكێ‌ مە دناڤ كەمپان دا و بارودۆخێ‌ ژیانا وان ب زەحمەت كەفتیە،ئەنجام ژی هەژاری و بێكاری ل جەم زەلامی دێ‌ خۆ ل ژنێ‌ تۆرەكت دەمێ‌ ئاریشەك دناڤبەرا وان دا چێدبت كارتێكرنەكا مەزن ل زارۆكێن وان دكت،ل سەرانسەری هەرێما كوردستانێ‌ (16) رۆژ بۆ نەهیلانا توندوتیژیێ‌ دژی ژنێ‌ هەنە و چالاكی بەردەوام دئێنەكرن،بەلێ‌ داخواز دكەم نەبتنێ‌ ئەو رۆژە بن بەلكو بتر هەموو دەم و گاڤا خەلك بێتە هشیاركرن داكو ئەو توندوتیژی نەمینت ژبۆ جڤاكەكی ساخلەم و ئاشتی بت ب تایبەت بۆ زارۆكی مافێ‌ وی یە خێزان ب ئارامی پەروەردە بكت.

سوزانێ‌ دیاركر ژی هەتا رادەیەكی باش ژنا ئێزدی یا هاتیە هشیاركرن لسەر ئەرك و مافێ‌ خۆ ب تایبەتی پشتی ئەو زۆری و زۆرداریا بسەر وان دا هاتی ئێدی جڤاك وێ‌ گەهشتیە وێ‌ چەندێ‌ و باوەریێ‌ ژن ب هەموو شیانێت خۆڤە بێتە ئازادكرن و توندوتیژی دژی وێ‌ نەمینت،چنكو زۆری گەلەك لێ‌ هاتیە كرن ب تایبەتی د فەرمانێ‌ دا،ئیرۆ دبینم دەمە ژنێن ئێزدی ب هەموو شیانێت خۆڤە داخوازا مافێن خۆ بكن و بدەستخۆڤە بینت و ئەو بخۆپشتەڤانێن خۆ بن،ژلایەكی دی ڤە لڤینەكا جوان یا دناڤ ژنێن ئێزدی دا پەیدابووی گەلەك ژێ‌ یێن بوینە چالاكڤان و رۆژنامەڤان و ئەكتەر و وەرزشڤان و هندەك دگەل رێكخراوان و چەند بیاڤێن دی دا كار دكن.

دەربارەی نەهێلانا توندوتیژیێ‌ دژی ژنان گۆت:چارەسەری ئەوە توندوتیژی كێم بت و سیستەمەكی پەروەردەیی ل قوتابخانێ‌ بێتە دانان كو جوداهیێ‌ نە ئێخنە دناڤبەرا رەگەزێ‌ نێر و مێ‌ داكو یەكسانی تێدا هەبت،هەروەسا هندەك ئاریشێن توندوتیژیێ‌ ب رێیا عەشایری دئێنە چارەسەركرن و چارەبووینە بەلێ‌ ب رێیا یاسایێ‌ باشترە چنكو یاسا مافێ‌ وان وەردگرت و یاسا ل كوردستانێ‌ دئێتە بجهئینان،ل دهۆكێ‌ رێڤەبەریا توندوتیژیێ‌ دژی ژنێ‌ هەیە گەلەك حالەت و سكالا ل وێ‌ رێڤەبەریێ‌ دئێنە تۆماركرن و هەر گەفەكا ل ژنێ‌ بێتەكرن چ ب رێیا مۆبایلێ‌ یان تۆرێن جڤاكی بت ژنێ‌ مافێ‌ هەی سكالایێ‌ تۆمار بكت.

لسەر پشتەڤانیا رێكخراوا داك بۆ ژنان(سوزان سەفەر)دووپاتكر،وەكو رێكخراو ئەركە لسەر ملێن مە ب شێوەیەكی گشتی پشتەڤانیا ژنێ‌ بكەین و هشیاربكەین،دماوێ‌ كارێ‌ خۆدا تەكەزێ‌ ل هندێ‌ بكەین كو ژن تێبگەهت وێ‌ ژی ماف وەكی زەلامی هەیە دەربكەڤت و كاربكت و د ژیانەكا ئارام یا بێ‌ شەر و توندوتیژی بژیت چنكو ژن ستونا هەر مالەكێ‌ یە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.