ئه‌یلول 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ لالش سالڤەگەرا جانگۆرى “مەحموود ئێزدی” ل بیردئینت

بنگەهێ لالش سالڤەگەرا جانگۆرى “مەحموود ئێزدی” ل بیردئینت

تۆرا لالش يا راگه‌هاندنێ
درۆژەکا وەکا ئیرۆ دا بەری چل سالان جانگۆرى”مەحموود ئێزدی” ب دەستێن نەحەزێن شۆڕەش و ئازادیێ هاته‌ شەهیدکرن،وەك رێزگرتن ل کەد و خەباتا خودێ ژێ رازی،بنگەهێ لالش تایێ باعەدرێ سمینارەك لدۆر (ژیان و رۆلێ شەهیدێ نەمر مەحموود ئێزدی) گێرا.

ئيرۆ 18ى ته‌باخا 2019ێ بنگەهێ لالش تایێ باعەدرێ رابوو ب بەرهەڤکرنا سمینارەکێ بۆ “حه‌سه‌ن مه‌جید” کارگێرێ لقا بیست یا پارتی دیموکراتی کوردستان لدۆر (ژیان و رۆلێ شەهیدێ نەمر مەحموود ئێزدی)،ب ئامادەبوونا بەرپرسێ لژنا ناوچا باعەدرێ یا پارتی و کادرێن بسەر لژنێ ڤە و بەرپرسێ لژنا ناوچا شێخان و “هرمان میرزا بەگ” وەکیلێ میرێ ئێزدیان و نڤیسەر و پەرلەمانتارێ به‌رێ “پیر خدر سلێمان” و کادرێ پێشکەفتی “شێخ زێدۆ باعەدری” و کەسوکارێن بنەمالا خودێ ژێ ڕازی و بەرپرسێ نڤیسینگەها لالش ئێسیا و هەڤالێن دگەل دا و ریهسپی و ئۆلدار و رەوشەنبیر و گەنج و مامۆستا و بەرپرس و نوونەرێن دام و دەزگەهێن حزبی ومیری ل ده‌ڤه‌رێ.

دسمینارێ دا سمیناربێژی تیشک ئێخستە سەر ژیان و ئاستەنگێن ژیانا خودێ ژێ ڕازی، زێدەباری رۆلێ وی یێ مەزن د بهێزکرن و بەردەوامی دانا شۆرەشا گولانێ،هەروەسا رۆناهی ئێخستە سەر کارێ وی ل چیایێن کوردستانێ دژی رژێما عێراقێ، سەرەرای کارێ وی دبیاڤێن رێکخستن و جڤاکی و خزمەتا خەلکێ دەڤەرێ دبیاڤێن جودا جودا دا.

ژلايه‌كى دى ڤه‌ سمیناربێژی ئاماژە دا چەندین خالێن دیتر یێن گرنگ ژ تێکۆشین و خەبات و شەرێن بەشداربووی یێن خودێ ژێ رازی.

ل داویێ ژی دانوستاندنەکا گەرم لدۆر بابەتی هاتە کرن دناڤبەرا سمیناربێژی و ئامادەبوویان دا لدۆر چەندین خالێن بالکێش ژ سمینارێ.

  

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.