تشرینی یه‌كه‌م 18, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ‌ لالش پێكڤەژیان دناڤبەرا جڤاكێ‌ ئێزدی و پێكهاتێن كوردستانێ‌ دا خورتكریە

بنگەهێ‌ لالش پێكڤەژیان دناڤبەرا جڤاكێ‌ ئێزدی و پێكهاتێن كوردستانێ‌ دا خورتكریە
تۆرا لالش یا راگەهاندنێ‌/رائد غانم
بنگەهێ‌ لالش یێ‌ رەوشەنبیری وكۆمەلایەتی وەك دەزگەهەكی گرێدایی ب ئێزدیان ڤە ل سالا(1993)ێ‌ لسەر دەستێ‌ كۆمەكا رەوشەنبیران ل پارێزگەها دهۆكێ‌ هاتیە دامەزراندن،ژ دەستپێكا دامەزراندنێ‌ و هەتا نهۆ هەولێن پێشڤەبرن و خورتكرنا پێكڤەژیانێ‌ دناڤبەرا جڤاكێ‌ ئێزدی و پێكهاتێن دی ل هەرێما كوردستانێ‌ دایە و پشتەڤانی و هاریكاریا چەندین تەخێن جڤاكی كریە و رۆلەكی كارا و مەزن گێرایە.
لدۆر سالڤەگەرا دامەزراندنا بنگەهێ‌ لالش(عومەر قاسم) ئاوارەكی شنگالێ‌ یە دیاركر،ژ دەستپێكا ئاوارەبوونا خەلكێ‌ شنگالێ‌ ل(3/8/2014)ێ‌ و هەتا نهۆ بنگەهێ‌ لالش خەلكێ‌ شنگالێ‌ بتنێ‌ نەهێلایە و هەردەم لدوڤ خواست و داخوازێن وان هاتیە و بەردەوام هاریكاریان پێشكێشی ئاوارەیێن ئێزدی ل كەمپێن سنوورێ‌ پارێزگەها دهۆكێ‌،هەروەسا هەیڤانە هاریكاریان پێشكێش خێزانێن هەژار و كەسێن كێم ئەندام و رزگاربوویێن دەستێ‌ داعش دكت.
سەبارەت خزمەتا بنگەهی بۆ تەخا قوتابیان (رەغەد غانم)قوتابیەكی ئێزدی یە ل زانكۆیا زاخۆ دبێژت:بنگەهێ‌ لالش ب هەموو تایێن خۆ ڤە لسەر هاریكاریكرنا قوتابیان بەردەوامە و هەیڤانە هاریكاریێن دارایی پێشكێشی قوتابیان دكت،بڤان جۆرە هاریكاریان ئیرۆ ب سەدان قوتابی درێژیێ‌ ب خووندنا خۆ ددەن،هەروەسا بنگەهی ب هەزاران قوتابیێن ئێزدی ل كولیژ و پەیمانگەهێن عێراقێ‌ و ب تایبەت یێن مووسلێ‌ بۆ كولیژ و پەیمانگەهێن هەرێما كوردستانێ‌ ڤەگوهاستینە.

هەروەسا رۆژنامەڤان(فەیسەل عەلی)دیاركر،بنگەهێ‌ لالش رۆلەكی مەزن هەبوویە دناڤ جڤاكێ‌ ئێزدی دا،پشتی هێرشا داعشێ‌ بۆ سەر شنگال و ئاوارەبوونا ب هەزاران ژ ئێزدیان بۆ دەڤەرێن ئارامێن هەرێما كوردستانێ‌ قەت بنگەهی خۆ ژ خەلكێ‌ خۆ دوورنەخست و ئێكسەر ل ناڤ كەمپان هاریكاری و خزمەتەكا مەزن پێشكێشی ئاواران كر،ژلایەكی دی ڤە پشتی جینۆسایدا ئێزدیێن شنگالێ‌ لسەر دەستێ‌ داعشێ‌ كاری پەیاما راست و دروست یا خەلكێ‌ شنگالێ‌ بگەهینتە جیێن پەیوەندیدار چ لسەر ئاستێ‌ هەرێما كوردستانێ‌ و عێراقێ‌ و نێڤ دەولەتی.
دەربارەی پشتەڤانیا بنگەهێ‌ لالش بۆ نڤیسەر و رەوشەنبیرێن ئێزدیان نڤیسەر(ئیدریس زۆزانی)گۆت:بنگەهێ‌ لالش رۆلەكی مەزن د پێشڤەبرنا نڤیسینا پەرتۆكێ‌ و رەوشەنبیریا گشتی یا كوردێن ئێزدی هەیە و هەموو گاڤا لدوڤ خواست و داخوازیێن نڤیسەرا بوویە،ب تایبەت پشتی جینۆسایدا شنگالێ‌ گەلەك نڤیسەرا چ یێن ئێزدی و نە ئێزدی گەلەك پەرتۆك لدۆر جینۆسایدێ‌ نڤیسین،لێ‌ بنگەهێ‌ لالش رۆلەكی مەزن هەبوو دنڤیسینا پەرتۆكێ‌ و هاریكاریكرنا نڤیسەرێن ئێزدی دا و خواستیە ب رێیا نڤیسینا پەرتۆكا پەیاما كوردێن ئێزدی بگەهینتە جیهانێ‌ و هەتا نهۆ ژی لسەر ڤێ‌ خزمەتێ‌ یێ‌ بەردەوامە،ئەم دخوازن هێشتا بتر پشتەڤان بن و پلانێن مەزنتر هەبن ژبۆ پێشخستنا نڤیسینا پەرتۆكێ‌.
سەبارەت خورتكرنا پێكڤەژیانێ‌ قەول بێژ (خەواجا خەتاری)خویاكر،بنگەهێ‌ لالش رۆلەكی كارا هەیە د خورتكرنا پێكڤەژیانێ‌ دناڤبەرا جڤاكێ‌ ئێزدی و موسلمان و مەسیحی و هەموو پێكهاتێن دی ل هەرێما كوردستانێ‌،چەندین جاران بنگەهێ‌ لالش سمینار و ۆركشۆپ دەربارەی خورتكرنا پێكڤەژیانێ‌ ل دارخستینە و ئەڤ پێنگاڤێن بنگەهی د تەمەنێ‌ خۆ دا هاڤێتین جیێ‌ سەربلندی و شانازیێ‌ نە بۆ مە هەموویان،دیسان هەولێن بنگەهێ‌ لالش بۆ پێشڤەبرنا پێكڤەژیانێ‌ ل كوردستانێ‌ دبەردەوامن،ژلایەكی دی ڤە داخوازێ‌ ژ گشت سەرۆكێن تایێن لالش دكەین بتر رۆلێ‌ خۆ دناڤ جڤاكێ‌ ئێزدی و كوردستانێ‌ دا ببینن داكو بتر كارێ‌ وان دیار ببت و هەر چەندە تەخسیری نەكرینە ل هەموو هەلكەفت و جەژن و توافا ل سەرانسەری دەڤەرێن ئێزدیان،بنگەهێ‌ لالش هەردەم پشتەڤان بوویە و ئەڤ بیرەوەری و جەژن و سەرسال ساخكرینە و هەموو گاڤا پشتەڤانیا كەسایەتیێن ئایینی یێن ئێزدیان كریە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.