تشرینی دووه‌م 14, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ‌ لالش: مەترسیەكا مەزن لسەر ئێزدیان ل رۆژئاڤا هەیە

بنگەهێ‌ لالش: مەترسیەكا مەزن لسەر ئێزدیان ل رۆژئاڤا هەیە
باسنيوز:

سەرۆكێ‌ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ل دهۆكێ‌ دیاركركو مەترسیەكا مەزن ل سەرئێزدیان ل رۆژئاڤایێ‌ كوردستانێ‌ دروستبوویە. ئەوا ل عەفرینێ‌ دژی ئێزدیان هاتیە ئەنجامدان مەترسی هەیە ل دەڤەرێن دی ژی ئەو دەر دەسەری بسەرێ ئێزدیان بهێت.

شێخ شامۆ، سەرۆكێ‌ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ل دهۆكێ‌ بۆ (باسنیوز) دیار كر: “چەوا ل عەفرینێ‌ كو سەنتەرێ جوگرافیەتا ئێزدیان بوو ئێزدی ژێ‌ دەربەدەر بوون نها ژی مەترسیەكا مەزن ل سەر ئێزدیێن حەسكە هەیە تووشی هەمان كارەسات و دەردەسەری بن چونكو ئەو گرۆپێن رادیكال یێ‌ چنە وان دەڤەران دا ئەو گرۆپ دلۆڤانی ب پێكهاتێن ئاینی نابەن. ئەڤە قەدەرا مە ئێزدیان ل هەر جهەكێ‌ شەر بهێتە كرن ئێزدی بنە قوربانی و زۆلم و زۆرداری ل ئێزدیان دهێتە كرن”.

خویا ژی كر: “درێژاهیا دیرۆكێ‌ دا داگیركەر دلۆڤانیی ب پێكهاتێن ئاینی نابەت نەخاسمە ژی پێكهاتەكێ‌ تایبەتمەندیا وێ‌ یا جۆدا بیت ژ بیروبوجوون وان. راستی مەترسیەكا سۆر وسۆر ل سەرهەبوون و تایبەتمەندیا ئێزدیان ل رۆژئاڤا هەیە”.

ئێزدی ژ دەڤەرا سەرێ‌ كانیێ‌ و تل خاتوون و تل بنات و علوك و سكریە و چەندین گوندێن دی‌ یێن ئێزدیان هاتینە چوول كرن ل رۆژئاڤایێ‌ كوردستانێ‌.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.