تشرینی دووه‌م 17, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ‌ لالش دێ‌ هەلكەفتێن ئادار و نەورۆزێ‌ ل دەڤەرێن ئێزدیان ساخ كت

بنگەهێ‌ لالش دێ‌ هەلكەفتێن ئادار و نەورۆزێ‌ ل دەڤەرێن ئێزدیان ساخ كت
تۆرا لالش یا راگەهاندنێ‌/دهۆك
سەرۆكێ‌ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ل دهۆكێ‌ راگەهاند،كو بنگەهێ‌ لالش دێ‌ هەلكەفتێن ئادار و نەورۆزێ‌ ل دەڤەرێن ئێزدیان ساخ كت.

كۆمبوونا ئاسایی یا دەستەیا بلندا بنگەهێ‌ لالش یێ‌ رەوشەنبیری و كۆمەلایەتی،ئیرۆ8/3/2019ێ‌ ب ئامادەبوونا بەرێز “شێخ شامۆ” سەرۆكێ‌ بنگەهێ‌ لالش و ئەندامێن دەستەیا بلند و بەرپرسێن تایێن لالش ب رێڤەچۆ.

ل كۆمبوونێ‌ دا شێخی دیاركر”ئەڤ كۆمبوون یا هەڤدەمە دگەل دەستپێكا هەلكەفتێن ئادار و نەورۆزێ‌ و ژ ئارمانجێن بنگەهێ‌ لالشە ژی خزمەتا هەموو هەلكەفتێن ئایینی و نەتەوی بكت،ژ وان ژی هەیڤا ئادار و نەورۆزێ‌ كو هەیڤا خۆشی و نەخۆشیێن گەلێ‌ كوردستانێ‌ یە و ئەركێ‌ بنگەهی یە ئەڤان بیرەوەریان ساخ بكت”.

دتەوەرەكی دی یێ‌ كۆمبوونێ‌ دا سەرۆكێ‌ بنگەهێ‌ لالش بەحسێ‌ مال ئاڤاهیا میر تەحسین بەگ كر كو چاوا حكومەتا هەرێما كوردستانێ‌ رێز ل پێشوازیا جەنابی وی كر و دیاركر”بنگەهێ‌ لالش ژی رۆلەكی سەرەكی هەبوویە ل پێشوازیا تەرمێ‌ وی و ل تازیێ‌ دا ژی دیسان بنگەهێ‌ لالش رۆلەكی كارا هەبوویە”.

دلایەكی دی دابەرێز”شێخ شامۆ” هەشتی ئادارێ‌ رۆژا جیهانی یا ژنان پیرۆزكر و دهەمان دەم دا روودانا مەزنا بسەرێ‌ ئێزدیان هاتی ل باغۆزێ‌ ئیدانە و شەرمەزاركر و داخواز ل جڤاكێ‌ نێڤ دەولەتی كر هەر چ زوویە لێكۆلێنێن بەردەوام بێنە كرن بۆ دەستەسەركرنا وان كەسێن ئەڤ تاوانە كرین و ئەڤ تاوانا مەزن بسەرێ‌ خەلكێ‌ مە ئیناین.

هەروەسا ل كۆمبوونێ‌ دا شێخی بەحسێ‌ بزاڤ و چالاكیێن بنگەهێ‌ لالش ل سەرانسەری دەڤەرێن ئێزدیان كر و دیاركر كو بنگەهێ‌ لالش ل رێزا پێشیێ‌ یە ژ هەموو ئالیەكی بۆ خزمەتكرنێ‌ ژ روویێ‌ رەوشەنبیری و كۆمەلایەتی ڤە،تەكەزكر ” بنگەهی رۆلەكی مەزن هەیە تایبەت ژئالیێ‌ كۆمەلایەتی ڤە كو پرانیا هۆلێن لالش یێن كو خەلك رێورەسمێن خۆ یێن كۆمەلایەتی لێ‌ دگێرت بنگەهی هەموو سەخبێركر و رێك وپێك كرینە بسەرپەرشتیا بنگەهێ‌ لالش”.

سەرۆكێ‌ بنگەهێ‌ لالش دووپاتكر”پشتەڤانیا بنگەهێ‌ لالش بۆ قوتابیێن كێم دەرامەت دێ‌ بەردەوام بت و دشیان دا بت پرۆژێ‌ وان بۆ هاریكاریكرنا قوتابیان ناسەكنن،شێخی رۆنكر ژی بنگەهێ‌ لالش دێ‌ پشتەڤانیا بەردەوام بۆ وان نڤیسكاران كت ئەوێن لسەر ئێزدیان دنڤیسن ب تایبەت ژی لسەر جینۆسایدا شنگالێ‌،چنكو ئەڤە ئەركێ‌ بنگەهێ‌ لالشە خزمەتا نڤیسكار و رەوشەنبیران و بكت”.

ل داویا كۆمبوونێ‌ گەنگەشە لسەر گرنگترین بزاڤ و چالاكیێن بنگەهێ‌ لالش هاتە كرن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.