حوزه‌یران 26, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش پيرۆزباهيێ ل به‌رێز مه‌سرور بارزانی دكت

بنگه‌هێ لالش پيرۆزباهيێ ل به‌رێز مه‌سرور بارزانی دكت

رێزدار جه‌نابێ كاك مه‌سرور بارزانی هه‌لبژاردیێ سه‌رۆكێ ئه‌نجومه‌نێ وه‌زیران زۆر به‌رێز

ب هه‌لكه‌فتا هه‌لبژاردنا جه‌نابێ وه‌ بۆ سه‌رۆكێ ئه‌نجومه‌نێ وه‌زیران، ئه‌م ل بنگه‌هێ لالش ب ناڤێ گشت تایی ب نڤیسینگه‌ه و جه‌ماوه‌رێ بنگه‌هێ لالش ل سه‌رانسه‌ری ده‌ڤه‌رێن ئێزدیا پیرۆزباهیێ ل گه‌لێ كوردستانێ و جڤاكا كوردێن ئێزدی و جه‌نابێ وه‌ یێن هێژا دكه‌ن .

د چه‌ند سالێن سه‌ختێن ده‌رباس بوویی دا ،ئه‌و ئه‌زمون و خه‌باتا جه‌نابێ وه‌ ل ئه‌نجومه‌نێ ئاسایشا هه‌رێمێ د پاراستن و به‌رگریكرنا كوردستانێ دا بویه‌ جهێ متمانه‌كا تمام ل جه‌م هه‌می كوردستانیان ،و دوێ باوه‌رێ دانه‌ جه‌نابێ وه‌ ب هه‌مان رێزانی و لێهاتن دێ كاروانێ خه‌باتێ به‌ره‌ف پێشخستن و ئاڤه‌دانیه‌كا زێده‌تر و خۆشگۆزه‌رانی به‌ت بۆ هه‌می خه‌لكێ كوردستانێ بێ جیاوازی.

رێزدار وه‌كو كوردێن ئێزدی ئه‌و ئه‌زمونا مه‌ دگه‌ل جه‌نابێ وه هه‌ی،‌ مه‌ پشت راست دكه‌ دێ ب هه‌مان نه‌فه‌س و تێگه‌هشتن چاره‌سه‌ریا ده‌رد و برینێن ئێزدیا ب تایبه‌ت ل شنگال كه‌ی، یه‌قین جه‌نابێ وه‌ دێ درێژه‌پێده‌رێ وێ به‌ره‌ڤانی و لێپرسینا جه‌نابێ سه‌رۆك مسعود بارزانی بیت ل ئێزدیا.

دخوازین ل حكومه‌تا تازه و سازیێن حكومه‌تێ ئێزدی بێ به‌ش نه‌بن وشان ب شانێ پێكهاتێن دیتر رۆلێ خوه‌ بلیزن و تایبه‌تمه‌ندیا مه‌ یا ئۆلی بهێته‌ راچاڤكرن.

وه‌كو سازیه‌كا ره‌وشه‌نبیری جڤاكی تایبه‌تمه‌ند ب ژیانا جڤاكی یا ئێزدیا ،سۆز دده‌ن مل ب ملێ سازیێن حكومه‌تا هه‌رێمێ ب گیانه‌كی خورت هه‌لگرێ باره‌كی گرانتر بن بۆ ئاینده‌كی گه‌شتر.

ئارامی و ئاڤاكرن و پێشڤه‌چۆن به‌هرا كوردستانه‌كا ب هێزتر به‌ بۆ قۆناغه‌كا تازه ‌،به‌رز و بلند بمینه‌ ئالایێ كوردستانێ.

دگه‌ل رێزگرتنێن مه‌..

شێخ شامۆ
سه‌رۆكێ ده‌سته‌یا بلندا بنگه‌هێ لالش
١١/٦/٢٠١٩

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.