تشرینی یه‌كه‌م 22, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بتریا كچ و ژنێن رزگاربوویێن ئێزدی ل كەمپان تووشی نەخۆشیێن دەروونی بووینە

بتریا كچ و ژنێن رزگاربوویێن ئێزدی ل كەمپان تووشی نەخۆشیێن دەروونی بووینە
تۆرا لالش یا راگەهاندنێ‌
كچ و ژنێن رزگاربوویێن ئێزدی پشتی ژ دەستێن تیرۆرستێن داعشێ‌ هاتینە رزگاركرن بتریا وان ل ناڤ كەمپان دا ل سنوورێ‌ پارێزگەها دهۆكێ‌ هاتینە ئاكنجیكرن،ژبەر زۆری و زۆرداریا ل وان هاتیە كرن تووشی گەلەك نەخۆشیێن دەروونی بووینە.
(مەنال لوقمان)كچەكا رزگاربوویا ئێزدی یە ژ دەستێن داعشێ‌ بۆ رۆژناما دەنگێ‌ لالش دبێژت:رەوشا كچێن رزگاربوویێن ژ دەستێن داعش ل ناڤ كەمپان دا یا سەخت و ب زەحمەتە ب تایبەت ژلایێ‌ دەروونی و ساخلەمی ڤە،چنكو گەلەك ژوان مال و خێزانێن خۆ هەموو ژدەست داینە و پێتڤی ب هاریكاریێن ماددی ومەعنەوی نە،دڤێت ل جیەكی ئارام و ساخلەم ل دەرڤەی كەمپان دا بژین داكو ژیانا خۆ ب شێوەكی سروشتی و باش ب رێڤەببەن و ئەو زۆری و وزۆرداریا ل وان هاتیە كرن ژبیربكن،پێتڤیە لسەر لایەنێن پەیوەندیدار و رێكخراوێن مرۆڤی بتر دەستێ‌ هاریكاریێ‌ بۆ رزگاربوویان درێژ بكن.
هەروەسا(حەلا سەفیل)كچەكا دی یا رزگاربوویا ئێزدی یە بۆ رۆژناما دەنگێ‌ لالش گۆت:ئاكنجیكرنا كچێن رزگاربووی ل ناڤ كەمپان دا درەوشەكا هۆسا خراپ و پر زەحمەت دا بوویە ئەگەرێ‌ سەرەكی كو تووشی نەخۆشیێن دەروونی ببن،لەورا داخوازێ‌ ژ لایەنێن پەیوەندیدار دكەین بتر هاریكاریا رزگاربوویان بكن و كچ و ژنێن ماین ژدەستێن داعش بێنە رزگاركرن.
ژبال خۆڤە چالاكڤانا كچ(فەهیما سالح) بۆ رۆژناما دەنگێ‌ لالش دیاركر،ئەو كچ و ژنێن ژ دەستێن داعش رزگاربووین رەوشا وان پر یا دژوارە ودەردێ‌ وان یێ‌ گرانە و گەلەك زۆری و زۆرداری یا ل وان هاتیە كرن و تووشی گەلەك نەخۆشیێن دەروونی بووینە،پێتڤیە لسەر حكومەتا عێراقێ‌ و كوردستانێ‌ وجڤاكێ‌ نێڤ دەولەتی بتر هاریكاریا كچێن رزگاربوویی ل كەمپان دا ل سنوورێ‌ پارێزگەها دهۆكێ‌ بكن و بێنە چارەسەركرن و قەرەبووكرن ژلایێ‌ ماددی ڤە.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.